12/12/2022
ကျွန်မတို့မိသားစုလည်းအိမ်မှာ တစ်ခါတစ်ရံ အော်ကြဟစ်ကြနဲ့..ရန်တွေဘာတွေဖြစ်တတ်ကြပါတယ် ..ဒါပေမယ့် တစ်ယောက်နဲ့တစ်ယောက် မခေါ်နိုင်မပြောနိုင်ဖြစ်ပြီး.. မျက်နှာချင်းမဆိုင် နိုင်လောက်အောင်ဖြစ်ကြတာမျိုးတော့ တစ်ခါမှမကြုံခဲ့ဖူးပါဘူး..
မိသားစုတွေအဖြစ်ဒီဘဝမှာလာပြီးကြုံဆုံရတယ်ဆိုတာ အကြောင်းမဲ့မဟုတ်ဘူးလို့ယုံကြည်ပါတယ်..ရေစက်ရှိလို့အခုဘဝမှာလည်းချင်းချင်းလာဆုံတွေ့ကြတာပဲ.. အရင်ဘဝက.. ဘယ်လိုဘယ်ပုံတော်စပ်ခဲ့ကြမှန်းမသိနိုင်ပေမယ့် ကြီးမားတဲ့အမုန်းတွေအညှိုးတွေကို အခြေမခံခဲ့ကြတာတော့ သေချာ တယ်ထင်ပါတယ်..
တချို့တွေကျတော့. မိသားစုတွေသာ..လာဖြစ်ကြရတယ် အရင်အတိတ်ဘဝတွေက ရန်သူတွေဖြစ်နေခဲ့ကြတာမျိုး.. အညိုးတွေ..ကျိန်စာတွေ..မှားခဲ့တဲ့ဆုတောင်းတွေ ကြောင့် အခုဘဝမှာ တစ်အိမ်တည်း..နေပြီးဘယ်လိုမှအဆင်မပြေတာ..အချင်းချင်း ကန့်လန့်တိုက်နေတာတွေလည်း သားသမီးတွေမောင်နှမတွေကြားမှာ ရှိကြတာကိုမြင်ဖူးပါတယ်.. အချင်းချင်းဘယ်လိုမှ..မတည့်ကြဘူး..မျက်နှာချင်းဆိုင်လို့ကိုမရဘူး
ကျွန်မကမိသားစုအပေါ်မှာသံယောဇဉ်ကြီးတဲ့သူဖြစ်ပါတယ် .. မေတ္တာကြီးတယ်လို့ပြောရမှာပါပဲ ..ခွေးကလေးတွေကစလို့.. အိမ်မှာအလုပ်..လုပ်ကိုင်..ဝင်ထွက် သွားလာသူတွေပါမကျန်..မိသားစုအရာမှာထားပြီး အမြဲတမ်းဆက်ဆံပါတယ်..
ဒါကြောင့်မောင်နှမတွေ..မိသားစုတွေ..သားအမိတွေ သိပ်ချစ်တဲ့..မိတ်ဆွေသူငယ်ချင်းတွေကြားမှာ..မေတ္တာဓာတ်တွေခမ်းခြောက်ပြီးအချင်းချင်း..အော်ကြဟစ်ကြ..ဆဲကြဆိုကြနဲ့ .. ပြီးရင်မခေါ်နိုင်မပြောနိုင်တွေဖြစ်ကြတာ .မျိုးတွေကိုကြုံရတဲ့အခါစိတ်မကောင်းဖြစ်မိပါတယ်..
မိခင်ဗိုက်ထဲက အတူထွက်လာခဲ့ကြပြီး အိမ်တစ်အိမ်ထဲမှာအတူကြီးပြင်း..လူလားမြောက်လာတဲ့သူတွေ ဖြစ်ကြပေမယ့်..တစ်ယောက်နဲ့တစ်ယောက်မေတ္တာမထားနိုင်..နားလည်မှုမပေးနိုင်ဘဲ ဘာမဟုတ်တဲ့အကြောင်းအရာတွေနဲ့စိတ်ဝမ်းကွဲကြတာ.. မေတ္တာဓါတ်တွေခမ်းခြောက်နေလို့ပါပဲ..
Oxford ဆရာတော်ကပြောတယ်..လူတွေမှာ...မေတ္တာတရားဆိုတဲ့ ..မျိုးစေ့ကပါလာခဲ့ပြီးသားလို့ ယေဘူယျပြောရမယ်..တဲ့..
မေတ္တာရဲ့ သဘောတရားဟာ..
ကောင်းတဲ့ဘက်ကနေ မြင်ကြည့်တွေးပေးနိုင်တယ်.. ကိုယ့်ကိုယ်ကိုယ်..မနာကျင်စေချက်တာ...ကောင်းတာတွေပဲ ဖြစ်စေချင်တယ်ဆိုတာဟာ မေတ္တာရှိလို့ပါပဲ..ကိုယ့်ကိုယ်ကိုယ် မနာစေချင်.. ဒုက္ခ မရောက်စေချင်တာ..ကိုယ့်ကိုယ်ကိုယ် မေတ္တာ ရှိလို့ပါပဲ..
