Food Mood KH

10/02/2026

05/02/2026

មុខម្ហូបសំរាប់ស្ត្រីមេផ្ទះ ប្រចាំថ្ងៃ🥰

30/01/2026

🎃 បង្អែម "បបរល្ពៅខ្ទិះដូងសាគូ" ផ្អែមឈ្ងុយខ្ទិះ ងាយៗឆ្ងាញ់ណាស់! ✨🥥
មេឃត្រជាក់ៗបែបនេះ បានបង្អែមបបរល្ពៅក្តៅៗ រសជាតិផ្អែមស្រទន់ និងមានក្លិនឈ្ងុយស្លឹកតើយទៀត គឺដឹងតែអែមហ្មង! តោះមកមើលរូបមន្តធ្វើទាំងអស់គ្នា៖

🛒 គ្រឿងផ្សំដែលត្រូវត្រៀម៖
ល្ពៅសាច់ស្អិត: ៥០០ ក្រាម (ហាន់ជាដុំល្មម)

ខ្ទិះដូង: ១ កូនចានកន្លះ (ខ្ទិះដើមរឹតតែឆ្ងាញ់)

សាគូ: ៤ ស្លាបព្រាបាយ (លាងទឹកឱ្យស្អាត រួចត្រាំទុក)

ទឹកស្អាត: ៧០០ មីលីលីត្រ

ស្ករស: ៦ ស្លាបព្រាបាយ (អាចថែមថយតាមចំណូលចិត្ត)

អំបិល: កន្លះស្លាបព្រាកាហ្វេ

ស្លឹកតើយ: ៣-៤ សន្លឹក (ដើម្បីក្លិនឈ្ងុយ)

👩‍🍳 វិធីធ្វើងាយៗ ៣ ជំហាន៖
រម្ងាស់ល្ពៅ: ដាំទឹកឱ្យពុះ រួចដាក់ល្ពៅ ស្លឹកតើយ និងចាក់ខ្ទិះដូងចូលបន្តិច។ រម្ងាស់ចោលប្រហែល ១០ នាទី រហូតដល់ល្ពៅជិតឆ្អិន។

បន្ថែមសាគូ: ដាក់សាគូដែលត្រាំទឹករួចចូលក្នុងឆ្នាំង កូរឱ្យសព្វ រួចរម្ងាស់បន្តប្រហែល ៥ នាទី ទៀតឱ្យគ្រាប់សាគូឆ្អិនថ្លាល្អ។

ផ្សំរសជាតិ: ដាក់ស្ករស និងអំបិលចូល កូរឱ្យរលាយសព្វ រួចចាក់ខ្ទិះដូងដែលនៅសល់ទាំងអស់ចូល។ ទុកឱ្យពុះម្ដងទៀតប្រហែល ៥ នាទី ដើម្បីឱ្យខ្ទិះឆ្អិនឈ្ងុយ ជាការស្រេច!

✨ តិចនិកបន្ថែម: បើចង់ឱ្យបបរល្ពៅកាន់តែឈ្ងុយ អ្នកអាចបន្ថែមខ្ទិះដូងខាប់ៗពីលើចានពេលញ៉ាំក៏បាន។

✅ រសជាតិឆ្ងាញ់ ពណ៌ក៏ស្អាត! កុំភ្លេចសាកល្បងធ្វើជូនគ្រួសារញ៉ាំណា៎។

#បង្អែមខ្មែរ #បបរល្ពៅ #បង្អែមងាយៗ

29/01/2026

🍤 វិធីធ្វើបង្គាខ្ទិះ ឆ្ងាញ់អស់ទាស់! 🥥
ម្ហូបងាយៗ ឆ្ងាញ់ៗ ធ្វើបានឆាប់ៗ សាកធ្វើម្តងមើលណា 😋

