22/08/2024
မင်္ဂလာပါတောင်သူဦးကြီးများခင်ဗျ။တောင်သူဦးကြီးများသိရှိသင့်တဲ့ဗဟုသုတလေးတွေကိုမျှဝေပေးသွားမှာဖြစ်ပါတယ်ခင်ဗျ။
ပထမဦးဆုံးတင်ဆက်ပေးသွားမဲ့
စိုက်ပျိုးရေးဗဟုသုတအကြောင်းအရာလေးကတော့ "ဟူးမစ်အက်ဆစ်" ရဲ့အကြောင်းလေးပဲဖြစ်ပါတယ်။
ကျွန်ုပ်တို့ စားသောက်နေတဲ့အစားအစာတွေမှာ အချဉ်၊အငန်ကို မျှတအောင်စားပေးမှ ကောင်းမွန်တဲ့ကျန်းမာရေးကို ရနိုင်သလိုပဲ အပင်တွေကိုလည်း ချဉ်တာလေးလည်း ထည့်ပေးရပါတယ်။
ဟူးမစ်အက်ဆစ်ဆိုတာဘာလဲ?
(What is Humic Acid?)
အပင်နဲ့ သတ္တဝါတွေရဲ့ သဘာဝအတိုင်းကြေပျက်ဆွေးမြေ့ပြီးတော့ နောက်ဆုံးကြွင်းကျန်တဲ့အရာကို ဆိုလိုတာခြင်းဖြစ်သည့်အပြင်ဟူးမစ်ပစ္စည်းတွေက မြေကြီးထဲမှာရှိတဲ့ အဏုဇီဝသက်ရှိတွေနဲ့ သက်ရှိသတ္တဝါတွေကြောင့်လည်း ဖြစ်လာတတ်ပါတယ်။ ဟူမစ်တွေကိုဘယ်နားမှာ ရနိုင်မလဲဆိုရင်တော့
မြေတွေနဲ့ ရေတွေထဲမှာ၊ပင်လယ်တွေမှာလည်း တွေ့နိုင်ပါတယ်။များများစားစားတွေ့ရတဲ့ အရင်းအမြစ်ကတော့
မြေကြီးထဲက လီယိုနာဒိုက်အလွှာပဲ
ဖြစ်ပါတယ်။အဲ့တော့ ဟူးမစ်တွေကို လီယိုနာဒိုက်(Leonardite) အလွှာမှာ အများဆုံးတွေ့ရပါတယ်။
စိုက်ပျိုးရေးမှာ ဘာကြောင့်သုံးတာလဲ?
ရုပ်ပိုင်းဆိုင်ရာ တိုးတက်မှုတွေ
၁။ မြေသားဖွဲ့စည်းပုံကို တိုးတက်
ကောင်းမွန်စေသလို သဲဆန်တဲ့မြေမှာ
ဖြစ်တတ်တဲ့အာဟာရတွေဆုံးရှုံးတာကို လည်းကာကွယ်ပေးပါတယ်။ အခြားမြေဆီလွှာတွေမှာကျတော့ မြေတိုက်စားခံရခြင်းအပြင် မြေဆီလွှာ၏အစိုဓာတ်တွေကိုပါထိန်းသိမ်းပေးပါတယ်။ ဒါကြောင့် စိုက်ပျိုးရေးအတွက် ဟူမစ်ကအလွန်
ပင်ကောင်းကျိုးများစေပါတယ်။
၂။ မြေအက်ကွဲတာတွေ၊မြေပေါ်ရေမ
တင်တာတွေ၊မြေထဲရေမစိမ့်တာတွေ၊ မြေသားကို တိုက်စားခံရတာတွေ စတဲ့အချက်တွေကိုလည်း ပြုပြင်ထိန်းသိမ်းပေးနိုင်ပါတယ်။
၃။ မြေသားကိုကောင်းစေတယ်ဆိုလို့ တအားကြီး သိပ်သည်းသွားတာမျိုးမဟုတ်ပဲနဲ့ မြေသားကိုလည်း လေဝင်ပြီးတော့ လေဝင်လေထွက်ကောင်းစေပါ
