29/05/2026
ក្លឹបសិក្សាភាសាកូរ៉េដោយឥតគិតថ្លៃនៅសាកលវិទ្យាល័យចេនឡា ត្រូវបានចុះផ្សាយនៅលើកាសែត Korean Weekly Newspaper in Cambodia
http://www.nbcambodia.com/archives/81584
សូមថ្លែងអំណរគុណដល់កាសែត Korean Weekly Newspaper in Cambodia ដែលបានជួយចុះផ្សាយព័ត៌មានអំពីក្លឹបសិក្សាភាសាកូរ៉េដោយឥតគិតថ្លៃនៅក្នុងសាកលវិទ្យាល័យចេនឡា។ ជាពិសេស សូមថ្លែងអំណរគុណយ៉ាងជ្រាលជ្រៅដល់លោកសាស្រ្តាចារ្យ Jo Wong ទីប្រឹក្សាសាកលវិទ្យាធិការ ទទួលបន្ទុកមជ្ឈមណ្ឌលភាសាកូរ៉េ និងទំនាក់ទំនងគ្រឹះស្ថានអប់រំប្រទេសកូរ៉េ ដែលបានខិតខំយកចិត្តទុកដាក់បង្រៀនភាសាកូរ៉េដល់និស្សិតជំនាញគិលានុបដ្ឋាក ឆ្មប និងបច្ចេកទេសមន្ទីរពិសោធន៍នៅសាកលវិទ្យាល័យចេនឡាអស់រយៈពេលជាង ២ឆ្នាំកន្លងមក។
ជាមួយគ្នានេះដែរ សូមកោតសរសើរ និងអរគុណដល់និស្សិតទាំងអស់ ដែលបានខិតខំសិក្សារៀនសូត្រយ៉ាងសស្រាក់សស្រាំ មិនត្រឹមតែផ្តោតលើជំនាញវិជ្ជាជីវៈរបស់ខ្លួនប៉ុណ្ណោះទេ ប៉ុន្តែថែមទាំងបានបន្ថែមការយកចិត្តទុកដាក់លើការសិក្សាភាសាកូរ៉េទៀតផង។សកម្មភាពទាំងអស់នេះ ស្របទៅនឹងយុទ្ធសាស្ត្ររបស់សាកលវិទ្យាល័យចេនឡា ដែលមានគោលបំណងពង្រឹងសមត្ថភាពភាសាកូរ៉េដល់និស្សិត និងបង្កើនឱកាសទៅបន្តការសិក្សា ក៏ដូចជាឱកាសការងារនៅប្រទេសកូរ៉េនាពេលអនាគត។
ដូច្នេះ សូមប្អូនៗនិស្សិតខិតខំប្រឹងប្រែងសិក្សា និងអភិវឌ្ឍសមត្ថភាពភាសារបស់ខ្លួនឲ្យបានល្អ ដើម្បីត្រៀមខ្លួនឲ្យរួចរាល់សម្រាប់ឱកាសល្អៗនាពេលខាងមុខនេះ។
#សាកលវិទ្យាល័យចេនឡានឹងជួយបំប្លែងក្តីស្រមៃរបស់ប្អូនឱ្យក្លាយជាការពិត
#សាកលវិទ្យាល័យចេនឡា_រៀនពិត_ចេះពិត_អនុវត្តពិត_ទទួលបានលទ្ធផលពិត
