03/05/2026
Sa una pa, kaniadtong 1984, didto pa sa pier nagsugod ang among gamay nga BBQ stand. Simple ra kaayo—gamay nga ihawan, pipila ka bangko, ug kusog nga determinasyon nga makabuhi ug makahatag lami nga pagkaon sa mga tao nga moagi.
Sa matag adlaw, bisan init o ulan, padayon lang ang paningkamot. Hinay-hinay, nakaila ang mga suki sa among timpla—ang humot sa inihaw, ang lami nga marinade, ug ang mainiton nga pag-atiman sa matag customer. Ang uban, once ra naka-tilaw, pero daghan ang nibalik-balik hangtod nahimo na silang parte sa among pamilya.
Karong panahona, dako na gyud among BBQ stand kumpara sauna. Dili lang kay nadugangan ang pwesto, pero nadugangan usab ang mga istorya, mga pahiyom, ug mga loyal nga suki nga wala gyud mibiya sa amo.
Dako kaayong pasalamat namo sa tanan nga nagpadayon ug suporta—sa mga dugay na nga kauban namo sukad pa sauna, ug sa mga bag-o pa lang nakatilaw pero nagbalik-balik na usab. Kamo ang rason nganong nagpadayon ug mitubo among gamay nga sugod.
Ug hangtod karon, pareho ra gihapon ang among tumong—ang maghatag og lami, abot-kaya, ug puno sa kasing-kasing nga BBQ para sa tanan. ❤️🔥
DAGHANG SALAMAT Haydol Food Trip for featuring our restaurant, naka paminaw akong mama,nalipay Siya naa pay nu appreciate SA iyang mugna na timpla.
https://youtu.be/mGP1K_pPl_g?si=_M10nXntxuYAhvXg
