29/08/2026
DESCALE
របៀបនៃ ការលាងសំអាត ស្នឹមកំបោរ តាមប្រព័ន្ធទឹក សំរាប់ម៉ាស៊ីនឆុងកាហ្វេ ម៉ូដែល
breville the barista express
,
ការលាងសម្អាតកំបោរ (Descaling) ម៉ាស៊ីនឆុងកាហ្វេ Breville (ដូចជាម៉ូដែល Barista Express) ជួយកម្ចាត់កាកសំណល់រ៉ែ និងកំបោរ ដើម្បីឱ្យទឹកហូរបានស្រួល និងរក្សារសជាតិកាហ្វេឱ្យនៅតែឆ្ងាញ់។
ជំហានទី ១៖ ការរៀបចំ
• សម្អាត និងដោះផ្នែកផ្សេងៗ៖ បិទម៉ាស៊ីន ចាក់ទឹកចេញពីថាសទ្រទឹក (Drip tray) និងចាក់ទឹកចេញពីធុងស្តុកទឹកឱ្យអស់។
• ដោះតម្រងទឹកចេញ៖ ដោះ (Charcoal filter) ចេញពីក្នុងធុងទឹក។
• លាយទឹកថ្នាំសម្អាត៖ រំលាយម្សៅលាងសម្អាត Breville ១ កញ្ចប់ (ឬទឹកថ្នាំលាងសម្អាត ៤ អោន / ១២០ មីលីលីត្រ) ជាមួយទឹកក្ដៅឧណ្ហៗ ១ លីត្រ (៣៤ អោន) រួចចាក់ចូលទៅក្នុងធុងទឹកម៉ាស៊ីន។
• ត្រៀម កាធុមត្រងទឹក៖ ដាក់កាធុនមួយ នៅខាងក្រោមក្បាលឆុង (Group head) និង ដៃស្ទីម(Steam wand)។
ជំហានទី ២៖ ចូល មុខងារ Descale Mode
• នៅពេលម៉ាស៊ីនបិទ
សូមចុចប៊ូតុង 2 CUP ឱ្យជាប់ រួចចុចប៊ូតុង POWER ឱ្យជាប់ដំណាលគ្នា។
• ចុចសង្កត់រហូតដល់ម៉ាស៊ីនបើកដំណើរការ ហើយចូលទៅកាន់មុខងារ Descale Mode។
• ប៊ូតុង Power នឹងភ្លឺភ្លឹបភ្លែតៗពេលកំពុងកម្តៅ ហើយនៅពេលវាឡើងកម្តៅគ្រប់គ្រាន់ ភ្លើងនឹងឈប់ភ្លឹបភ្លែតៗ (ភ្លឺជាប់)។
ជំហានទី ៣៖ ដំណើរការលាងសម្អាតកំបោរ អ្នកត្រូវបង្ហូរទឹកថ្នាំសម្អាតតាម
• ក្បាលឆុង (Group Head)៖ ចុចប៊ូតុង 1 CUP ដើម្បីឱ្យទឹកថ្នាំហូរតាមក្បាលបង្ហូរប្រហែល ២៥ ទៅ ៣០ វិនាទី រួចវានឹងឈប់ដោយស្វ័យប្រវត្តិ។
• បង្ហូរទឹកតាមដៃស្ទីម (Steam Wand)៖ បើកស្ទីម ឱ្យទឹកហូរចេញប្រហែល ១០ ទៅ ១៥ វិនាទី រហូតដល់ឈប់ខ្លួនឯង រួចបង្វិលត្រឡប់មកចំកណ្តាលវិញ។
• បង្ហូរទឹកក្តៅ (Hot Water Spout)៖ បើកទឹកក្ដៅ ឱ្យទឹកហូរប្រហែល ១០ ទៅ ១៥ វិនាទី រហូត ដល់ឈប់ រួចបង្វិលមកចំកណ្តាលវិញ។
• ធ្វើឡើងវិញ៖ បន្តធ្វើតាមលំដាប់ទាំង ៣ នេះរហូតដល់ទឹកថ្នាំក្នុងធុងអស់ទាំងស្រុង។
ជំហានទី ៤៖ ដំណើរការលាងជម្រះដោយទឹកស្អាត (ជំហានសំខាន់)
• លាងធុងទឹក៖ ដោះធុងទឹកចេញ លាងសម្អាតឱ្យស្អាត រួចចាក់ទឹកត្រជាក់ស្អាតចូលឱ្យដល់កម្រិត MAX ហើយដាក់ចូលម៉ាស៊ីនវិញ។
• លាងជម្រះប្រព័ន្ធម៉ាស៊ីន៖ ធ្វើតាមជំហានទី ៣ ដដែល (បង្ហូរទឹកតាមក្បាលបង្ហូរ បំពង់ Steam និងបំពង់ទឹកក្តៅ) ដោយប្រើទឹកស្អាតសុទ្ធ។ ជំហាននេះជួយលាងជម្រះជាតិថ្នាំគីមី និងរសជាតិជូរចេញឱ្យអស់។
• ចាកចេញពីមុខងារ៖ នៅពេលបង្ហូរទឹកស្អាតអស់ហើយ សូមចុចប៊ូតុង POWER ដើម្បីបិទម៉ាស៊ីន និងចាកចេញពី Descale Mode។ បន្ទាប់មក អ្នកអាចដាក់តម្រងធ្យូងចូលក្នុងធុងទឹកវិញបាន។
ចំណាំ:
ការដោះស្រាយបញ្ហា៖ ភ្លើង Descale មិនព្រមរលត់?
• បរិមាណទឹកមិនគ្រប់គ្រាន់៖ ម៉ាស៊ីន Breville វាស់ស្ទង់បរិមាណទឹកដែលហូរកាត់ប្រព័ន្ធ ដើម្បីកំណត់ថាការលាងសម្អាតបានបញ្ចប់សព្វគ្រប់។ សូមចាក់ទឹកស្អាតឱ្យពេញដល់កម្រិត MAX ម្តងទៀត ហើយដំណើរការលាងជម្រះតាមច្រកទាំង ៣ ឡើងវិញឱ្យចប់សព្វគ្រប់ ដោយកុំបិទម៉ាស៊ីនពាក់កណ្តាលទី។
• កំណត់ឡើងវិញ (Hard Reset)៖ បិទម៉ាស៊ីន រួចដកឌុយចេញពីព្រីភ្លើងរយៈពេល ១៥ ទៅ ៣០ វិនាទី ដើម្បីឱ្យប្រព័ន្ធ Sensor ដំណើរការឡើងវិញ រួចដោតឌុយចូលវិញ។
សំរាប់ចំងល់ឬបញ្ហាផ្សេងៗ សូមទំនាក់ទំនង តាមតេលេក្រាម :
093993925
