Halal Correct Certification Uzbekistan

09/10/2025

Malayziyaning Kuala-Lumpur shahrida boʻlib oʻtadigan 2025-yilgi Global Halol Sammitida ishtirok etish sharafiga muyassar boʻldik.

09/10/2025

🔷 Halolni global tan olish uchun xalqaro hamkorlik 🔷

Yuqori sifatli Halol sertifikati bo‘yicha jahon yetakchisi bo‘lib qolish strategik missiyamiz doirasida vakillarimiz Eng. Taoufik Maatug va Eng. Roumaissa Boukhelifa, Tailand Markaziy Islom Kengashi (CICOT) bilan o'zaro tan olish to'g'risidagi asosiy kelishuvni imzoladi.

🤝 Ushbu shartnoma Halal Correct sertifikatlash guruhi va CICOT oʻrtasidagi hamkorlikni mustahkamlaydi va Halal Correct tomonidan sertifikatlangan mahsulotlar Tailandning tez oʻsib borayotgan Halol bozorida rasman tan olinishini taʼminlaydi.

🌍 Halol toʻgʻri sertifikatlash guruhi Yevropa va Afrikadagi eng keng miqyosda akkreditatsiya qilingan Halol sertifikatlash organi boʻlishga sodiq qoladi.

05/12/2024

28/11/2024

Chococrem va Pankie Halal sertifikatga ega

26/11/2023

Chortoq Mineral Waters is halal certified .
, ,

25/05/2023

🟢 “Halal Correct” қандай маҳсулотларни сертификатлайди?

✅ Қайта ишланган озиқ-овқат маҳсулотлари: Зираворлар, шакар ва шакар маҳсулотлари, қаҳва ва қаҳва концентрати, пектин, протеин, нон маҳсулотлари, қайта ишланган сабзавотлар, қайта ишланган балиқ (консерва), соус, шоколад, шарбат ва шарбат аралашмаси маҳсулотлари, франсузча чипс ва картошка маҳсулотлари;

✅ Сут маҳсулотлари: Пишлоқ, пишлоқни маркалаш, буғдой кукуни, сут кукуни ва кўпиртирилган крем (қаймоқ);

✅ Гўшт ва гўшт маҳсулотлари: Гўшт, парранда гўшти, колбаса, енгил ва овқатланишга тайёр таомлар (Fast food);

✅ Доривор ва бошқа маҳсулотлар: Зираворлар, озиқ-овқатга солинадиган қўшимча маҳсулотлар, тозалаш воситалари, картошка ва маккажўхори крахмали, озуқавий маҳсулотлар, болалар овқатлари ва озиқ-овқат қадоқлари;

21/05/2023

Halal Correct Certification Uzbekistan bilan o'z mahsulotlaringizni jahon bozorlariga eksport qiling

18/01/2020

❗️❗️❗️ ОГОҲ БӮЛИНГ

Европа ва бошқа барча ғарб мамлакатларида асосий тановул қилинадиган гўшт - чўчқа гўшти ҳисобланади. Европа мамлакатларида минглаб (ҳар бир давлатда) чўчқа фермалари фаолият юритади. Чўчқа ҳайвонлар орасида энг кўп ёғ олинувчи ҳайвон эканлиги, европалик ва америкаликлар эса ёғ истеъмол қилмаслиги ҳисобга олинса, Европа давлатлари шунча чўчқадан олинган ёғни нима қилади, деган савол туғилади.

Ўтган аср ўрталарида бу ёғлар ёқиб юборилган. Кейинчалик улар косметика воситаларини (дастлаб, совун таркибида) ишлаб чиқаришда ишлатила бошланди. Кейинроқ озиқ-овқат маҳсулотларига қўшиладиган турли эмулсиялар таркибига ҳам аралаштирила бошлашди. Мусулмон давлатлар бундан хабар топгач, мазкур маҳсулотлар импортини чеклашади. Европаликлар эса чўчқа ёғи ишлатилганлигини яшириш мақсадида уни таркибда "ҳайвон ёғи", деб кўрсата бошлашди. Мусулмон давлатлар учун Европада сўйилган ҳар қандай ҳайвон ёғи ҳаром эди.