တယ်။
၄။ ရေလောင်းလိုက်တဲ့အခါ ရေတွေက မြေသားထဲကနေ မြန်မြန်မထွက်သွားအောင်လည်း ဆွဲထားပေးပါတယ်။
၅။ သူရှိတဲ့မြေက တဖြည်းဖြည်းနဲ့ အနက်ရောင်ကိုပြောင်းသွားပြီးတော့ နေရောင်ခြည်စုပ်ယူမှုကိုလည်းပိုမို
ကောင်းမွန်စေပါတယ်။
ဓာတုဆိုင်ရာပြောင်းလဲချက်တွေ
၁။ မြေချဉ်ခြင်း၊မြေငန်ခြင်းတွေလည်းပြင်ဆင်ပေးနိုင်သလို မြေချဉ်၊ငံကိန်းတွေကိုလည်းပြောင်းလဲပေးနိုင်တဲ့
အစွမ်းရှိပါတယ်။
၂။ အပင်စိုက်ရာတွင်လည်း အပင်တွေကနေ ရေနဲ့ အာဟာရတွေစုပ်ယူမှုကိုအကောင်းဆုံးဖြစ်အောင်လုပ်ဆောင်ပေးပါတယ်။
၃။ ထိန်းရသိမ်းရခက်သော မြေတွေ
(နည်းနည်းလေး အပြောင်းအလဲလုပ်လိုက်တာနဲ့ ချဉ်သွားတာ၊ငန်သွားတာမျိုးဖြစ်တတ်တဲ့ မြေတွေ) ကိုလည်း အာ့လိုမဖြစ်လာအောင်ထိန်းပေးနိုင်ပါတယ်။
၄။ အာဟာရတွေကိုလည်းအပြင်ကနေ အုပ်ထားပေးသောကြောင့် ငန်နေတဲ့မြေတွေမှာ ဖြစ်တတ်တဲ့ အာဟာရအဆိပ်
သင့်မှုတွေလည်းဖြစ်မလာစေပါဘူး။
၅။ အပင်တွေအတွက် လိုအပ်တဲ့အာဟာရဓာတ်တွေကိုလည်းအများကြီးရစေရန် ကူညီပေးပါတယ်။
၆။ မြေကြီးထဲက ဓာတ်ဖိုဖလှယ်တဲ့နှုန်းကိုလည်းတက်လာစေပါတယ်။ အပင်တွေအများကြီးစားတဲ့အရာကတော့ဓာတ်ဖိုလေးတွေပဲဖြစ်ပါတယ်။
၇။ ရေမှာပျော်ဝင်လွယ်တဲ့ မြေသြဇာတွေထည့်တဲ့အခါ အာဟာရဆုံးရူံးမှုတွေ မဖြစ်အောင်လည်း ဟူမစ်က ထိန်းထားပေးပါတယ်။
၈။ ဒါ့အပြင်ထည့်လိုက်တဲ့ NPK
အပြင်(အိုင်းယွန်း) သံဓာတ်နဲ့ (ဇင့်)
သွပ်ရယ် အခြားဓာတ်တွေကိုပါ အပင်တွေစားသုံးလို့ရတဲ့ပုံစံအဖြစ်
ပြောင်းလဲပေးပါတယ်။ တောင်သူဦးကြီးတို့ထည့်လိုက်တဲ့အရာ(အာဟာရ)တွေကိုလည်း အပင်များစားသုံးနိုင်အောင်ပြုလုပ်ပေးပါတယ်။
၉။ အပင်တွေမှာလိုအပ်တာထပ်ပိုပြီးအများကြီးရှိနေလျှင်အဆိပ်အတောက်ပြန်ဖြစ်စေတတ်တဲ့အာဟာရဓာတ်တွေကိုလည်းထိန်းချုပ်ပေးနိုင်ပါ
တယ်။
ဇီဝနည်းအားဖြင့်ဘာတွေကူညီသလဲဆိုတော့...
