23/09/2022
ရန်ကုန်မြို့သစ်သို့ အမြန်ဆုံးရောက်ရှိနိုင်မယ့် ဒလတံတား တည်ဆောက်နေမှု မြင်ကွင်းများ (22–92022)
ဒလဘက်သို့ကူးရန် ရန်ကုန်ဖက်ခြမ်းတွင် တံတားထောက်တိုင် (၁၄)တိုင် ရှိသည့်အနက် အပေါ်ကားလမ်းဆောက်လုပ်နေသည်မှာ အခုဆိုရင် (၁၂)တိုင်နားအထိ မြန်မြန်ဆန်ဆန်တိုးတက်လာတာကို မြင်တွေ့ရပါတယ်။
ဘုန်းကြီးလမ်းတွင် ဆောက်လုပ်လျှက်ရှိသော ရန်ကုန်မြို့သစ်သို့ အမြန်ဆုံးရောက်ရှိနိုင်မယ့် ဒလတံတားတည်ဆောက်မှုသည် အနော်ရထာလမ်း၊ မဟာဗန္ဓုလလမ်းများကို ကျော်သွားပြီး အခုဆိုရင်ကမ်းနားလမ်းအထိရောက်ရှိနေပြီဖြစ်ပါတယ်။
ရန်ကုန်-ဒလ တံတားတည်ဆောက်မှုစီမံကိန်းကို ယခုနှစ်ကုန်တွင် ၅၀ရာခိုင်နှုန်း ပြီးစီးရန် လျာထားကာ ၂၀၂၄ ခုနှစ် ပထမပတ်တွင်အပြီးတည်ဆောက်ရန်လျာထားကြောင်း ဆောက်လုပ်ရေးဝန်ကြီးဌာနသတင်းများအရ သိရသည်။ ရန်ကုန် - ဒလ တံတား ပြီးစီးသွားပါက ရန်ကုန်မြို့တွင်းမှ ယာဉ်ကြောပိတ်ဆို့မှုများ အတိုင်းအတာတစ်ခုထိ လျှော့နည်းသွားနိုင်မည် ဖြစ်ကြောင်းသိရသည်။
အဆိုပါ တံတား ပြီးစီးသွားပါက ရန်ကုန်မြို့မှတဆင့် ဒ လ၊ တွံတေး၊ ကော့မှူးနှင့် ကွမ်းခြံကုန်းမြို့နယ်များသို့ လွယ်ကူလျင်မြန်စွာ သွားလာနိုင်မည်ဖြစ်ပြီး ရန်ကုန်မြို့ ၏ ယာဥ်ကြောပိတ်ဆို့မှုများကို အတိုင်းအတာ တစ်ခုအ ထိ ဖြေရှင်းပေးနိုင်မည်ဟု ကျွမ်းကျင်သူများက သုံးသပ်ကြခြင်း ဖြစ်သည်။
ရန်ကုန်-ဒလ တံတားသည် အရှည် ၁၈၆၈ မီတာ အကျယ် ၂၆.၅ မီတာရှိပြီး (၄)လမ်းသွားတံတား ဘိုးပိုင်အုတ်မြစ် သံကူကွန်ကရစ် ကိုယ်ထည်နှင့် သံမဏိကြိုးဆိုင်းတံတားဖြစ်ကာ ခံနိုင်ဝန်မှာ (၇၅) တန် ဖြစ်ကြောင်း သိရသည်။
မိုးနတ်မင်း အိမ် ခြံ မြေ
ရန်ကုန် Hotline - 09 662 757 000
