24/06/2021
❗❗ МЭДЭГДЭЛ ❗❗
БИД НЭГДЭЖ БАЙНА – ШААРДЛАГА ХҮРГҮҮЛЖ БАЙНА
Манай хоол үйлдвэрлэл, үйчилгээний салбарынхан өнгөрсөн 15 сарын хугацаанд УОК болон төр засгийнхаа шийдвэрийг хүндэтгэн, хаа гэсэн үед нь хааж, нээ гэсэн үед нь нээж, халдвар хамгааллын чиглэлээр хий гэсэн ажил бүр нь хийж гүйцэтгэж үг дуугүй, бүсээ чангалан хамтран ажилласаар ирсэн.
Халдварын тоо ихсэж байгааг бидний үйл ажиллагаатай холбон тайлбарлаж, хязгаарлалтууд хийж байгаа нь оновчгүй төдийгүй үнэнд нийцэхгүй байна. Сонгууль болон одон медаль гардуулснаас хүний бөөгнөрөл үүсгэж, халдварын тоо ихссэн гэдгийг холбогдох байгууллагууд нь хэлж байна. Иймд төр засгийн эрх мэдэлтнүүдийн бодлогогүй үйл ажиллагаанаас үүдэлтэй хариуцлагыг жижиг дунд бизнес эрхлэгчид бид үүрч, хохирох ёсгүй гэж үзэж байна.
Манай байгууллага нийт 45 ажилтантай, ажилтан бүрийн ард 4 гишүүн байгаа гэж үзэхэд 180 Монгол улсын иргэний ахуй амьдрал энэ байгууллагатай салшгүй холбоотой байна. Бид төр засгаас халамж харж, тэтгэвэр тэтгэмж нэхэж, тендер горьдож үзсэнгүй. Хуулийн өмнө эрх мэдэлтэн, энгийн иргэн ижил хариуцлага хүлээдэг байхыг, мөн элдэв дарамт шахалтгүй урдах ажлаа л хийхийг хүсдэг залуу хамт олон байна.
Бид 60 гаруй бэлтгэн нийлүүлэгчиддээ сар бүр 100 сая төгрөгийн төлөлт хийдэг. Иймд хүргэлтийн үйлчилгээгээр зардлаа ч төлөх боломжгүй гэдийг ойлгон хүлээн авна уу. Дээрээс нь түрээс, татварын төлбөр нэхэгдэж маш их төлбөрийн дарамтанд байна. Олон жил хичээж босгосон бизнес, хамт олон, хөрөнгө оруулалтаа хамгаалах үүднээс #ШААРДЛАГА #ХҮРГҮҮЛЖ #БАЙНА. Үйл ажиллагаагаа хэвийн явуулах боломжоор хангаж, гаргасан шийдвэрээ дахин нэг харж, амьдралд ойр, иргэдээ бодсон шийдвэр гаргахыг бид шаардаж байна.
Oyunerdene Luvsannamsrai
Сайнбуянгийн Амарсайхан
Халдвар хамгааллын дэглэм баримтлах тал дээр бид нэмэлт шаардлагууд хүлээн авч ажиллахад бэлэн байна. Үйлчлүүлэгчид маань ч ухамсартай байна гэдэгт итгэж байна.
#Манай #салбарын #сайн дураараа нэгдэж буй ААН-үүд хуулаад тавих биш өөр өөрсдийн story-г бичиж #дуу #хоолойгоо хүргэнэ үү.