ဒါပေမဲ့ အဲဒီ မေတ္တာ မျိုးစေ့ကို Cultivate ဖြစ်အောင် လုပ်ပေးဖို့တော့လိုတယ်.. ကြီးထွားသန်မာလာအောင်..ရေလောင်းပေးရမယ်..ပေါင်းသင်ပေးရပါမယ်..
မိသားစုတွေထဲမှာ အချင်းချင်းချစ်တဲ့ အကြောင်း ပြောပေးဖို့လိုပါတယ်.. အဲဒီအတွက်..အချိန်ပေးသင့်ပါတယ်..
မေတ္တာဓာတ် ခမ်းခြောက်ရင် နှလုံးသားတွေ လည်းဝေးကွာသွားတတ်ကြလို့ပါပဲ..
ဆရာတော်ကြီးပြောတဲ့ထဲမှာ နားထောင်တာဟာလည်း မေတ္တာပါပဲတဲ့..
တကယ်တမ်း..တစ်ယောက်ခံစားချက်ကိုတစ်ယောက်..သေချာနားလည်ဖို့..ဆိုရင်ကျွန်မတို့ကမိသားစုထဲမှာ အလုပ်ထဲမှာပတ်ဝန်းကျင်မှာ..များများနားထောင်တတ်ကြဖို့လည်း လိုပါတယ် ..
အမေနဲ့သမီးနဲ့..စကားပြောရင်း..အမေကသမီးပြောတာကိုသေချာနားမထောင်ဘူး..
ဟေ့..ငါလည်း..နားထောင်နေတာပဲဆိုပြီးရန်ထဖြစ်ကြတာဟာ..တကယ်တော့ သေချာကိုနားမထောင်မိသေးလို့ပဲဖြစ်ပါတယ်..ကျွန်မတို့သားအမိက အဲဒီပြသနာ မကြာခဏရှိတတ်ပါတယ်..
နားထောင်တဲ့အခါမှာ..မျက်စိနဲ့ရော... နားနဲ့ရော..နှလုံးသားနဲ့ရော.. ဦးနှောက်နဲ့ပါ. နားထောင်ပေးပါလို့ ဆိုပါတယ်..
နားထောင်ဖို့ဆိုတာပြောတာသာလွယ်တာ..တကယ်တော့ လုပ်ရမှာခက်ခဲပါတယ်.. ဥပမာ..အမေက တစ်ခုခုကိုမကျေနပ်ဘဲ ပြစ်တင်ပြောဆိုနေတယ် Complaint တက်နေတယ်ပဲဆိုပါစို့
သူပြောနေတုန်း ကိုယ့်ရဲ့အထင်အမြင်တွေဝင်ပြောတာ..ဖြတ်ပြောတာမျိုးမလုပ်ဘဲနဲ့သေသေချာချာအာရုံစိုက်ပြီး နားထောင်ပေးလိုက်တယ်..ပြီးတော့မှ အမေပြောတာဟုတ်တယ်မှန်တယ်စသဖြင့် ပြောပေးတယ်ဆိုရင် ပြသနာတဝက်လောက်
ငြိမ်းအေးသွားတာမျိုးကိုကိုယ်တိုင်ကြုံဖူးပါတယ်..ပြီးတော့မှ ကိုယ်ပြောချင်တာကို ဆက်ပြောရတာ..ပိုပြီး ကောင်းပါတယ်..
စီးပွါးချမ်းသာတွေဘယ်လောက်ပဲတိုးတက်ဖြစ်ထွန်းနေပါစေ..အိမ်က
မိသားစုတွေထဲမှာ အချင်းချင်းမပြေမလည်ဖြစ်ကြတဲ့အခါမှာ စိတ်ချမ်းသာမှုရနိုင်မှာမဟုတ်ပါဘူး
ဒါနဆိုတာမိသားစုထဲမှာလည်းလုပ်ရပါတယ် မိဘကိုပေးကမ်းတာ..သားသမီးကိုပေးကမ်းတာ..မောင်နှမအချင်းချင်းပေးကမ်းတာ လည်းဒါနပါပဲ..ခရီး တစ်နေရာသွားလို့..အမှတ်တရာလက်ဆောင်ပစ်စည်းလေးဝယ်လာတာ.. အပြင်ကပြန်လာရင်..အိမ်ကလူတွေ..ကြိုက်တတ်တဲ့မုန့်လေးတွေ
ဝယ်လာပေးတာ..မွေးနေ့လက်ဆောင်လေးတွေပေးတာ ..အထိမ်းအမှတ်တစ်ခုခုမှာ အပြင်ထွက်ပြီး..စားကြသောက်ကြတာမျိုးတွေဟာ မိသားစုထဲမှာ အချိန်ပေးပြီးလုပ်သင့်တဲ့ အရာမျိုးတွေပဲဖြစ်ပါတယ်..