✨ គ្រឿងផ្សំ
• បង្គា ៨–១០ (បកសំបកក៏បាន មិនបកក៏បាន)
• ខ្ទិះដូង ១០០ ក្រាម
• គ្រឿងការីបុក ២ ស្លាបព្រាបាយ
• ទឹកត្រី ១ ស្លាបព្រាបាយកន្លះ
• ស្ករ ១ ស្លាបព្រាបាយ
• ម្ទេសប្លោក ហាន់
• ស្លឹកក្រូចសើច ហាន់

🍳 វិធីធ្វើ
1️⃣ ដាក់ខ្ទះលើភ្លើង ដាក់ប្រេងឆាចូលបន្តិច រួចដាក់គ្រឿងការីបុកចូល កូរឲ្យក្លិនឈ្ងុយ បន្ទាប់មកដាក់ខ្ទិះដូងចូល កូរឲ្យសព្វ ហើយទុកឲ្យពុះ។

2️⃣ ដាក់បង្គា បន្ថែមទឹកត្រី និងស្ករ ឆាច្របល់ឲ្យសព្វល្អ ពេលឆ្អិនល្អហើយ ដាក់ម្ទេសប្លោក និងស្លឹកក្រូចសើចចូល ជាការស្រេច! 😍

📌 Tip: ញ៉ាំជាមួយបាយក្តៅៗ គឺអស់ទាស់!

27/01/2026

✨ វិធីធ្វើ ចិញ្រ្ចាំប្រហុកទឹកអំពិលទុំ ✨
រសជាតិជូរ ប្រៃ ហឹរ ឆ្ងាញ់សាច់មាត់ ហូបជាមួយបន្លែអន្លក់ អស់ទាស់! 😋

🥣 គ្រឿងផ្សំ

ប្រហុក ២ខាំ

គល់ស្លឹកគ្រៃ ៣គល់ (ហាន់ស្តើងៗ)

រំដេង ២ដុំតូច (ហាន់ល្អិត ឬចិញ្រ្ចាំ)

ខ្ទឹមស ៥កំពឹស (ហាន់តូចៗ)

ខ្ទឹមក្រហម ៥មើម (ហាន់ស្តើងៗ)

ស្លឹកក្រូចសើច ១០សន្លឹក (ហាន់ជាសរសៃៗ)

ទឹកអំពិលទុំ ៦ស្លាបព្រាបាយ

ម្ទេសហុយ ៣ស្លាបព្រាបាយកន្លះ (ឬម្ទេសក្រៀមក៏បាន)

ស្ករស បន្តិច

បន្លែអន្លក់៖ ត្រសក់ ត្រប់ ស្ពៃក្តោប សណ្តែកកួរ ពពាយ… តាមចំណូលចិត្ត

👩‍🍳 វិធីធ្វើ

1️⃣ យកប្រហុកបេះឆ្អឹងចេញឱ្យស្អាត រួចចិញ្រ្ចាំឲ្យម៉ដ្ឋ ទុកមួយឡែក
2️⃣ ដាក់ខ្ទះលើភ្លើង រួចរំលីងខ្ទឹមក្រហម ខ្ទឹមស និងគល់ស្លឹកគ្រៃ មួយសន្ទុះ កុំឲ្យខ្លោច
3️⃣ យកគ្រឿងដែលរំលីងហើយ ដាក់បុកជាមួយរំដេង ឲ្យសព្វ បន្ទាប់មកដាក់ប្រហុកចិញ្រ្ចាំ ទឹកអំពិលទុំ ម្ទេស និងស្ករស ច្របល់ឲ្យចូលគ្នា រួចបន្ថែមស្លឹកក្រូចសើច ច្របល់ឲ្យសព្វ
4️⃣ លាងបន្លែអន្លក់ឲ្យស្អាត រៀបចំដាក់ចាន ដួសចិញ្រ្ចាំប្រហុកទឹកអំពិលទុំដាក់ជាមួយ ហូបផ្ទាប់ឆ្ងាញ់អស់ទាស់! 🤤