၁။ အပင်တွေရဲ့အင်ဇိုင်း(Enzyme)တွေကို လှုံဆော်ပေးပြီးတော့ အင်ဇိုင်း
ထုတ်လုပ်မှုကိုလည်းအားပေးပါတယ်။
၂။ ဇီဝဖြစ်စဉ်တွေအများကြီးအတွက်
လည်း ဟူမစ် က ဇီဝဓာတ်ပစ္စည်းအဖြစ်
ပါဝင်လုပ်ဆောင်ပေးပါတယ်။
၃။ မြေထဲက အဏုဇီဝသက်ရှိတွေရဲ့ ထိုးဖောက်ဝင်ရောက်လာနိုင်မှုနဲ့ ရှင်သန်နိုင်ဖို့အတွက် ပတ်ဝန်းကျင်ကောင်းကို လည်းဖန်တီးပေးပါတယ်။
၄။ အပင်တွေမှာရှိတဲ့ မူလခံနိုင်ရည်အားကိုပိုမိုတိုးတက်ကောင်းမွန်စေပါတယ်။
၅။ မြေထဲက အမြစ်တွေရဲ့ကြီးထွားမှုကို အားပေးပြီးတော့ အမြစ်အသစ်တွေ
ဖြစ်ပေါ်ဖို့အတွက် လည်းလှုံဆော်ပေးပါတယ်။ အဲ့အမြစ်ကလေးတွေကနေ အာဟာရစုပ်ယူမှုကိုလည်း အထောက်အကူပြုပေးပါတယ်။
၆။ အာဟာရတွေ များများစုပ်ယူလေလေ အပင်တွေမှာ အာဟာရတွေ
ပြည့်လေလေ လူတွေအတွက် ပိုကောင်းလေလေပဲဖြစ်ပါတယ်။
၇။ အသီးတွေကိုလည်း ဆဲလ်နံရံတွေပိုထူစေတဲ့အပြင် ပိုပြီးတော့ ကြာရှည်အထားခံပါတယ်။
၈။ မျိုးစေ့တွေကိုလည်းအပင်ပေါက်
နှုန်းပိုကောင်းစေပြီး မျိုးစေ့အောင်နှုန်း ပိုကောင်းစေပါတယ်။
၉။ နိဂုံးချုပ်အနေနဲ့ကတော့ ဟူမစ်
သည်အပင်တွေအတွက် အထွက်နှုန်းရော၊ ရုပ်ပိုင်းဆိုင်ရာအရည်အသွေးတွေကိုပါတိုးတက်ကောင်းမွန်စေပြီး အာဟာရတန်ဖိုးတွေကိုလည်း
မြှင့်တက်ကောင်းမွန်စေပါတယ်။
ဂေဟစနစ်အတွက်ရောအထောက်အကူပြုသလား?
သဘာဝကဖြစ်လာတဲ့အရာဖြစ်သောကြောင့် အကျိုးပြုပါတယ်။
ပတ်ဝန်းကျင်မှာ တောင်သူဦးကြီးတို့ ကြုံတွေ့နေရတဲ့ ပြဿနာတွေ၊
အထွက်နှုန်းမကောင်းတာ၊ မြေ
ပျက်တာ စတဲ့ပြဿနာတွေကို သူကဖြေရှင်းပေးနိုင်ပါတယ်။ ဘေးထွက်ဆိုးကျိုးတွေလည်းမရှိစေပါ။
မြေထဲမှာဟူးမစ်အက်ဆစ်တွေများလေလေ နိုက်ထရိုဂျင်တွေ ဆုံးရူံးတာတွေကို ကာကွယ်နိုင်လေလေပါပဲ။ တကယ်တော့ နိုက်ထရိုဂျင်ဆုံးရှုံး
တယ်လို့သာ ပြောကြတာပါ တကယ်
တမ်းကျတော့ မြေထဲစိမ့်၊ ရေထဲပျော်ဝင်၊ လေထဲအငွေ့ပျံတာ အဲ့ဒါတွေပါ
ပတ်ဝန်းကျင်ကိုလည်းထိခိုက်စေပါ
တယ်။ ဟူးမစ်သာရှိနေရင် အဲ့လိုညစ်
ညမ်းမှုတွေလည်းကို ကာကွယ်နိုင်မှာပါ။
နောက်တစ်ခုအနေနဲ့ ရေမှာပျော်ဝင်တဲ့မြေသြဇာတွေကို အသုံးများခြင်း
