24/04/2026
🍀 မိဘနှစ်ပါးကို မေတ္တာပို့နည်း🍀
“အရှင်ဘုရား…
ဘုရားတပည့်တော်၏ မိခင် နှင့် ဖခင်တို့ ကို စောင့်ရှောက်ကြကုန်သော နတ်မြတ် နတ်ကောင်း နတ်အပေါင်းတို့သည် ဒေါသခပ်သိမ်း ကင်းငြိမ်းကြပါစေ၊ ဆင်းရဲခပ်သိမ်း ကင်းငြိမ်းကြပါစေ”
“ ရှေ့ဘဝအဆက်ဆက်က သူတော်စဉ် သူတော်မြတ်များ ပို့သသော ကောင်းမွန်သည့်
မေတ္တာများကို ဘုရားတပည့်တော်၏ မိခင်နဲ့ ဖခင် ရရှိခံစားရပါစေဘုရား”
“မပြည့်စုံတဲ့ ဘဝမှာတောင် တပည့်တော်ကို ပြည့်စုံအောင် ထားခဲ့ ကြ တဲ့ ဘုရားတပည့်တော်ရဲ့ မိခင်နှင့် ဖခင်တို့သည် စိတ်၏ ချမ်းသာခြင်း ၊ကိုယ်၏ ကျန်းမာခြင်းနဲ့ ပြည့်စုံပါစေ”
“ ဒုက္ခဆင်းရဲတို့နှင့် ရင်ဆိုင်ရသည့် အခါတိုင်း ဘုရားတပည့်တော်ကို အနောက်မှာ ထားပြီး အရှေ့မှာ မားမားမတ်မတ် ရှိနေပေးခဲ့ကြတဲ့ တပည့်တော်၏ မိခင် နှင့် ဖခင်တို့သည် ယနေ့မှစ၍ စိတ်သောကတွေ ကင်းဝေးပြီး အမြဲ အေးချမ်းပျော်ရွှင်နိုင်ပါစေဘုရား”
“ ဘဝရဲ့ အပင်ပန်းရဆုံးအချိန်တွေမှာတောင် အဖေနဲ့ အမေ ရှိနေသေးတယ်ဆိုတဲ့ အသိနဲ့ ရှေ့ဆက်နိုင်ခဲ့လို့ အဖေနဲ့ အမေ့ကို ကျေးဇူးတင်ပါတယ်။ အဖေ နဲ့ အမေ အသက်ရှည်ပါစေ။ အဖေ နဲ့ အမေ့ကို အချိန် အကြာကြီး လုပ်ကျွေး ပြုစုနိုင်ပါစေ”
“တပည့်တော် ဆိုးသမျှကို သည်းခံပြီး တပည့်တော်အပေါ် လွန်စွာ အနစ်နာခံခဲ့ကြတဲ့ တပည့်တော်ရဲ့ မိခင်နှင့် ဖခင်တို့သည် အနာရောဂါများ ကင်းရှင်းပြီး နှလုံးစိတ်ဝမ်း အေးချမ်း ကြပါစေ”
”ယနေ့ ယခု အချိန်မှ စ၍ ဘုရားတပည့်တော်၏ မိခင်နှင့် ဖခင်တို့သည် ဘေးအတန်တန် ရန်အသွယ်သွယ် အန္တရာယ် အမျိုးမျိုးတို့မှ ကင်းဝေးကြပါစေ။ ကောင်းကျိုး လိုရာဆန္ဒ ပြည့်စုံကြပါစေဘုရား”🙏♥🍀
—
