Doaa Abozed kitchen

Doaa Abozed kitchen Cooking &recipes

10/02/2026

😍

صينيه شيش طاووق في الفرن😋 التتبيله وراك او صدور فراخعصير بصله او بصله مفرومه معلقه كبيره صلصه توم مفروم معلقه صغيره معاه...
10/02/2026

صينيه شيش طاووق في الفرن😋

التتبيله
وراك او صدور فراخ
عصير بصله او بصله مفرومه
معلقه كبيره صلصه
توم مفروم معلقه صغيره معاه فلفل رومي مفروم احمر او حراق
معلقه صويا
معلقه مسترده
معلقتين كبار زبادي او لبن رايب او علبه صغيره
توابل (ملح -فلفل-جنزبيل فريش —زعتر توابل شيش او توابل فراخ-بابريكا )
عصير لمون
معلقتين زيت زيتون

الطريقه

هنتبل الفراخ بالتتبيله ونننزل عليها بالخضار فلفل رومي الوان وبصل وطماطم مكعبات ونغطيها بفويل وندخلها فرن ساخن مسبقا لحد ما تستوي وتاخد لون من فوق 🤗 وممكن تسيخوها وتحطو تحتها بطاطس حلقات وبردو تحطوها بالفرن😋

#شيش

‏

06/02/2026

⁨ ⁨ ⁨ ⁨ ⁨ ⁨ المكان ده لاي حد عاوز يجيب ديكور للبيت اي عروسه بتجهز بيتها واي حد مهتم بأطباق التقديم مجات للمطبخ الحلل الفخار بجميع اشكالها والفاظات وأطقم الدوناتس بكل اشكالها وألوانها هتلاقوها هناك والنجف الترند وأطقم العشاء هتلاقى هناك حاجات مختلفه ومميزه وأسعار متقارنش ببره وأسعار ارخص من الاونلاين المكان كبير ومتنوع كل الحاجات الخاصه بديكورات البيت وتقديم المطبخ حتي البوت بتاعت الزرع ترابيزات الفايبر جلاس حتي السفر معموله من الفايبر جلاس وتقدري تعملي اي ديزاين بالألوان اللي انتي عاوزاها هما بينفذوهالك وكمان في ورش تعليميه بجد لازم تروحو المكان بجد مريح نفسيا بطريقه مش طبيعيه بما ان رمضان قرب الفيديو ده كنت مصوراه من كام شهر بس اتسحلت شويه معرفتش أنزله صورتلكم حاجات أنا جبتها علي الطبيعه بجد هتنبهرو من الجمال اللي هناك المكان اسمه قريه الفخاريين بالفسطاط او فواخير الفسطاط😍⁩⁩⁩⁩⁩ #فخار #فخارين⁩ #ديكور #اكسبلور

03/02/2026

حالي قبل رمضان😅اللهم بلغنا رمضان لافاقدين ولا مفقودين🙏❤️

طاجن كفته بالبطاطس بصوص الديمجلاس😋جربو الوصفه دي مع طاجن رز معمر خطيره😍المقادير نص لحمه مفرومه بصله مفرومه (بدون ميه)تو...
27/01/2026

طاجن كفته بالبطاطس بصوص الديمجلاس😋جربو الوصفه دي مع طاجن رز معمر خطيره😍

المقادير
نص لحمه مفرومه
بصله مفرومه (بدون ميه)
توابل (ملح -فلفل اسود -بهارات لحمه او بهارات كفته لو مافيش قرفه وجنزبيل)
معلقه نشا او بقسماط
رشه بيكنج بودر
صوص الديمجلاس
حلقات بصل
بطاطس مكعبات

