https://www.facebook.com/100268438798298/

Voice Of Kutkai - VOK, Kutkai (2026)

Permanently closed.

24/07/2021

ကွတ်ခိုင် ရေထွက်ဦးပန်းခြံစျေး မနက်ပိုင်း လူစည်ကားလျက်ရှိနေသေး

ယခုရက်ပိုင်းတွင် COVID ရောဂါပျံ့ပွားနှုန်းမြင့်တတ်လာမှုကြောင့် ကွတ်ခိုင်မြို့သည် LOCK DOWN တရားဝင်
မကြောငြာသော်လည်း အများစုမှာ အိမ်ပြင်မထွက်ပဲ
Stay at Home နေနေကြသည်အခြေအနေရှိနေသည်။

သို့သော် နေ့စဥ်စားသောက်ရေးအတွက် မီးဖိုချောင်အတွက် ဝယ်ခြမ်းနေရသေးသောကြောင့် စျေးမဖြစ်မနေသွားရသည့် အခြေအနေလည်းရှိနေပြန်သည်။

ထို့ကြောင့် ပြည်သူများက မနက်ပိုင်း အဓိကဖွင့်လှစ်ရောင်းချသော ကွတ်ခိုင်မြို့ ရပ်ကွက် ၄ ၊ ရေထွက်ဦးပန်းခြံစျေးသို့ စျေးဝယ်ထွက်ကြရသည်။

ဤတွင် ရေထွက်ဦးပန်းခြံစျေး၏ COVID ရောဂါထိန်းချုပ်ရေးအတွက် ပြင်ဆင်မှုမရှိသလောက် အားနည်းကြောင်းတွေ့ရသည်။

လက်ဆေးဘေစင်များ၊ ရေများ၊ ဆပ်ပြာများ၊ လက်သန့်ဆေးရည်များ၊ ပိုးသတ်ဆေးဖြန်းမှုများလုံးဝမရှိ။

ထို့ပြင် စျေးဝယ်သူများသည်လည်း (၆) ပေကွာတွင် တန်းစီစနစ်ဖြင့် အလှည့်ကျဝယ်ယူခြင်းမရှိ အလုအယက်ဝယ်ယူနေကြရသည်။

စားသောက်ကုန်များအား ရောင်းချရာတွင် တန်းစီစနစ် အလှည့်ကျစနစ်ဖြင့် ဝယ်ယူနိုင်ရန်နှင့်၊ COVID ကာကွယ်ရေးအတွက် ပြင်ဆင်မှုများလုပ်ဆောင်ပေးသင့်သည်။

ကွတ်ခိုင်မြို့မစျေးတွင်လည်း စနစ်မကျသောရောင်းဝယ်မှုများရှိနေသည်။
ဆိုင်ကယ် ကယ်ရီတန်းအနီးတစ်ဝိုက်တွင် လူထူထပ်လျက်ရှိနေသေးသည်။

လူတိုင်းမိမိတို့ အသိစိတ်ဖြင့် COVID ရောဂါအား တိုက်ထုတ်ကြဖို့ရန် တိုက်တွန်းလိုက်ရပါသည်။

#စျေးတင်မရောင်းသင့်

Photo -

19/07/2021

ကွတ်ခိုင်မြို့ခံ စေတနာ့ဝန်ထမ်းလူငယ်တွေ ကိုဗစ်ရောဂါ ကြိုတင်ကာကွယ်ဖို့ ပိုစတာ ကမ်းပိန်း ပြုလုပ်

ရှမ်းပြည်နယ်(မြောက်ပိုင်း)၊ ကွတ်ခိုင်မြို့က ဒေသခံ စေတနာ့ဝန်ထမ်းလူငယ်တချို့ဟာ မြို့တွင်း ကိုဗစ်ရောဂါ ပြန့်နှံ့မှု မြှင့်တက်နေတဲ့အတွက် ကြိုတင်ကာကွယ်နိုင်ဖို့ အသိပညာပေး ဗီနိုင်းပိုစတာကမ်းပိန်းကို ဒီကနေ့ မွန်းလွဲပိုင်းမှာ ပြုလုပ်သွားပါတယ်။

ကွတ်ခိုင်မြို့တွင်း ကိုဗစ်ရောဂါ ကြိုတင်ကာကွယ်ဖို့အတွက် အသိပညာပေး ပိုစတာကို NeT Organizationမှ ထုတ်ဝေပေးတာဖြစ်တယ်လို့ ကမ်းပိန်းမှာ ပါဝင်လှုပ်ရှားတဲ့ စေတနာ့ဝန်ထမ်းလူငယ်တစ်ဦးက ပြောပါတယ်။

