15/12/2025
لو صفحتك فيها لايكات ومفيش فلوس راهو انت تبيع في الهواء
تعال نقولك حاجه بصراحة
أغلب الصفحات تبي تبيع وهي أصلاً ما عندهاش طريقة تجمع بيها عملاء محتملين.
يعني انت كل يوم تنشر، تتعب، تدفع إعلان وفي الآخر؟
الزباين يجو، يتفرجوا، ويمشوا.
ليش؟ لأنك ما عندكش Lead Magnet.
شن هو الـ Lead Magnet (بالمعنى الصح مش التعريف المدرسي)
هوا طُعم محترم تعطيه للزبون او العميل عشان ياخذ رقمك/واتسابك/إيميلك.
مش طُعم غش، طُعم قيمة.
بدون Lead Magnet انت حرفيًا تقول للناس
تفضلوا اتفرجوا ولو حبيتو اشتروا ولو لا عادي
وهذا مش تسويق هذا استعراض.
ليش لازم Lead Magnet؟
لأن الزبون او العميل مش حيشري منك من أول مرة يشوفك.
الناس تبي منك ثقة ، سبب ، تجربة صغيرة قبل الدفع
و ال Lead Magnet
يثبت إنك فاهم
يخليك تمسك بياناته عشان تواصل معه
يعطيك فرصة انك تتبعه
يحول المتابع من متفرّج إلى Lead
وتعال نقولك الحقيقة اللي محد يقولها لك
المحتوى بروحه ما يجيبش مبيعات المحتوى يجيب انتباه فقط
الفلوس تجي لما يكون عندك نظام يخلي الانتباه يتحول لزبون .
يعني لازم
Content + Lead Magnet + تواصل + عرض + بيع
أمثلة Lead Magnet (تشتغل في ليبيا وعلى واتساب)
اختار حسب شغلك
لو أنت تسويق/خدمات
مجاني 10 أخطاء تدمر إعلانات
نموذج خطة محتوى 7 أيام جاهزة
استشارة 10 دقايق مجانية لأول 10 اشخاص
لو عندك متجر الكتروني
كود خصم لأول طلب
دليل مقاسات/اختيار المنتج الصح
هدية صغيرة مع أول طلب
أهم نقطة عشان ما تطيحش في الفخ
Lead Magnet لازم يكون
سريع الاستهلاك (5–10 دقائق)
نتيجة واضحة
مربوط بخدمتك مباشرة
مش كتاب 200 صفحة ولا كلام عام.
قولي
شن مشروعك؟ وشن تبي الناس تدير لما تشوف صفحتك؟
ونعطيك 3 Lead Magnets واتيات يتماشن معاك + صيغة CTA قوية
