03/05/2026
ATING ALAMIN: “PNP FOCUSED AGENDA”
Ito ang limang direksyon na sinusunod ng buong Philippine National Police sa sa pamumuno ni PGEN Jose Melencio C Nartatez Jr., Chief, Philippine National Police para mas maging mabilis, tapat, at ramdam ng tao ang serbisyo.
---
1. ENHANCED – MANAGING POLICE OPERATION
Mas planado, mas maingat, mas kontroladong operasyon ng pulis.
Senaryo:
May buy-bust operation sa isang barangay. Bago kumilos, may malinaw na briefing, may body cam, at may supervisor sa lugar. Matapos ang operasyon, may dokumentasyon at review para siguraduhing walang paglabag at ligtas ang lahat.
---
2. MORALE AND WELFARE
Inaalagaan ang kalusugan at kalagayan ng bawat pulis.
Senaryo:
Isang pulis na matagal nang nasa field duty ang dumaranas ng stress at pagod. Sa halip na balewalain, siya ay nirefer sa counseling at binigyan ng pahinga upang maiwasan ang maling desisyon sa trabaho.
---
3. MANAGEMENT OF RESOURCES
Tamang paggamit ng pondo at kagamitan ng PNP.
Senaryo:
Ang patrol car at body camera ng isang istasyon ay regular na chine-check. Walang nawawalang gamit, walang personal na gamit sa opisyal na sasakyan, at malinaw kung saan napupunta ang bawat pondo.
---
4. INTEGRITY MONITORING
Mahigpit na pagbabantay sa ugali at pamumuhay ng mga pulis.
Senaryo:
Isang pulis ang ini-report dahil sa biglaang pagyaman. Isinailalim siya sa lifestyle check at imbestigasyon upang masigurong walang illegal na gawain o pang-aabuso sa posisyon.
---
5. COMMUNITY SUPPORT
Mas malapit ang pulis sa tao at sa barangay.
Senaryo:
Sa halip na takot ang mga residente, ang pulis ay nakikipag-usap sa mga barangay, naglilibot sa komunidad, at tumutulong sa mga problema ng tao kaya mas nagiging bukas ang publiko sa pakikipagtulungan.
---
Sa ilalim ng Bagong PNP para sa Bagong Pilipinas – Serbisyong Mabilis, Tapat at Nararamdaman, layunin ng PNP na magkaroon ng pulis na disiplinado, maayos, at tunay na kakampi ng mamamayan.
---
‼️Disclaimer:‼️
Ang post na ito ay para sa kaalaman ng publiko batay sa opisyal na direksyon at adbokasiya ng Philippine National Police. Wala itong layong mag-akusa o manira ng sinuman at sumusunod sa Facebook Community Standards.
