26/07/2019
😭😭😭😭😭😭😭😭
صباح النور، في عادتي ما نحبش نبدا صباحي بخبر مؤلم، و لكن اليوم بش نخترق العادة. البارح الصباح، قمت على صوت سيارة إسعاف، خرجت للبلكون نلقاهم 4 و معاهم كرهبة شرطة. عرفت انو عدد الغارقين أكثر من واحد، و مع وجود الشرطة، تأكدت إنو على الأقل فما حالة وفاة. و لكن إنك من بعد تسمع انهم 3 أطفال أخوة و تجرب للحظة تحط روحك في بلاصة الوالدين، انت بيدك تموت و تحيا و حتى لوكان ماعندك بهم حتى قرابة. البارح الصباح البحر قصعة، قعدت نخمم في سيناريوات تكون السبب في الغرق، كيما غرق واحد و دخلوا خواتو الزوز بش يمنعوه و بالآكوا ستراس (aqua panic ) غرّقهم معاه. هذا سيناريو ديما يصير، و لكن كيف سألت في الليل منقذ و انا أثق في كلامو لمعرفتي الشخصية ليه، اتضح إنو فما حفرة طويلة على العرض و غارقة في العمق في مستوى الشط. اي انك تدخل عادي للبحر ماهوش غارق، و وفجأة تلقى روحك في هالهفهوف. و كيف تبدى الحماية الغادي، ينبهو السباحين. و يوميا يمنعوا منها عباد.
آي، و الناس اللي تحب تعوم قبل مجيء الحماية اش تعمل؟ ما فما حتى باليزاج (balisage), و لا بلاكة دالّة؟. شكون المسؤول توا على الكارثة هذي؟ منين جات الحفرة هذي من اصلو؟ ما فماش مختصين بش يقولولنا إذا كان وجودها هي نتيجة طبيعية و لا من جراء عمل بشري كيما الأشغال البحرية اللي صارت في بحر المنشية؟
أحنا قدام مشكل ذا أولوية قصوى بما انو الناس تجي تبحر من بعيد و من قريب و الجهات المسؤولة يلزم تتحرك بأقصى سرعة.
Une personne, c'est déjà trop. Qu'en dire de trois.
Ps: la plage concernée est plage kazma à droite, hammam sousse, devant café the house.
منقول من متساكني المنطقة
الأستاذة وفاء مسلّم