الطريقه

بعجن الكفته كويس مع المكونات بايدي او افرمها في الكبه
طريقه الكفته العاديه وبعدين اكورها بميه البصل عليها معلقه زيت وأحطها في التلاجه تتشمع اطلعها في طاسه فيها زيت علي زبده احط الكفته أديها لون اطلعها احط حلقات البصل ويكون كتير وعليها رشه سكر عشان يتكرمل وملح وفلفل بعد ما يتكرمل بحمر البطاطس المكعبات او ممكن تحطوها علطول بس أنا بحبها محمره وانزل بالكفته تاني وفي الاخر بحط كوبايه ميه كبيره عليها كيس من صوص الديمجلاس او معلقه كبيره لو مش متوفر بحط صويا صوص علي نشا وأزود ميه لو احتاجت وانزل بيها واغطي عليهم واوطي واسبهم لحد ما الكفته تكمل سوا وتعمل صوص 🤗

17/02/2025

طريقه تخزين الخضار في التلاجه
ملحوظه:
الخيار بحفظه بنفس الطريقه مناديل من تحت ومناديل فوق

بما ان رمضان قرب دي من الوصفات اللي هنعتمدها في رمضان انشالله 😍طعمها لذيذ ومختلفه وتجديد للناس اللي بتحب التجديد في الا...
11/02/2025

بما ان رمضان قرب دي من الوصفات اللي هنعتمدها في رمضان انشالله 😍طعمها لذيذ ومختلفه وتجديد للناس اللي بتحب التجديد في الاكل زيي 😋صينيه كفته علي الطريقه التركيه

مقادير الكفته
نص ك لحم مفروم
بصلايه مفرومه
توابل (ملح-فلفل-توابل لحمه-بابريكا)
معلقه نشا
نص معلقه بيكنج بودر

المقادير
٢حبه بتنجان رومي
حبه فلفل رومي احمر
راس توم صغيره
معلقتين زبادي(اختياري )
ملح -رشه كمون وفلفل-
معلقه من هريسه الشطه

الطريقه
هنشوي البتنجان والفلفل ورأس التوم في الايرفراير او الفرن وبعدين اهرسهم كويس واضيفلهم التوابل وعليها الزبادي ومعلقه الهريسه واحطها في بيركس او صينيه أكون عجنت الكفته وشكلتها صوابع وحطتها فوقيها وعلي الفرن لحد ما الكفته تستوي وممكن نحطلها فحمايه وبس كده خطيره عملتها مع رز ابيض وسلطه زبادي 🤗








#طبخاتي

مش دايما بقول رأيي في مكان إلا لما يكون يستاهل بس كله كوم والآيس كريم بتاعهم كوم تاني بجد تحفه 😘لازم تجربوه ومش هتندمو...
26/10/2024

مش دايما بقول رأيي في مكان إلا لما يكون يستاهل بس كله كوم والآيس كريم بتاعهم كوم تاني بجد تحفه 😘لازم تجربوه ومش هتندمو وكل حاجه جرّبتها من عندهم حلوه اوي جبن مكسرات زيوت كل حاجه تحتاجوها موجوده فرع دجله المعادي

سلطه الخيار بالزبادي والشبت دي أنا بعشقها تتاكل لوحدها أصلا تحفه لازم تجربوها😍ممكن تضيفولها بصل حلقات او ذره حلوه زي م...
27/08/2024

سلطه الخيار بالزبادي والشبت دي أنا بعشقها تتاكل لوحدها أصلا تحفه لازم تجربوها😍ممكن تضيفولها بصل حلقات او ذره حلوه زي ما تحبو

المقادير
٢زبادي عادي او يوناني
خيار(ممكن تبشروه او تقطعوه زي ما تحبو )
معلقتين عصير لمون
فص توم مفروم
معلقتين زيت زيتون
رشه ملح -فلفل اسود
أنا بضيف معلقه مايونيز
معلقتين شبت مفروم

ترند الـكفته بصوص الطماطم والفلفل والصويا صوص 😋ده حلو اوي عجبتني جدا 😍جربوها هتعجبكم وسهله وسريعه المقادير نص كيلو لحمه ...
29/06/2024

ترند الـكفته بصوص الطماطم والفلفل والصويا صوص 😋ده حلو اوي عجبتني جدا 😍جربوها هتعجبكم وسهله وسريعه