Шундан сўнг каттагина даромад манбайини қўлдан чиқаришни истамаган европалик ишбилармонлар E-кодлаштириш тизимини ишлаб чиқишди. Озиқ-овқат маҳсулотлари таркибига қўшиладиган эмулсиялар - витаминлар, маъза, ҳид, ранг берувчи ва бошқа воситаларни кодлар воситасида кўрсатила бошланди. Мазкур воситаларни тайёрлашда ҳайвон ёғлари, ҳашоратлар, ўсимлик ёғларидан фойдаланилади. Лекин аниқ таркиб кўрсатилмаганлиги, сир тутилганлиги боис, улар орасидан ҳалолини ажратиб олиш мушкул.

Шу сабабли, тадқиқотчи мусулмон олимлар E-кодлаштиришдаги номаълум таркибга эга воситалар рўйхатини эълон қилишган.

Шулардан чўчқа ёғидан тайёрланган айрим E-кодга эга воситаларнинг рўйхати билан танишинг:

E100, E110, E120, E140, E141, E153, E210, E213, E214, E216, E234, E252, E270, E280, E325, E326, E327, E334, E335, E336, E337, E422, E430, E431, E432, E433, E434, E435, E436, E440, E470, E471, E472, E473, E474, E475, E476, E477, E478, E481, E482, E483, E491, E492, E493, E494, E495, E542,
E570, E572, E631, E635, E904.

E-кодлаштирилган воситалар асосан тиш пастаси, сақич, шоколад, ширинликлар, консерва маҳсулотларини ишлаб чиқаришда фойдаланилади.

Мусулмон давлатлари аҳолиси истеъмолига - луқмасига шундай ҳаром маҳсулотлар аралашгани учун ҳам бугунги жамиятимиз ҳаёсизлик, беномуслик, беандишалик каби муаммоларга дучор бўлди.

Др. М. Амжад Кҳан
Тиббий Тадқиқотлар институти

(Муқаддамхон Саидрасулова айрим қисқартиришлар билан таржима қилди)

17/01/2020

Halal Correct Certification

16/01/2020

❗️❗️❗️❗️❗️ЖЕЛАТИН ❗️❗️❗️❗️

❓❓САВОЛ
Ассалому алайкум! Ҳурматли Устозлар. Мен аёлимга дори олиб келиб берганимда дорининг капсуласи желатиндан килинган экан.

✅ Савол 1. Шу дорини ичса бўладими? Мен желатин ҳукмини ва унга оид саволларни ҳам ўқидим. Аммо бир тўхтамга кела олмадим. Тушунишимча желатин нимадан олинганига боғлиқ ва истехола топса ҳалол бўлмаса ҳаром. Аммо кўп ҳолларда ишлаб чиқарувчилар фақат "Желатин" деб ёзади. Биз уни қайси ҳайвондан олинган, чўчқами ёки ҳалол, ёки ҳаром сўйилган ҳайвонми билмаймиз.

✅ Савол 2. Ёки биз агар истихола топмаган маҳсулот бўлса, желатин ёзуви бор барчасини истеъмол қилишимиз керак эмасми? Шунга ойдинлик киритиб берсангизлар илтимос. Жавобингиз учун раҳмат!

🌙🌙 Зикр аҳлидан сўранг» ҳайъати:🌙🌙

❇️ ❇️ ЖАВОБ

- Ва алайкум ассалом! Фатво:

