09/07/2023
نصيحة..
لما تلقى سيارة واقفة بتاريتها هابطة و يجيك صاحبها يقولك عندي كاوات نبي توصيلة ببتاريتك للشحن.. إعتذر منه و قوله سامحني خصوصاً لو كانت سيارتك جديدة..
إشري Jump Starter من محلات الكماليات أو حتى محلات الموبايلات الكبيرة وخليه مشحون وأعطيه يولّع عن طريقه.. أما التوصيل المباشر ببتاريتك لا!
علاش.. نقولك علاش..
سيارتك إنت كويسة وكهربائها ممتازة لكن سيارته هو فيها مشكلة كهرباء.. لما توصل الكاوات بالسيارتين يصبح سيستم الكهرباء واحد.. ولما يولّع سيارته من جيهته وإنت عافس على البنزينة تصير عنده مقاومة عالية (Resistance) من جيهته ترد على السيستم (اللي أصبح واحد و متصل ببعضه، سيارتك وسيارته) على طول تضرب حاجة في سيارتك!
يا تجيك في الفيوزات.. يا في البومبتشي.. يا في كمبيوتر السيارة..
أضعف الإيمان ما يزيد عن نصف عمر بتاريتك (الحديثة) سيُهدر وتفقد كفائتها سريعاً..
لذلك التوصيل المباشر بالكاوات غير صحيح بتاتاً..
ونصيحة للّي يعاني.. يشري بتارية جديدة..
عندك مشكلة عويصة في كهرباء السيارة و تسريب ضي إشري Jump Starter و خليه عندك في القجر ولا تطلب من الناس توصيل الكاوات..
الصورة المرفقة منقولة من أحد المتابعين، لسيارة نجدة تقوم بإسعاف سيارة مواطن إنطفأت بيه السيارة في الطريق البحري حي الأندلس.. بارك الله فيه..
الرجاء متابعة للصفحة ⬇️⬇️
https://www.facebook.com/%D8%B3%D9%88%D9%82-%D8%B3%D9%8A%D8%A7%D8%B1%D8%A7%D8%AA-%D9%84%D9%8A%D8%A8%D9%8A%D8%A7-105789839225812/?mibextid=ZbWKwL