📌 ចូលចិត្តអាហារខ្មែរ កុំភ្លេច Like & Share! 💚

27/01/2026

ម៉ែ មិនស្អាតមិនមានដូចគេ
តែម៉ែគឺមនុស្សដែលបារម្ភនឹងស្រឡាញ់កូនខាងបំផុត

26/01/2026

🔥 របៀបធ្វើ សាច់គោអាំងទឹកប្រហុក ឆ្ងាញ់ងាយៗ 🔥
ម្ហូបខ្មែរបែបបុរាណ រសជាតិជូរប្រៃ ហឹរៗ ញ៉ាំជាមួយបន្លែស្រស់ គឺថាឆ្ងាញ់ខ្លាំងណាស់! 😋

🥩 គ្រឿងផ្សំ

សាច់គោជាប់ខ្លាញ់ ១ គីឡូក្រាម (ហាន់ជាបន្ទះៗល្មម)

ប្រហុក ១ ស្លាបព្រាបាយកន្លះ (ចិញ្ច្រាំឲ្យម៉ដ្ឋ)

គល់ស្លឹកគ្រៃ ៥ ស្លាបព្រាបាយ (ហាន់តូចៗ ឬតាមចំណូលចិត្ត)

ខ្ទឹមស ៥ កំពឹស

ម្ទេសទុំ ៣ ផ្លែ (ឬច្រើនតាមចំណូលចិត្ត)

ខ្ទឹមស និងម្ទេស បុកឲ្យម៉ត់

ខ្ទឹមក្រហម ៣ មើម (ហាន់តូចៗ)

ទឹកក្រូចឆ្មារ ២ ស្លាបព្រាបាយ

ស្លឹកក្រូចសើច ២ សន្លឹក (ហាន់តូចៗ)

រំដេង ១ ស្លាបព្រាបាយ (ហាន់តូចៗ)

ទឹកឆ្អិន កន្លះចានចង្កឹះ

ស្ករ (ដាក់ឬមិនដាក់ក៏បាន តាមចំណូលចិត្ត)

បន្លែញ៉ាំជាមួយ៖ ជីស្លឹកវែង, ជីរនា, ត្រប់ស្រួយ, ត្រយូងចេក ជាដើម 🌿

🍳 វិធីធ្វើ

ធ្វើទឹកប្រហុក
យកចានគោមធំមួយ ដាក់ប្រហុកដែលចិញ្ច្រាំរួច ទឹកក្រូចឆ្មារ ខ្ទឹមសម្ទេសបុក រំដេង គល់ស្លឹកគ្រៃ ខ្ទឹមក្រហម ស្លឹកក្រូចសើច និងទឹកឆ្អិន។ កូរឲ្យសព្វ រួចភ្លក់មើល តម្រូវរសជាតិតាមចំណូលចិត្ត (ជូរប្រៃជាចម្បង)។

រៀបបន្លែ
លាងបន្លែឲ្យស្អាត រួចរៀបដាក់ចានទុកមួយឡែក។

អាំងសាច់គោ
យកសាច់គោដែលហាន់រួច ប្រលាក់ជាមួយ ស្ករតិច អំបិលតិច ប្រេងខ្យងតិច (អាចបន្ថែមប៊ឺបន្តិច) រួចយកទៅអាំង។
ពេលឆ្អិនហើយ យកមកហាន់ជាចំណិតៗ (អាចអាំងកុំឲ្យឆ្អិនពេក ឲ្យនៅជាប់ឈាមតិចៗក៏បាន)។

រៀបចំញ៉ាំ
ដាក់សាច់គោចូលចាន ដួសទឹកប្រហុកពីលើ ហើយញ៉ាំជាមួយបន្លែស្រស់ៗ ជាការស្រេច 😍

✨ ធ្វើសាមញ្ញៗ តែរសជាតិឆ្ងាញ់ខ្លាំង!
បើចូលចិត្ត កុំភ្លេច Like & Share ទុកធ្វើញ៉ាំជាមួយគ្រួសារផងนะ ❤️

26/01/2026

កុំអួតអាងខ្លាំងពេក

24/01/2026

😍😋