24/05/2024
🏰Хүний аюулгүй байдлын хэрэгцээг хангах хамгийн чухал хүчин зүйлсийн нэг бол орон байр.🌏 Дэлхийн улс оронд залуу гэр бүлийг дэмжих, агаарын бохирдлыг бууруулах, дэд бүтцийг хөгжүүлэх зэрэг олон шалтгаанаар үл хөдлөх хөрөнгө худалдан авах үйл явцыг хөнгөвчлөх бодлого хэрэгжүүлдэг. 💯
Ипотекийн хөтөлбөр бол хамгийн түгээмэл шийдлийн нэг юм.
🔑 Ипотекийн зээлийн талаар таны мэдвэл зохих зүйлс :
I. Зээлдэгчид тавигдах шаардлага
✔ Монгол Улсын иргэн, 18 нас хүрсэн байх
✔ Төрөөс хэрэгжүүлж буй орон сууцны ипотекийн хөнгөлөлттэй хүүтэй зээл болон түрээслээд өмчлөх орон сууцны хөтөлбөрт хамрагдаагүй байх;
✔ Үндсэн болон хамтран зээлдэгч нь төрөөс хэрэгжүүлж буй орон сууцны ипотекийн хөнгөлөлттэй хүүтэй зээлийн өрийн үлдэгдэлгүй байх;
✔ Банк, санхүүгийн байгууллагад хугацаа хэтэрсэн, чанаргүй зээлийн өрийн үлдэгдэлгүй байх;
✔ Шүүхийн шийдвэрийн дагуу төлөх болон татварын өр төлбөргүй байх;
✔ Сүүлийн 1 жилийн хугацаанд тогтвортой ажил эрхэлсэн, эсхүл энэ хугацаанд бизнес эрхэлсэн байх;
✔ Хувиараа бизнес эрхлэгчийн хувьд 2-оос доошгүй жил тогтмол үйл ажиллагаа эрхэлсэн байх;
✔ Өрхийн өр, орлогын харьцаа нийгмийн даатгалын шимтгэл болон татварын өмнөх орлогын 45 хувиас хэтрэхгүй байх;
✔ Зээлийн хугацаанд эд хөрөнгө, амь насны даатгалд хамрагдах
II. Бүрдүүлэх бичиг баримт
📋 Зээлийн өргөдөл
📋 Цахим үнэмлэх, 1 хувь цээж зураг
📋 Зээл хүсэгчийн сүүлийн 6 сарын дотор авахуулсан 3 х 4 хэмжээтэй цээж зураг;
📋 Ажил эрхлэлт болон орлогыг баталгаажуулах баримтууд
📋 Оршин суугаа газрын хорооны тодорхойлолт
📋 Бизнесийн үйл ажиллагааг нотлох баримт бичиг, гэрээ хэлцэлүүд
📋 Урьдчилгаа төлбөрийг төлсөн, эсвэл төлөх чадвартайг нотлох баримт
📋 Худалдах худалдан авах гэрээ /захиалгын гэрээ, гэрчилгээний хуулбар/
📋 Шинэ орон сууц бол Улсын комиссын актын хуулбар;
📋 Нийгмийн даатгалын тодорхойлолт
📋 Гэрлэлт бүртгэлтэй эсэх лавлагаа
📋 Өрхийн болон Бизнесийн орлогыг баталгаажуулах баримт бичиг /Банкны дансны хуулгууд/
📋 Шүүхийн шийдвэрээр бусдад өр төлбөргүй эсэх тодорхойлолт
📋 Бусад шаардлагатай баримт бичгүүд
III. Худалдан авах орон сууцанд тавигдах шаардлага
⛺️ Инженерийн дэд бүтцэд бүрэн холбогдсон, эрх бүхий байгууллагын шийдвэрээр ашиглалтад хүлээн авсан шинэ орон сууц, ашиглагдаж байгаа орон сууц,амьдран суух зориулалттай хөдөө орон нутагт байрлах амины орон сууц байх
⛺️ Үл хөдлөх хөрөнгийн улсын бүртгэлд бүртгэгдсэн, эд хөрөнгө өмчлөх болон эд хөрөнгийн бусад эрхийн талаар гуравдагч этгээдэд шаардах эрх үүсээгүй байх
⛺️ Амины орон сууцны газрыг өмчлөх, эзэмших эрх улсын бүртгэлд бүртгэгдсэн байх бөгөөд эзэмших эрхийн хугацаа нь зээлийн хугацаанаас богиногүй байх;
Эх сурвалж: МИК, Монгол банк