ကြောင့်ဖြစ်တဲ့မြေပျက်စီးတာတွေကို ပါထိန်းသိမ်းပေးနိုင်ပါတယ်။ ဟူးမစ်အက်ဆစ်က မြေထဲမှာရှိတဲ့ ဆားတွေကို လည်းလျော့ချပေးနိုင်တာကြောင့်
အဆိပ်အတောက်ဖြစ်စေတာတွေကို
လည်း သက်သာစေပါတယ်။ မြေသြဇာတွေ များပြီး ဆားတွေစုပုံလာတာကြောင့်ဖြစ်တတ်တဲ့ အမြစ်တွေပုတ်တာမျိုး၊ အပင်တွေလောင်တာမျိုးကိုလည်းမ
ဖြစ်စေတော့ပါဘူး။
နောက်ဆုံးအနေနဲ့ ဟူးမစ်အက်ဆစ်ရှိနေတဲ့မြေတွေမှာ ပေါင်းစပ်စွမ်းအားပိုမိုကောင်းမွန်တာကြောင့် မြေသားတိုက်စားခြင်းတွေကိုလည်း ကာကွယ်ပေးနိုင်တဲ့အစွမ်းရှိပါတယ်။
(အစိမ်းရောင်လမ်းဆောင်းပါး မှကူးယူကာပြန်လည်ကိုးကားထားပါသည်)
တောင်သူများအတွက်
ထိုက်တန်သောအရည်အသွေး။
┏━━━━━━━━━━━━━━━━━━━━━┓
📍 စိုက်ပျိုးရေးဆိုင်ရာ ပြဿနာများကိုတိုင်ပင်ဆွေးနွေးခြင်း၊ ဗဟုသုတများနှင့်ဓာတ်မြေသြဇာအသုံးပြုနည်းများမျှဝေခြင်း၊ ဓာတ်မြေဩဇာများ မှာယူခြင်း၊ ဓာတ်မြေသြဇာ အမျိုးအစားအားလုံးကို ထုတ်လုပ်ခြင်းတို့ကို ဆောင်ရွက်ပေးပါသည်။
မြေဆီလွှာခွဲခြမ်းစိတ်ဖြာခြင်း
ဝန်ဆောင်မှု။✅
ကုန်ကျစရိတ်ကို လျှော့ချပြီး အထွက်
နှုန်းကိုမြှင့်တင်လိုပါသလား။
အခုပဲဆက်သွယ်လိုက်ပါ။
🆔 LINE တရားဝင်အကောင့် :
>> လင့်ခ် https://lin.ee/XvMzoh7 ကိုနှိပ်ပါ။
တရားဝင်ဝဘ်ဆိုဒ်- www.silicontechs.co.th/my/homemm/
Tik Tok : https://bit.ly/3JBZ0MJ
Youtube : https://bit.ly/34Sxgoq
Facebook : https://www.facebook.com/share/v9yxFDNJAw7ujTeM/?mibextid=WC7FNe
(စိုက်ပျိုးရေးဗဟုသုတဆောင်းပါးပေါင်းချုပ်)
┗━━━━━━━━━━━━━━━━━━━━┛
#ဓာတ်မြေသြဇာ #ဓာတုဓာတ်မြေသြဇာ #အော်ဂဲနစ်မြေသြဇာ #မြေသြဇာအရည် #ဇီဝမြေသြဇာ #ဆီလီကွန်အက်ဆစ် #မြေဆီလွှာကောင်းမွန်စေခြင်း #ဆီလီကွန်နည်းပညာများ Plus Clinic Disease #မြေဆီလွှာပြန်လည်ထူထောင်ရေး
#ဟူမစ်အက်စစ်အကြောင်းများ #အပင်ဓာတ်စာ #မြေဆီလွှာထိန်းသိမ်း #သဘာဝ #စိုက်ပျိုးရေးဗဟုသုတများ #မြန်မာပြည်တစ်ဦးတည်းကိုယ်စားလှယ်