ကွတ်ခိုင်မြို့နယ်မှာ ဇူလှိုင်လအတွင်း COVID-19အတည်ပြုလူနာ တဟုန်ထိုးမြင့်တက်လာပြီး မနေ့ ဇူလိုင်လ ၁၈ရက်‌နေ့အထိ စုစုပေါင်းအတည်ပြုလူနာ(၁၇၈)ဦးရှိခဲ့ပြီး သေဆုံးလူနာ (၃)ဦးနဲ့ သက်သာလို့ ဆေးရုံဆင်းခွင့်ပြုသူ(၄၃)ဦး ရှိတယ်လို့ သိရပါတယ်။

သတင်း၊ ဓါတ်ပုံ - မိုင်းဘဉာဏ်(ကွတ်ခိုင်)

16/07/2021

လူပြောများနေတဲ့ ကွတ်ခိုင်မြို့၊ မြို့မစျေးမီးလောင်မှု
📛📛📛📛📛📛📛📛📛📛📛📛

မီးလောင်ချိန်တွင် အစောဆုံးရောက်လာသော လူငယ်တစ်စုရှိသည်။ ထိုလူငယ်တစ်စုက မီးငြိမ်းသတ်ရာတွင် ကူညီပေးနိုင်ရန် စျေးခေါင်းအား စျေး၀န်းတံခါးဖွင့်ရန်တောင်းဆိုခဲ့သည်။ သို့သော် အခြားဆိုင်ခန်းများ၏ လုံခြုံရေးကြောင့်ဟုဆိုကာ တံခါးဖွင့်ပေးရန် ငြင်းဆိုခဲ့သည်။

ထို့ကြောင့် လူငယ်တို့က တံခါးသော့အား ရိုက်ဖွင့်ကာ ၀င်ရောက်ကာ တတ်နိုင်စမျှ အခြားသို့ မီးမကူးစေရန် ဦးစားပေးကာလုပ်ဆောင်ခဲ့ကြသည်။ ရဲသားနှစ်ဦးသာ အကူအညီပေးခဲ့ပြီး အခြားသူများမှာ ဖုန်းဖြင့် ဓါတ်ပုံရိုက်၊ Video ရိုက်နေကြသည်။

မီးလောင်ပြီး မိနစ်အနည်းငယ်အကြာတွင် ကွတ်ခိုင်မီးသတ်တပ်ဖွဲ့ရောက်လာပြီး အစွမ်းကုန် မီးငြိမ်းသတ်နိုင်သောကြောင့် ပျက်စီးဆုံးရှုံးမှုနည်းပါးခဲ့သည်ဟုဆိုနိုင် သည်။ ကွတ်ခိုင်မြို့ မီးသတ်တပ်ဖွဲ့အား အသိအမှတ်ပြု လေးစားရပါမည်။ ကောင်းခါးနှင့် သိန္နီတို့မှ အရံမီးသတ်တပ်ဖွဲ့များလည်း လာရောက်ပူးပေါင်းပါ၀င်ခဲ့ကြသည်။

မီးစတင်လောင်ကျွမ်းမှုကို အတိအကျမသိနိုင်သော် လည်း ကွတ်ခိုင်မြို့မစျေးမီးလောင်ခြင်းနှင့်ပါတ်သက်ပြီး လူပြောများလျက်ရှိသည်။

အကြောင်းမှာ .....

၁။ဆိုင်ခန်းအများစုက လွန်ခဲ့သော ၄ ရက်ခန့်ကတည်း က COVID ရောဂါကြောင့်ဆိုင်ခန်းများ ပိတ်ထားခဲ့ကြပြီ ဖြစ်သည်။

၂။ စျေးအတွင်းတွင် မူးယစ်ဆေးသမားများ များပြား စွာရှိနေခြင်း ... ( ညဘက်တွင် ခိုး၀င်နေနိုင်သည်ဟု ထင်ကြေးပေးပြောဆိုမှုများရှိနေသည် )
မြို့နယ်စည်ပင် အနေဖြင့်ကိုင်တွယ်ဖြေရှင်းသင့်ကြောင်း ...

၃။စျေးခေါင်းနှင့်စျေးညစောင့်တို့၏ တာ၀န်ယူမှု၊ တာ၀န်ခံမှုတို့အပေါ် မေးခွန်းထုတ်လျက်ရှိသည်။ ယခုကဲ့သို့ပေါ့ဆမှု သည် နှောင်တွင် မိမိတို့ဆိုင်ခန်းများအတွက် စိတ်ချမှု ရှိနိုင်
မလားဟု သံသယရှိနေကြသည်။

၄။ ပေါ့ဆမီးဆိုပါက ယခုအချိန်ထက်စောက မီးလောင်မှု ဖြစ်နိုင်သောကြောင့် ပေါ့ဆမီးမဖြစ်နိုင်ကြောင်း ...

