Doaa Abozed kitchen

Directions

Doaa Abozed kitchen Cooking &recipes

09/09/2026

احلي حاجه عجباني في الصور انها بسيطه وأقرب للواقع كأني واقفه في مطبخ بيتنا القديم 😘❤️

يارب ثبّتني يارب 🙏😂أنا مش عارفه هدخل معاهم داخله المدارس ازاي أنا لا سني ولا لياقتي ولا صحتي تسمحلي🙈😅🤣
24/08/2026

يارب ثبّتني يارب 🙏😂أنا مش عارفه هدخل معاهم داخله المدارس ازاي أنا لا سني ولا لياقتي ولا صحتي تسمحلي🙈😅🤣

08/07/2026

🇵🇸❤️🇪🇬

بسكوت القهوه بدقيق القمح المقاديرنص كوب زبده (ممكن تحطو زيت علي زبده)نص كوب سكر بودر بيضه -فانليامعلقه صغيره قهوه سريعه...
31/05/2026

بسكوت القهوه بدقيق القمح

المقادير

نص كوب زبده (ممكن تحطو زيت علي زبده)
نص كوب سكر بودر
بيضه -فانليا
معلقه صغيره قهوه سريعه الذوبان (نسكافيه)
كوب ونص دقيق(ولو احتاجت دقيق بتزودي معلقه )لو حستيها بتلزق
معلقتين كبار نشا
رشه ملح
معلقتين كبار هرمين كاكاو نوع حلو زي (دريم )
نص معلقه صغيره بيكنج بودر

الطريقه

بنضرب الزبده مع السكر كويس لحد ما يبقو كريمي ننزل بالبيض والفانليا وبعدين المواد الجافه كلها واقلب مش بعجن لحد ما تمتزج المكونات وأشكلها لكرات بيضاويه وبعمل فيها شق بالمعلقه زي حبه القهوه وادخلها فرن حراره ١٨٠ لمده ١٥ دقيقه مش بياخد اكتر من كده بنسيبها تبرد في الصينيه تماما وبعدين نسيح شيكولاته دريم ونحط نصها في الشيكولاته وبعدين تتحط في التلاجه عشان تمسك عشان الجو حر

14/05/2026

بين الماضي والحاضر❤️🥹🫂

10/02/2026

😍

صينيه شيش طاووق في الفرن😋 التتبيله وراك او صدور فراخعصير بصله او بصله مفرومه معلقه كبيره صلصه توم مفروم معلقه صغيره معاه...
10/02/2026

صينيه شيش طاووق في الفرن😋

التتبيله
وراك او صدور فراخ
عصير بصله او بصله مفرومه
معلقه كبيره صلصه
توم مفروم معلقه صغيره معاه فلفل رومي مفروم احمر او حراق
معلقه صويا
معلقه مسترده
معلقتين كبار زبادي او لبن رايب او علبه صغيره
توابل (ملح -فلفل-جنزبيل فريش —زعتر توابل شيش او توابل فراخ-بابريكا )
عصير لمون
معلقتين زيت زيتون

الطريقه

هنتبل الفراخ بالتتبيله ونننزل عليها بالخضار فلفل رومي الوان وبصل وطماطم مكعبات ونغطيها بفويل وندخلها فرن ساخن مسبقا لحد ما تستوي وتاخد لون من فوق 🤗 وممكن تسيخوها وتحطو تحتها بطاطس حلقات وبردو تحطوها بالفرن😋

#شيش

‏

06/02/2026

⁨ ⁨ ⁨ ⁨ ⁨ ⁨ المكان ده لاي حد عاوز يجيب ديكور للبيت اي عروسه بتجهز بيتها واي حد مهتم بأطباق التقديم مجات للمطبخ الحلل الفخار بجميع اشكالها والفاظات وأطقم الدوناتس بكل اشكالها وألوانها هتلاقوها هناك والنجف الترند وأطقم العشاء هتلاقى هناك حاجات مختلفه ومميزه وأسعار متقارنش ببره وأسعار ارخص من الاونلاين المكان كبير ومتنوع كل الحاجات الخاصه بديكورات البيت وتقديم المطبخ حتي البوت بتاعت الزرع ترابيزات الفايبر جلاس حتي السفر معموله من الفايبر جلاس وتقدري تعملي اي ديزاين بالألوان اللي انتي عاوزاها هما بينفذوهالك وكمان في ورش تعليميه بجد لازم تروحو المكان بجد مريح نفسيا بطريقه مش طبيعيه بما ان رمضان قرب الفيديو ده كنت مصوراه من كام شهر بس اتسحلت شويه معرفتش أنزله صورتلكم حاجات أنا جبتها علي الطبيعه بجد هتنبهرو من الجمال اللي هناك المكان اسمه قريه الفخاريين بالفسطاط او فواخير الفسطاط😍⁩⁩⁩⁩⁩ #فخار #فخارين⁩ #ديكور #اكسبلور

03/02/2026

حالي قبل رمضان😅اللهم بلغنا رمضان لافاقدين ولا مفقودين🙏❤️

طاجن كفته بالبطاطس بصوص الديمجلاس😋جربو الوصفه دي مع طاجن رز معمر خطيره😍المقادير نص لحمه مفرومه بصله مفرومه (بدون ميه)تو...
27/01/2026

طاجن كفته بالبطاطس بصوص الديمجلاس😋جربو الوصفه دي مع طاجن رز معمر خطيره😍

المقادير
نص لحمه مفرومه
بصله مفرومه (بدون ميه)
توابل (ملح -فلفل اسود -بهارات لحمه او بهارات كفته لو مافيش قرفه وجنزبيل)
معلقه نشا او بقسماط
رشه بيكنج بودر
صوص الديمجلاس
حلقات بصل
بطاطس مكعبات

الطريقه

بعجن الكفته كويس مع المكونات بايدي او افرمها في الكبه
طريقه الكفته العاديه وبعدين اكورها بميه البصل عليها معلقه زيت وأحطها في التلاجه تتشمع اطلعها في طاسه فيها زيت علي زبده احط الكفته أديها لون اطلعها احط حلقات البصل ويكون كتير وعليها رشه سكر عشان يتكرمل وملح وفلفل بعد ما يتكرمل بحمر البطاطس المكعبات او ممكن تحطوها علطول بس أنا بحبها محمره وانزل بالكفته تاني وفي الاخر بحط كوبايه ميه كبيره عليها كيس من صوص الديمجلاس او معلقه كبيره لو مش متوفر بحط صويا صوص علي نشا وأزود ميه لو احتاجت وانزل بيها واغطي عليهم واوطي واسبهم لحد ما الكفته تكمل سوا وتعمل صوص 🤗

Address

Kuwait City

Website

Alerts

Be the first to know and let us send you an email when Doaa Abozed kitchen posts news and promotions. Your email address will not be used for any other purpose, and you can unsubscribe at any time.

Shortcuts

Share

Category