02/05/2019
INFORMIM
Këshilli Organizativ i "Sofrës së Iftarit", me rastin e afrimit të muajit të Ramazanit, planifikon ta realizon projektin “Sofra e Iftarit 2019”, projekt i cili tashmë disa vite po organizohet dhe i cili do të jetë i hapur për gjithë argjëruesit me theks të veçantë për nevojtarët, skamnorët etj. Sofra e iftarit shtrohet në Restorantin “Bllaca” në Ҫarshinë e Vjetër të Komunës së Ҫairit. Motivi i përzgjedhjes së këtij restoranti është bërë me qëllim të ngjalljes së çarshisë së vjetër si një ndër tregjet më të vjetra kulturo-historike. Këtë aktivitet e nisim duke e pasur parasysh nevojën për zbutjen e situatës së rëndë ekonomike si dhe shpërblimin e madh për të cilin ka folur Muhamedi, paqja dhe bekimi i Allahut qoftë mbi të, i cili ka thënë:
“Ai që i jep iftar një agjëruesi, e ka shpërblimin e njëjtë me agjëruesin, pa u pakësuar aspak shpërblimi i tyre”.
Me shpresë se edhe ju pjesërisht do të kontribuoni për realizimin e projektit në fjalë, sinqerisht ju përshëndesim.
Me respekt,
Këshilli Organizativ i Sofrës së Iftarit
