Shwe Hlwar

Shortcuts

• Address
• Telephone
• Opening Hours
• Alerts
• Contact The Restaurant
• Claim ownership or report listing

• 

  Want your restaurant to be the top-listed Restaurant in Yangon?

ရွှေလွှာရဲ့အကြောင်းလေး

ရွှေလွှာဆိုပြီးဖြစ်လာဖို့အတွက် အစပျိုးခဲ့တာကတော့ အိမ်မှာလုပ်စားနေတဲ့ Sandwich လေးတွေကနေပဲဖြစ်ပါတယ်။ ပြီးတော့ အဒေါ်ကိုကျွေးဖြစ်တဲ့အခါကျ ဟယ်၊ စားလို့ကောင်းလိုက်တာ၊ မုန့်ကလေးတွေက တကယ်အရသာရှိတယ်၊ ကျောင်းဆင်းပွဲလုပ်တဲ့အခါမှာဖို့ လုပ်ပါဟယ် ဆိုတာနဲ့ မုန့်စလုပ်ဖြစ်ပါတယ်။ ၂၀၁၅-၁၆ ဝန်းကျင်ကပါ။ ကျောင်းဆင်းပွဲမှာလည်း ကိုယ်တို့ရဲ့မုန့်ကလေး စားကောင်းတယ် ဆိုတဲ့ feedback တွေပြန်ပေးကြပါတယ်။ ဘယ်ဆိုင်ကမှာတာလဲ လို့ ကျောင်းသားမိဘများကလည်း မေးကြတယ်လို့ ပြောပြတော့ ကိုယ်တို့မှာ ပျော်ရပါတယ်။ ပီတိဖြစ်ရပါတယ်။ ဒါပေမယ့် ကိုယ်တို့ ကျောင်းဆင်းပွဲရယ်၊ အလှူတချို့ရယ်ကလွဲရင် မုန့်ကို နာမယ်တပ်ပြီးမရောင်းဖြစ်သေးပါဘူး။ ရွှေလွှာ ဆိုတဲ့နာမယ်နဲ့ စပြီးရောင်းဖြစ်ဖို့ဖြစ်လာတာက အောင်ဇမ္ဘူဆရာတော်ဘုရားရဲ့ အလှူတခုကနေစခဲ့ပါတယ်။ အဒေါ်က ဆရာတော်ဘုရားရဲ့အလှူမှာကျွေးဖို့ မုန့်မှာတော့ အားကြိုးမာန်တက် မုန့်လုပ်ကြပါတယ်။ အလှူပေးတဲ့သူလည်း ပိုပြီးဒါနမြေကာက်အောင်၊ စားတဲ့သူတွေလည်း ကြိုက်ရအောင် မုန့်အဆာပလာတွေအကုန်လုံး မခိုမကပ်ပဲ အကောင်းတွေချည်းသုံးဖြစ်ခဲ့ပါတယ်။ ဆရာတော်ဘုရားက မုန့်ကို ဘုန်းပေးပြီးတော့ တကယ်ကောင်းတဲ့မုန့် လို့ မိန့်တော်မူခဲ့ပါတယ်။ အဲ့လိုဆိုတော့ အင်မတန်ကိုကျေနပ်ပြီး အင်မတန်ကိုပျော်ရပါတယ်။ ပီတိတွေလည်းဖြစ်ပါတယ် ပြီးတော့ ကိုယ်တို့ကို အမြဲတမ်းအားပေးတဲ့ အဒေါ်ကနေပဲ မုန့်ကလေးနာမယ်ပေးပြီးရောင်းပါတော့ ဟယ် ဆိုတော့မှ မရဲ တရဲနဲ့စဖြစ်ခဲ့ပါတယ်။ ဘာလို့မရဲတာလည်းဆိုတော့ ကိုယ်တို့သားအမိနှစ်ယောက်စလုံးက အချိန်ပြည့်ဝန်ထမ်းတွေမို့လို့ပါ။ မုန့်အမှာတွေကို အကောင်းဆုံးဖြစ်အောင်မလုပ်နိုင်မှာစိုးတာကြောင့်ပါ။ ဒီလိုနဲ့ မုန့်ဆိုင်ကလေးကိုနာမယ်ပေးဖို့ရာ သားအမိနှစ်ယောက်ပမျိုးမျိုးစဉ်းစား။ တခုပြောလိုက် မကြိုက်လိုက်နဲ့ နောက်ဆုံးတော့ တောင်ကလေးဆရာတော်ဆီကနေ ဒီ ရွှေလွှာ ဆိုတဲ့နာမယ်လေးရလာခဲ့ပါတယ်။ အဲ့သလိုနဲ့ ရွှေလွှာ ဆိုတဲ့နာမယ်လေးနဲ့ အလုပ်စဖြစ်ပါတယ်။ အခုချိန်တော့ အစာများများ မုန့်သားအိအိနဲ့ sandwich ဟာ ရွှေလွှာရဲ့ သင်္ကေကတလေးဖြစ်လာတဲ့အထိ ရပ်တည်ခဲ့တာ နှစ်နှစ်စွန်းခဲ့ပါပြီ။ ဒီကောင်းတဲ့ ဂုဏ်ကလေးကိုလည်း ရေရှည်ရပ်တည်နိုင်အောင် ထိန်းသိမ်းသွားမှာဖြစ်ပြီး ဒီ့ထက်ပိုကောင်းအောင်လည်းလုပ်သွားနိုင် အောင်အမြဲကြိုးစားနေပါတယ်ရှင်။ အားပေးကြတဲ့သူတိုင်းကို ကျေးဇူးအထူးတင်ပါတယ်ရှင်။