တစ်အိမ်ထဲမှာအတူမနေဖူးဆိုရင်တောင်မှ ကိုယ့်အိမ်ကချက်တဲ့ဟင်းကလေး..လုပ်စားဖြစ်တဲ့မုန့်ကလေးတွေပို့ပေးတာ မျိုးတွေဟာ မေတ္တာမျိုးစေ့ကို သန်စွမ်းခိုင်မာလာစေပါတယ်
ပေးလိုက်တာနဲ့ပြီးသွားလားဆိုတော့လည်းမပြီးသေးပါဘူး ..ကျွန်မမောင်ဆိုရင် သူ့အမေကို ပေးတာတွေလည်းပေးတတ်ပေမယ့် စကားပြောတဲ့အခါမှာအကြင်နာတရားမရှိဘဲ
ကြမ်းကြမ်းတမ်းတမ်း ပြောတတ်လို့..စိတ်မရှည်ဘဲ ထအော်တတ်လို့..မကြာခဏဆုံးမရတယ်
မိသားစုထဲမှာအချင်းချင်း မေတ္တာတရားကိုပွားစေချင်တယ်ဆိုရင်စကားအပြောအဆိုဆင်ခြင်ဖို့လည်း လိုပါတယ်
နောက်တစ်ချက်က..အချင်းချင်းဝိုင်းဝန်းလုပ်ကိုင်ပေးဖို့လည်းလိုအပ်ပါတယ်တဲ့..
အိမ်မှာ တစ်ယောက်က
အလုပ်တွေမနိုင်မနင်းဖြစ်နေတာမျိုးဆိုရင် သူ့ကို ကိုယ့်ကြောင့် ဝန်မပိုစေရအောင် ကိုယ် လုပ်နိုင်တာလေးတွေ ကူညီလုပ်ကိုင်ပေးတာမျိုးပါပဲ..
အိမ်မှာတစ်ယောက်ကဒိုင်ခံသိမ်းနေသမျှ..ကိုယ်ဖွချင်တိုင်းဖွမယ်ဆိုပြီး လုပ်နေတာမျိုးဟာ အဆင်မပြေပါဘူး ..သူကတော့အမြဲပန်းကန်တွေဆေးနေရတယ်..ဒါကြောင့်ဒီတခါတော့ကိုယ်ကလည်း ဆေးပေး လိုက်မယ်ဆိုတာမျိုး..တွေးတာ..မေတ္တာတရားတိုးပွားစေတဲ့အကြောင်းပါပဲ
နောက်တစ်ချက်ကတော့ မိသားစုတွေမှာအကုန်လုံးကို..တန်းတူဆက်ဆံနိုင်ရမယ် ချစ်နိုင်ရမယ်တဲ့.. ကျွန်မ အမေဆိုရင်..သူ့ကိုတော့မချစ်ဘူး ..ကျွန်မကမောင်
လေးကိုပိုချစ်တယ် ..ယောကျာ်းကိုပိုချစ်တယ် လို့ ပြောလေ့ရှိတယ်
ကျွန်မ..ယောက်ျားကလည်းသူ့ကိုတော့မချစ်ဘူး.. ခွေးလေးတွေကိုပိုချစ်တယ်..အစရှိသဖြင့် ပြောတတ်ကြတာကိုတွေ့ရတယ်.. ပြီးတော့..သူတို့ကစိတ်ကောက်နေကြရော.. ဒါကြောင့်မိသားစုတွေမှာအချင်းချင်း တန်းတူညီမျှတဲ့ မေတ္တာကိုဖော်ပြဖို့လည်းလိုပါတယ်
ဒီအချက်လေးချက်ကိုပါချုပ်ဆရာတော်ကြီးရဲ့ မိသားစု အသိုက်အမြုံပြိုကွဲမသွားစေတဲ့ သင်္ဂဟတရားလေးပါးလို့ ဟောခဲ့တဲ့တရားထဲမှာကျွန်မကိုယ်တိုင်နာကြားခဲ့ရတာကိုပြန်လည်မျှဝေခြင်းဖြစ်ပါတယ်..
မေတ္တာရှိပါတယ်..မေတ္တာပို့ပါတယ်..စသည်ဖြင့် မေတ္တာဆိုတဲ့စကားကို လွယ်လွယ်အသုံးပြုတတ်ကြပါတယ်..ဒါပေမဲ့ မေတ္တာဆိုတာ သိမ်မွေ့နက်နဲတဲ့ ခံစားမှုတစ်ခုဖြစ်ပါတယ်..
သူ့ကိုတော့မေတ္တာမရှိဘူး.. မေတ္တာထားလို့မရဘူးဆိုပေမယ့် တကယ်တမ်း ကျွန်မတို့မှာ မေတ္တာမျိုးစေ့ပါလာခဲ့ပြီးသားပါပဲ
ကိုယ့်မှာပါလာခဲ့မေတ္တာမျိုးစေ့ကို ပိုပြီးသန်စွမ်းလာအောင်..အရွက်အညွန့်တွေထွက်လာအောင် ရေလောင်းပေါင်းသင်ဖို့က ကိုယ့်ရဲ့တာဝန်ပဲဖြစ်ပါတယ်..
မွန်ဟော်စီ
ဒီဇင်ဘာ ၂၀၂၁
#မနက်စာအာဟာရ
Photo
Internet
