08/06/2023
مع اقتراب عيد الأضحى المبارك
وصفة الماشطو/لوبيا خضرا بالمرقة
اولا نقو الماشطو نحولهاريسان واذا كانت كبيرة نحولها لخيوط اغسلوها مليح حطوها تتغلى 10 د وحطوها تحت ماء بارد باش توقفوا الطبخ وتحافظ على اللون
حطو قبل الماء يغلي من بعد ترمو الماشطو
لوبيا ماشطو تحب اللحم والدوزين لمليح
في طنيجرة نحطو زيت وسمن نحط لحم بقري ولا غنمي حسب المقدرة والمتوفر حتى الجاج عادي
نقطعو عليه زوج حبات بصل تقطيع صغير نزيدو شوية ملح فلفل اسود كركم زنجبيل نخلطو معدنوس مربع جومبو ذوق جاح نحمسوهم مليح من بعد نشد بول نحط فيه مغرف اكل معمر طماطم مصبرة مع عكري حلو وحار نحرحرهم بماء سخون شوية برك ونزيدو للحم ونواصل التقلية من بعد نرابي ثلاثة فصوص ثوم ونحرك ونمرق
انا نطيب بدون كوكوطة يعني نمرق مليح
كي تشوفو لحم تقريبا طاب والصوص تولي قيس قيس زيدو الماشطو وماتزيدوش الماء خاطرش هي تطلق الماء وخلوها تتجمر
توضيح الماشطو الي فالصورة طيبتها باللحم المفروم درتو خبيزات قليتو فالطنيجرة من بعد نحيتو ودرت فيه لبصل وووو
ودرت نفس الخطوات بدون لحم برك زدت قطعت حبة طوماطيش ومرقت شوية كي نقص الماء رميت الماشطو ورميت لحم مرحي
و كاين طريقة ثانية ما تغليش الماشطو تديريها تتقلى ديراكت مع لبصل و تمرقي غير بشوية و كل مرة تزيدي غير شوية ماء لازم تعسيها مليح هاد الطريقة تجي مجمرة خير
