21/09/2026
WALTER BOLOGNANI × KN STEP – BASHKË PËR NJË NIVEL TË RI
Që nga viti 2008, KN STEP ka ndërtuar një sistem që bashkon rezultatet sportive, infrastrukturën, zhvillimin profesional dhe shkollën më të madhe sportive në vend.
Sot, këtë rrugëtim e çojmë në një nivel tjetër.
Me angazhimin e Walter Bolognani, një prej trajnerëve dhe ekspertëve të respektuar ndërkombëtarisht, KN STEP nis një bashkëpunim të strukturuar dhe afatgjatë, me synim avancimin e sistemit tonë sportiv dhe ngritjen e standardeve të punës.
Walter do të punojë krah për krah me trajnerët, notarët dhe stafin profesional të KN STEP, duke sjellë përvojën dhe metodologjinë e tij ndërkombëtare në strukturimin e programeve, zhvillimin e trajnerëve, identifikimin e talenteve dhe ndërtimin e rrugës drejt performancës elitare.
Ky bashkëpunim nuk synon vetëm rezultate më të mira sot. Synon të ndërtojë një model pune që zhvillon trajnerë më të mirë, notarë më të përgatitur dhe një sistem të aftë të prodhojë vazhdimisht gjenerata të reja të nivelit të lartë.
18 vite përvojë të KN STEP dhe ekspertiza ndërkombëtare e Walter Bolognanit bashkohen me një objektiv të përbashkët: ta çojmë notin tonë në një standard të ri.
KN STEP × Walter Bolognani
One Step Ahead.
