17/11/2024
Sa among mga pinalanggang mga kustomer, pamilya, ug mga higala,
Human sa hapit tulo ka dekada nga pagtimpla, pagluto ug paghukad sa atong komunidad, nanghinaut kami nga magpasabot nga magsira na kami sa among mga pultahan sa katapusan niining semanaha.
Dako kaayo nga pasalamat ang among gibati nga kami nahimong kabahin sa inyong mga kinabuhi niining mga katuigan. Gikan sa unang pagkaon nga gi-serve hangtod sa katapusan, giapresyar namo ang matag-momentong nauban namo kamo—bisan pa man kini usa ka simpleng paniudto, espesyal nga selebrasyon, o malipayong adlaw uban sa mga mahal sa kinabuhi. Ang matag usa kaninyo nakatabang sa paghimo niini nga restaurant nga usa ka espesyal nga lugar, ug kami nagapasalamat kaayo sa inyong suporta, pagkamaunongon, ug pagkahigala sa tibuok panahon.
Gusto namo ipahat ang among kinasing-kasing nga pagpasalamat sa tanan nga mga kustomer nga nakig-uban namo, nagselebrar sa mga kalampusan, ug nakigbahin sa mga hinumduman sa mga katuigan. Ang inyong pagsalig, mga maayong pulong, ug ang inyong presensya sa among restaurant labaw pa sa mga pulong nga among masulti. Sa among mga hinigugma nga mga Ate ug Uncle nga kauban sa 3 She’s, nangagi ug kasamtangan, ang inyong paningkamot, dedikasyon, ug passion mao ang kasingkasing ug kalag sa among establisimyento. Dili namo kini mahimo kung wala kamo – Ate Tere, Ate Visit, Ate Conching, Ate Inday Lanzaderas, Ate Inday Bahian, Ate Inday Jumalon, Ate Inday Bruno, Ate Inday Tacal, Ate Vivian, Ate Lorena, Ate Bebie Joel, Uncle Loloy Torio, Uncle Danny, Ate Melbeth, Ate Violy, Ate Annalou, Ate Inday Gamay ug sa mga wala naapil ug hisgot.
Samtang magsira kami niini nga kapitulo, magadala kami ug daghang hinumduman nga magpabilin sa among kasingkasing ug dako nga pagpasalamat sa komunidad nga nagsuporta kanamo. Bisan og matapos ang among panahon isip usa ka restaurant, ang mga katuigan nga kami nag-uban magpabilin nga duol sa among mga kasingkasing.
Daghang salamat usab sa pag-apil sa among istorya. Magapasalamat kami hangtod sa kahangturan sa mga higayon nga among gipangbahin, ug nagapanghinaut kami nga magmalipayon ug magmalampuson kamo sa umaabot nga mga katuigan.
Uban sa gugma,
3 She’s Food Haus