၅။ ယခုမီးလောင်သောဆိုင်ခန်းများအပြင် အခြားဆိုင်ခန်းအများစုသည် မီးသွယ်တန်းထားခြင်းမရှိကြောင်းလည်းသိရသည်။

၁၂ နာရီခန့်က စတင်လောင်ကျွမ်းခြင်းဖြစ်နိုင်ပြီး
မနက် ၂ နာရီခန့်တွင် မီးညွှန့်ကြိုးခဲ့ပြီး၊ ဆိုင်ခန်း (၃၀) ခန့်ပျက်စီး ဆုံးရှုံးလိုက်ရသည်။

မီးလောင်မှုဖြစ်ပွားရန် ရာခိုင်နှုန်းနည်းပါးသော ယခု
ကဲ့သို့ မိုးရာသီတွင်ပင် မီးလောင်မှုဖြစ်ပွားသောကြောင့် ...

မည်သို့ပင်ဆိုစေကာမှု မီးလောင်မှုသည် အခြေအနေအကြောင်းကြောင်းကြောင့်ဖြစ်နိုင်သည်။ မီးသည် မည်သူ မည်ဝါကိုမှ သနားငဲ့ညာမည်မဟုတ်ပါ။

ထို့ကြောင့် ကွတ်ခိုင်မိဘပြည်သူများအနေဖြင့် မီးမပေါ့ဆ သင့်ပါ။
ရန်သူအမျိုးမျိုးအား အထူးသတိရှိကြရန်လိုပါသည်။

မီးလောင်မှုကြောင့် ပျက်စီးဆုံးရှုံးကြရသော မိသားစုများ အတွက်များစွာ စိတ်မကောင်းဖြစ်ရပါသည်။

( Video File များကို Facebook စာမျက်နှာများမှ ကူးယူကာ စုစည်းတင်ပြထားခြင်းဖြစ်သည်)

16/ 7/ 2021
#ကွတ်ခိုင်မြို့မစျေးမီးလောင်

15/07/2021

ကွတ်ခိုင်မြို့မဈေး မီးလောင်

ရှမ်း/မြောက်၊ ကွတ်ခိုင်မြို့က မြို့မဈေးအတွင်းမှာ ဒီကနေ့ ဇူလှိုင်လ ၁၆ရက် မနက် (၁၂) နာရီ (၄၅)မိနစ်ဝန်းကျင်မှာ မီးလောင်မှု ဖြစ်ပွားခဲ့ပါတယ်။

မီးလောင်တဲ့ အကြောင်းအရင်းကို အတိအကျ မသိရသေးသလို မီးလောင် ဆုံးရှုံးတဲ့ တန်ဖိုးကိုလည်း မသိရသေးဘူးလို့ ဒေသခံတွေက ပြောပါတယ်။

မီးလောင်မှု ဖြစ်ပွားတဲ့ နေရာကို ကွတ်ခိုင်မြို့နယ်မီးသတ်ဦးစီးဌာနက တာဝန်ရှိသူတွေနဲ့ အနီးပတ်ဝန်းကျင်က ဒေသခံ လူထုတွေက ဝိုင်းဝန်း ငြိမ်းသတ်ကြပြီး (၁)နာရီ (၃၀) ဝန်းကျင်မှာ မီးငြိမ်းသတ်နိုင်ခဲ့တယ်လို့ သိရပါတယ်။

ဓါတ်ပုံ - Crd

12/07/2021

( ၁၃၊ ၇၊ ၂၀၂၁ ) နေ့၌ ကွတ်ခိုင်မြို့တွင် မီးပျက်မည်။

ကွတ်ခိုင်မြို့တွင် မနက်ဖြန် မနက် ( ၈ ) နာရီကနေ
ညနေ ( ၆ ) နာရီထိ ဓါတ်အားပိတ်မယ်လို့ ထွေ/အုပ်မှ
စာထွက်ထားပါတယ်။

အကြောင်းကတော့ အောက်တွင်ဖတ်ပါ 👇

Address

Kutkai

Website

facebook.com

Alerts

Be the first to know and let us send you an email when Voice Of Kutkai - VOK posts news and promotions. Your email address will not be used for any other purpose, and you can unsubscribe at any time.

Voice Of Kutkai - VOK