المقادير
نص كيلو لحمه مفرومه
معلقه كبيره نشا او بقسماط
نص معلقه كربوناته
تفل بصلايه
توابل (ملح -فلفل اسود -بهارات لحمه او قرفه وجنزبيل )

للصوص
طماطم (مقطعه مكعبات)
فلفل رومي وحراق(متقطع)
معلقه صلصه طماطم
معلقه صويا صوص كبيره
رشه ملح وفلفل
بقدونس

الطريقه

في الكبه او في بوله بحط اللحمه وتفل البصل وممكن معاه تفل طمطم والكربوناته والتوابل والنشا او ممكن بقسماط بس النشا احسن و اعجن بايدي لحد ما اللحمه تعمل عرق او في الكبه أحطها في التلاجه تتشمع اطلعها أصبعها بميه البصل عليها معلقه زيت واحطها في صينيه في الفرن حامي لحد ما تستوي ممكن علي البوتجاز بس عشان متفكش لو النار مش عاليه افضل في الفرن
في صينيه تاني او بعد ما الكفته تستوي اعمل الصوص في نفس الصينيه هحط شويه زيت احط الطماطم والفلفل يتشوحو انزل عليهم بملعقه كبيره صلصه ورشه ملح وفلفل واقلب واحط عليها معلقه صويا صوص كبيره وربع كوبايه ميه واسبها تتسبك وتعمل صوص احط عليها الكفته وكل الصوص اللي نزل منها واقلب واخيراً بقي شويه بقدونس علي الوش وبالهنا والشفا لازم تجرّبوها بجد تتاكل مع بطاطس محمره وعيش وطحينه آخر لذاذه😋

كفته الفراخ بصوص المشروم أنا بعملها بنفس الطريقه كفته عاديه معاها نفس الرز جربو طريقتي دي هتعجبكم اوي 😋❤️الصور في الاض...
17/05/2024

كفته الفراخ بصوص المشروم أنا بعملها بنفس الطريقه كفته عاديه معاها نفس الرز جربو طريقتي دي هتعجبكم اوي 😋❤️الصور في الاضاءه الرباني احلي 😍

المقادير
نص ك بانيه
فصين توم
بصلايه متوسطه
معلقه كبيره نشا
نص معلقه بيكنج بودر
نص فلفلايه رومي
قرن فلفل احمر حراق🌶️
توابل (ملح -فلفل-جنزبيل بودر-توابل فراخ)
مشروم
معلقتين دقيق
كوبايتين لبن

الطريقه
في الكبه نضرب المكونات الفراخ والبصل وممكن تفل البصل والميه نحطها مع الصوص والتوم والفلفل والتوابل ومعلقه النشا والبيكنج بودر وده سر انها ما تفكش منكو وادهن ايدي بزيت وأعملها كور واحطها في التلاجه او الفريزر تمسك طاسه فيها زبده علي زيت هنزل كور الكفته تتشوح وتاخد لون اطلعها وانزل بالمشروم يتشوح انزل بمعلقتين دقيق واقلب وانزل عليهم كوبايتين لبن او كوب لبن وكوب شوربه او كريمه تغلي غلوه هنزل بالفراخ واسبها لحد ما الصوص يتقل والفراخ تكمل تسويه ولو الصوص تقل بزود لبن او شوربه وممكن تحطو صويا صوص لو متوفر وممكن مسترده في الصوص وبألف هنا

طريقه الرز
بشوح بصلايه في معلقتين زيت وانزل بالتوابل ورق لوري حبهان قرنفل لومي ملح فلفل وجنزبيل بودر ونص معلقه كبيره كاري و نص معلقه كبيره كركم وممكن مكعب مرق لو تحبو تعلو الطعم واشوحهم مع البصل انزل بالرز واقلب وبعدين الميه وأضبط الملح يغلي ويشرب ميته اوطي واغطي لحد ما الرز يستوي🤗







#تصويري
#اكلاتي

#مصر

Address

Kuwait City

Website

Alerts

Be the first to know and let us send you an email when Doaa Abozed kitchen posts news and promotions. Your email address will not be used for any other purpose, and you can unsubscribe at any time.

Shortcuts

Share

Category