10/07/2025
"NAGTITIIS AKO PARA SA ANAK KO"
Masakit mang aminin,
pero maraming tao ngayon ang nasa ganitong kalagayan.
Inaabuso, sinasaktan, pero patuloy pa ring nagtitiis para lang
sa kanilang pamilya.
"Ayoko ng broken family."
Sa tingin niyo ba, buo pa rin ang pamilya kung hindi kayo
masaya at ikaw ay sinasaktan?
Oo, magkakasama kayo, pero may sugat na.
Pumapasok pa ba sa isip niyo ang kapakanan ng mga anak natin,
na araw-araw nakikita ang magulang nilang nag-aaway?
Hindi porke't magkasama kayo, buo na.
"Mabuting ama ang asawa ko."
Pero hindi baโt siya rin ay kailangang maging mabuting asawa?
Sa isang pamilya, ang responsibilidad ng bawat isa ay mag-alaga, magbigay ng pagmamahal, at iparamdam sa isa't isa na mahalaga ka.
Ang pagiging magulang ay hindi lang tungkol sa pagbuo ng pamilya, kundi sa pagiging buo at masaya rin sa loob ng relasyon.
"Responsable ang asawa ko, siya ang bumubuhay sa amin."
Ano nga ba ang ibig sabihin ng pagiging responsable? Hindi lang ito tungkol sa pera. Ang pagiging responsable ay ang pagtutok sa pangangailangan ng bawat isa sa pamilya, emosyonal man o pisikal. Ang tunay na responsibilidad ay makitang masaya at buo ang pamilya, hindi lamang materyal ang abot.
"Hindi ko kayang buhayin mag-isa ang mga anak ko."
Kung iniisip mo na hindi mo kaya, iniisip mo lang na mahirap ito dahil wala ka pang solusyon. Hindi mo kailangang gawing mag-isa ang lahat. May mga paraan para mapaglabanan ang lahat ng ito, tulad ng child support at pagtutok sa sariling kakayahan para kumita at magsimulang muli.
"Mahal ko ang asawa ko, umaasa akong magbabago siya."
Kung paulit-ulit mo nang pinatawad ang mga maling gawain, at patuloy kang nasasaktan, sa tingin mo ba magbabago pa? Kung paulit-ulit na ang sakit, hindi mo na iyon magagawang kontrolin. Kung ikaw ay patuloy na pinapalakas ang maling pag-uugali ng isang tao, choice mo na iyon na patagilid na mapahamak.
Hindi mo kasalanan kung siya ay nagbago, pero ang paulit-ulit na pangaabuso, at ang pagigi
