24/08/2026
Falënderim për stafin dhe klientët e Restaurant Freskia
Pas një sezoni të begatshëm, dua të shpreh mirënjohjen time të veçantë për të gjithë stafin e Restaurant Freskia. Edhe këtë sezon ish*t në nivelin më të lartë, treguat profesionalizëm, përkushtim dhe punë të palodhshme, duke dhënë maksimumin që çdo klient të ndihej i mirëpritur dhe të merrte shërbimin që meriton.
Pas çdo pjate, çdo shërbimi dhe çdo buzëqeshjeje qëndron puna dhe përkushtimi juaj. Faleminderit që edhe një herë dëshmuat se Freskia nuk është vetëm një restaurant, por një ekip që punon me zemër.
Një falënderim i veçantë shkon për klientët tanë besnikë, të cilët tash e 25 vite na besojnë momentet e tyre më të bukura familjare. Na nderoni duke zgjedhur Freskinë për darkat, drekat, festat, gëzimet dhe takimet tuaja familjare. Besimi dhe vlerësimi juaj janë motivi ynë më i madh për të punuar edhe më shumë.
Një mirënjohje e veçantë shkon edhe për mërgimtarët tanë, të cilët gjatë pushimeve në vendlindje na vizituan çdo ditë, shpesh me familjet e tyre. Është kënaqësi e veçantë të shohim familjet tona nga diaspora që kthehen në vendlindje dhe zgjedhin Freskinë për t’i kaluar së bashku momentet e tyre.
Besimi juaj është motiv për ne, ndërsa kënaqësia juaj është suksesi ynë.
Tani, me shumë respekt dhe mirënjohje, e mbyllim këtë sezon duke parë përpara. Besojmë dhe shpresojmë që sezoni i ardhshëm do të sjellë edhe më shumë befasi, ndryshime dhe risi – si në ambientet tona, ashtu edhe në menytë tona, të cilat do të jenë edhe më të begata dhe më të pasura.
Do të vazhdojmë të punojmë për ta ruajtur atë që kemi ndërtuar së bashku për 25 vite, por edhe për ta çuar Restaurant Freskia në një nivel edhe më të lartë.
Faleminderit stafit tonë.
Faleminderit klientëve tanë.
Faleminderit mërgimtarëve tanë.
Faleminderit që për 25 vite jeni pjesë e historisë së Freskisë! ❤️
Me shumë respekt dhe mirënjohje,
Familja Delijaj – Restaurant Freskia