1. Чўчқанинг терисида содир бўлган кимёвий ўзгариш шаръан эътиборга олинмайди. Қайнатиб пиширилган тўнғиз гўшти ҳеч кимнинг наздида ҳалол бўлмаганидек ундан тайёрланган желатин ҳам ҳалол бўлмайди;
2. Соҳа мутахассисларининг тадқиқотларига биноан чўчқа гўштида содир бўлган кимёвий ўзгариш ҳеч қандай аҳамиятга эга эмас ва бу ўзгаришни янги ҳақиқат (модда) пайдо бўлди, дейилмайди. Балки, хом терида мавжуд нарса, майда бўлакларга бўлиниб кетди, дейилиши мумкин халос. Шунинг учун чўчқа гўштидан олинган желатинни истеъмол қилиш жоиз эмас.
Агар желатиндан дори тайёрланган бўлса, унинг ҳукми “ҳаром нарсалар билан даволанишга оид” бўлади. Бу ҳақида ҳанафий мазҳабидагилар тарафидан берилган фатвога биноан, бундан бошқа дори топилмаса, албатта, моҳир, ҳалол ва ҳаромнинг фарқига борувчи шифокорнинг маслаҳати билан уни истеъмол қилиши мумкин. Агар дорининг ҳалол ўринбосари бўлса, тўнғизнинг желатинидан ёки бошқа аъзосидан ҳам тайёрланган дори жоиз эмас. Тўнғиздан бошқа гўшти ҳалол ҳайвонлардан тайёрланган желатинга келсак бу иккига бўлинади.

Биринчиси: ўша ҳайвонларнинг терисидан тайёрланган бўлиб, у фуқаҳоларнинг “Ҳар бир тери ошлаш ила пок бўлади” қавлларига мувофиқ бўлади.

Иккинчиси: уларнинг суякларидан тайёрланган бўлади. Юқорида айтиб ўтганимиздек ҳар қандай тери ошланиши билан пок бўлади. Бунга барча уламолар иттифоқ қилганлар. Желатин олишнинг барча босқичларида уларнинг асл моҳияти худди туз конига тушган эшак тузга айланиб, ҳалол бўлишдек даражасида эмаслигини ўргандик. Шундай бўлсада ошланиши билан пок нарсага айланади. Яъни терига сингиб кетган нажосат тозалаб ташланади. Фуқаҳолар: тери хоҳ у гўшти ейиладиган бўлсин, ёки гўшти ейилмайдиган ҳайвонлар бўлсин(тўнғиз бундан мустасно) пок бўлади – деганлар. Барчамизга маълумки, бир нарсани пок бўлиши бошқа, поклиги билан бирга, ейиш ҳалол бўлиши бошқадир. Уламолар ошланган териларни поклигига иттифоқ қилганлар, ейишга ҳалол бўлиши тўғрисида ихтилоф қилганлар. Имом Шофеъий раҳматуллоҳи алайҳ наздларида ўлимтикнинг(мол, қўй, эчки, шунингдек гўшти ҳалол бўлган ҳайвонлар) териси ошланганидан кейин ҳам пок, ҳам ейишга ҳалол бўлади – деганлар. Ҳанафий уламоларидан бўлган бир ривоятда ҳам “ҳалол бўлади” деганлар. Лекин бу қавл заиф бўлиб, бунга фатво берилган эмас. Ҳанафийлар қавлига кўра ўлимтикларнинг териси ошлангач пок бўлади. Ундан кийим ёки жойнамоз қилиб фойдаланса бўлади. У териларни эритиб ёғ сифатида баданига суртса ҳам жоиз. Оғизга солиб ейишга келсак жоиз эмас. Аммо омма шунга мубтало бўлиб, ҳар бир таомига булар аралашган бўлса, имом Шофеъий раҳматуллоҳи алайҳнинг қавлларини ихтиёр қилиниб, ҳанафийлар наздларидаги заиф қавлни олиб, оғизга солиб, истеъмол қилиш жоизлигига ҳам фатво берса бўлади. Шунинг учун улардан тайёрланган желатин ишлатилиб, дорилар тайёрланган бўлса, юқоридаги гапга биноан итеъмоли жоиз бўлади. Тўнғиздан бошқа ўлимтикларнинг суяклари ошланмасдан ҳам пок ҳисобланади. Чунки уларда худди сочлардаги каби ҳаёт бўлмайди. Яъни қирқилганда оғримайди. Шунинг учун ўлимтикларнинг суякларидан тайёрланган желатинлар ҳам пок, ҳанафийларнинг заиф қавлларига биноан ҳам ҳалол ҳисобланади. Фуқаҳоларнинг наздидаги балои омма вақтида заиф қавлга амал қилиш мумкин.

Валлоҳу аълам
# Муҳаммад Тақий Усмоний.