19/06/2023
Ба наздикӣ дар шабакаи иҷтимоии Фейсбук нафаре бо номи Hakim Hakimich маводе оиди қаҳвахонаи мо нашр кард, ки воуниши дигар корбаронро ба вуҷуд овард.
Мо тасдиқ мекунем, ки ҳақиқатан дар яке аз рузҳо муштарии қаҳвахона хост як занро сари миз шинонда барояш таъом супориш диҳад, ки дар натиҷа ҷавоби рад гирифт. Мо пешниҳод кардем, ки беҳтараш барои ин зан хурокаро барои бо худ бурдан супориш диҳад, вале муштарии муҳтарам розӣ нашуд.
Ба иттилоъи мардуми азизи Тоҷикистон мерсонем, ки дар асл ин зан чанд маротиба меҳмони қаҳвахонаи мо буда, миннат нашавад ба вай ва боз садҳо нафар ниёзмандон ройгон таъом додаем. Вале аз сабаби он, ки касалии руҳӣ дорад ва одитарин ҳолатҳои гигиенӣ ва санитариро риоя намекунад, ҳар замон аз муштариён эрод мегирифтем, ки чаро ба чунин ҷойҳои ҷамъиятӣ, ки меҳмонони зиёд аз дохилу хориҷи кишвар мебиёянд, ин хел одамонро роҳ медиҳед.
Як руз ҳатто ин зан, ҳангоми ба қаҳвахона ворид шудани ҷавоне дастҳояшро қапида газиданӣ будаст. Ин ҳолатро камераҳои назоратии қаҳвахона сабт намуда, навори онро мо дар ихтиёри худ дорем.
Ин ҷавон ва дӯстонаш низ моро йбдор карданд, ки чаро шумо ин хел одамони касалии рӯҳӣ доштаро ба ин макон роҳ дода, истироҳати муштариёнро халалдор месозед.
Бояд зикр кунем, ки қаҳвахонаи “Мерве” зиёда аз 20 сол боз фаъолият намуда, мақсади асосии он хизматрасонии хубу босифат ба мардуми шарифи Тоҷикистон ва меҳмонони он мебошад. Тули солҳои зиёди фаъолият мо маблағҳои андозро саривақт пардохт намуда, ҷойҳои зиёди корӣ ташкил додаем.
Ҳамчунин монанди дигар мардуми мусалмон, хайру сахо ва дастгирии ятимону ниёзмандонро баракати кори худ дониста, дар ин самт корҳои зиёд анҷом додаем. Ҳамаи онро дар ин ҷо қайд намудан аз имкон берун аст.
Фақат соли 2022 мо ба 40 нафар шахсони нобино хӯроки ройгони нисфириӯзӣ омода намуда, дар иди саиди Қурбон ба оилаҳои эҳтиёҷманд, маъюбон ва дигар ниёзмандон ёрдам намудаем. Бар замми ин 200 нафар кудакони маъюб ва ятимонро бошад бо туҳфаҳои солинавӣ таъмин намудем. Дар ин росто ҳамчунин барои дастгирии маъюубону бепарасторон ва кӯдакони ятиму дардманд, тариқи бахши Ҷамъияти Ҳилоли Аҳмари Тоҷикистон дар шаҳри Душанбе, кумак намуда, дар зиёд иқдомҳои хайр саҳми худро гузоштаем.
Мо ба хираду дарки амиқи мардум бовар дорем ва минбаъд низ кӯшиш ба харҷ хоҳем дод, то дар муҳити тозаву озода ба муштариёни азиз, хизматрасонии сатҳи олиро пешниҳод намоем.
