20/11/2025
ပီမိုင်တိုင်း
မိုင်ဆုန်ခ 🙏
ကောင်းခြင်းမင်္ဂလာအဖြာဖြာ ပြည့်စုံပါစေ
ရှမ်းပြည်နယ်ကြီး အေးချမ်းပါစေ…
ရှမ်းပြည်နယ်မှာ နေထိုင်နေကြသော တိုင်းရင်းသားများလည်း ကြီးပွါးတိုးတက်ကြပါစေ…
#ရှမ်းနှစ်သစ်ကူးအကြောင်း
~~~~~~~~~~~~~~~~
🌸နှစ်သစ်ကူးခြင်းဆိုသည်မှာ နှစ်ဟောင်းကုန်၍ နှစ်သစ်သို့ ရောက်ရှိခြင်းဖြစ်ပါသည်။ နတ်တော်လတွင် ရှမ်းလူမျိူးတို့နှစ်သစ်ကူးခြင်းကား ရှမ်းလူမျိူးများသည် သီးခြား ပြက္ခဒိန်ရှိနေခြင်းကို ဖော်ညွန်းလျှက်ရှိသည်။
🌸ရှမ်းနှစ်သစ်သည် သာသနာတော်နှစ်ထက် (၄၅၀)နောက်ကျသည်။ ရှမ်းသက္ကရာဇ်ထက် ဗုဒ္ဓသက္ကရာဇ်က ၄၅ဝ နှစ်ပိုကြီးသည်။ ခရစ်သက္ကရာဇ်ထက် ရှမ်းသက္ကရာဇ်က ၉၄ နှစ်ပိုကြီးသည်။ ကောဇာသက္ကရာဇ်ထက် ရှမ်းသက္ကရာဇ် ၇၃၂ ပိုကြီးသည်။
🌸သာသနာ သက္ကရာဇ် ၄၅ဝ (BC 94) တွင် စဝ်ဦးတည်ဖ ဘုရင်မင်းမြတ်သည် ဗုဒ္ဓသာသနာတော်ကို ယုံကြည် ကိုးကွယ်လိုသည် ဖြစ်၌ သားတော် စဝ်ခွန်စိုင်းအား သီဟိုဠ် (ယခု သီရိလင်္ကာနိုင်ငံ) သို့ စေလွတ်ပြီး ပိဋကတ် သုံးပုံကို ပင့်ဆောင် စေခဲ့သည်။ ဗုဒ္ဓ သာသနာတော်ကြီး နန်ချိုပြည်သို့ စတင် ရောက်ရှိလာသည့် ထိုနှစ် ထိုလ (နတ်တော်လ) မှ စ၍ ရှမ်းသက္ကရာဇ်ကို ရေတွက် သတ်မှတ်ခဲ့သည်။ ရှေးအခါက ရှမ်းနက္ခတ္တ ပညာရှင်များသည် နှစ်သစ်ကူးနေ့ကို သတ်မှတ်ရာတွင် နေ-လ-ကြယ်-နက္ခတ်တို့ကို ကြည့်ပြီး အချိန်နာရီ အတိအကျဖြင့် သတ်မှတ်ကြသော်လည်း ယခုအခါတွင် နတ်တော်လဆန်း ၁ ရက်နေ့ကို နှစ်သစ်ကူးနေ့ အဖြစ် သတ်မှတ်ထားသည်။
🌸ရှမ်းနှစ်သစ်ကူးပွဲတော်သည် ရှေးခေတ်ကာလမှ စ၍ ယနေ့တိုင်ရှမ်းလူမျိူးများ အမြတ်နိူးဆုံးပွဲတော်အဖြစ် ဆက်လက်ဆင်နွဲ ကျင်းပလာခဲ့ကြ၏။
ထိုနှစ်သစ်ကူးပွဲတော်တွင်-
(1) #နှစ်သစ်ကူးအစားအစာပေးပို့လှူဒါန်းခြင်း....။
ရှမ်းရိုးရာ အစားအစားဖြစ်သော မုန့်ဖက်ထုတ် မုန့်ပေါင်း စသည်တို့ကို ပြုလုပ်ပြီး ရင်းနှီးသောမိတ်ဆွေများထံသို့ ပေးပို့ကြပါသည်။ အိမ်ရှင်က ဝမ်းသာစွာလက်ခံပြီး ဆုမွန်ကောင်းများပေးပါသည်။
