28/05/2026
📢 MAHALAGANG BALITA MULA SA CHUBBY TUMMY
Mga Minamahal naming Customers,
Isang taos-pusong pagbati po sa inyong lahat.
Matagal-tagal din po kaming nawala. Noong September 2, 2024, biglaan po kaming nagsara dahil sa isang napakalungkot na pangyayari at ito po ang pagpanaw ng aming mahal na ama na si Mr. Nick Albaladejo, ang owner at siyang nagpapatakbo sa Chubby Tummy. Kinailangan po ng aming pamilya ang panahong ito upang magluksa, mag-ayos, at maghilom. Humihingi po kami ng paumanhin kung naging tahimik kami sa nakalipas na halos dalawang taon.
Ngunit dala ang inspirasyon at pagmamahal sa pagkain na iniwan sa amin ng aming yumaong ama, nais po naming ipabatid sa inyo na hindi po rito nagtatapos ang kwento ng Chubby Tummy.
Ipinagpapatuloy po namin ito para sa kanyang legacy, at para na rin sa inyo na hindi nakalimot sa amin.
🌟 Ang Aming Plano at Hakbang sa Pagbabalik:
SA NGAYON (Mga Produkto Muna):
Habang inihahanda pa po namin ang lahat, mga bagong produkto muna ang aming iaalok sa inyo. Maaari po kayong mag-order para sa pickup o delivery.
ANG AMING PANGAKO (Muling Pagbubukas ng Chubby Tummy): Maaaring hindi pa ngayon ang buong pagbabalik ng aming kainan, ngunit sinisigurado po namin sa inyo na muli kaming magbubukas sa mga susunod na panahon. Ginagawa po namin ang lahat ng paghahanda upang masiguradong maayos at handa na kami kapag dumating ang araw na iyon.
Abangan po sa aming page ang listahan ng mga produkto na pwede ninyong ma-order simula sa susunod na linggo.
Maraming salamat po sa inyong mahabang paghihintay, pag-unawa, at sa patuloy na pagsuporta. Sabik na po kaming muling mabusog ang inyong mga Chubby Tummies sa abot ng aming makakaya sa ngayon. ❤️
Lubos na nagpapasalamat,
Ang Pamunuan at Pamilya ng Chubby Tummy