(2) #နှစ်သစ်ကူးစောင့်ကြိုခြင်း……
**နတ်တော်လဆန်းတစ်ရက် မရောက်မီ တန်ဆောင်မုန်းလပြည့်ကျော်၁၄ရက် ၁၅ရက်တို့တွင် ပွဲလမ်းသဘင်များ ကျင်းပခြင်း သီချင်းဆို တရားနာယူခြင်း ရှေးခေတ်က သူရဲကောင်းများပြုလုပ်၍ နှစ်သစ်ကူးကို စောင့်ကြိုကြသည်။
(3) #နှစ်သစ်ကိုကြိုဆိုခြင်း……
**နှစ်သစ်ကူးချိန်ဖြစ်သည့် တန်ဆောင်မုန်းလကွယ်(နှစ်ဟောင်းအကုန်)နတော်လဆန်းတစ်ရက်(နှစ်သစ်အရောက်)00:00နာရီအချိန်တွင်မီးရှုးမီးပန်းများပစ်လွတ်ခြင်း ကခုန်မြူးထူးခြင်းများကို ပြုလုပ်၍ နှစ်သစ်ကို ဝမ်းသာစွာကြိုဆိုကြလေသည်။(ရှေးအခါက အရုဏ်တက်ချိန်တွင် နှစ်သစ်ကိုကြိုဆိုကြသည်ဟုဆိုသည်)။
(4) #နှစ်သစ်ဝမ်းမြောက်ခြင်း……
နှစ်သစ်ကိုကြိုဆိုပြီးနောက် ဝမ်းမြောက်ဝမ်းသာပျော်ပျော် ရွှင်ရွှင် အိုးစည်ဗုံမောင်းစသည်တို့ တီးခတ်ခြင်း နှစ်သစ်မင်္ဂလာသီချင်းသီဆိုခြင်း ကခုန်ခြင်း များသည် နှစ်သစ်ဝမ်းမြောက်ခြင်း ဖြစ်သည်။
(5). #နှစ်သစ်မင်္ဂလာပြုခြင်း……
**နတ်တော်လဆန်းတစ်ရက် နှစ်သစ်ကူးနေ့မှ စ၍ နတ်တော်လပြည့်နေ့အထိ (သို့မဟုတ်)နတ်တော်လကုန်အထိ မိတ်ဆွေအိမ်သို့သွားပြီး မိုင်ဆုန်ခ ကောင်းခြင်းမင်္ဂလာအဖြာဖြာ ပြည့်စုံပါစေဟုဆို၍ နှစ်သစ်မင်္ဂလာကိုယူကြပါသည်။
(7) #နှစ်သစ်စာသုံးဆောင်ခြင်း……
**ဘုရားရှင်အား ဆွမ်းတော်တင်လှူခြင်း သံဃာတော်များကို ဆွမ်းကပ်ခြင်း ရပ်နီးရပ်ဝေးမိတ်ဆွေများကိုပင့်ဖိတ်၍ စာဂလှူဒါန်းခြင်းများပြုလုပ်သည်။ ရင်းရင်းနှီးနှီး အတူတကွစားသောက်ခြင်းများပြုလုပ်သည်။
(😎 #နှစ်သစ်လက်ဆောင်ပေးခြင်း
နှစ်သစ်တွင် အမှတ်တရဖြစ်ရန်အတွက် တစ်ဦးကို တစ်ဦးလက်ဆောင်ပေးခြင်း ရပ်ဝေးမိတ်ဆွေများထံ နှစ်သစ်ဆုတောင်း သဝဏ်လွှာပေးပို့ခြင်း လက်ဆောင်ပေးပို့ခြင်းများဖြစ်သည်။
**မှတ်ချက်**
တက္ကသီလ မဟာဓမ္မာစရိယကျမ်းပြု ဦးသုခမိန္ဒ၏ ရှမ်းတိုင်းရင်းသားများ၏ ယုံကြည်ကိုးကွယ်မှုနှင့်ဓလေ့ ထုံစံများ။စာ ၃၅၃-၅၆ ရမှ ကောက်နူတ်တင်ပြခြင်းဖြစ်သည်။
ရှမ်းနှစ်သစ်ကူးနှင့်အတူ မင်္ဂလာရှိသောနှစ်သစ်ဖြစ်ပါစေ။
Credit 🙏🏻
