05/05/2026
ក្នុងឱកាសថ្ងៃកំណើត លោកអគ្គនាយក ប៊ុនជា នាថ្ងៃទី ០៥ ខែ ០៥ ឆ្នាំ ២០២៦ នៃគុយទាវអូរឫស្សី យើងខ្ញុំបានដឹកនាំបុគ្គលិកចូលរួមបរិច្ចាគឈាម ព្រមទាំងនាំយកគ្រឿងឧបភោគបរិភោគ និងថវិកាមួយចំនួន ប្រគល់ជូនមន្ទីរពេទ្យគន្ធបុប្ផា ដើម្បីរួមចំណែកសង្គ្រោះជីវិតកុមារកម្ពុជា និងចែករំលែកក្តីស្រឡាញ់ដល់សង្គម។
នេះគឺជាការប្រារព្ធថ្ងៃកំណើតដ៏មានអត្ថន័យ ពោរពេញដោយមនុស្សធម៌ សប្បុរសធម៌ និងការផ្តល់ក្តីសង្ឃឹមដល់កុមារកម្ពុជា។ សកម្មភាពនេះបង្ហាញពីទឹកចិត្តដ៏ថ្លៃថ្នូរ និងការដឹកនាំប្រកបដោយគំរូល្អរបស់លោកអគ្គនាយកដែលតែងតែយកចិត្តទុកដាក់ចំពោះសង្គម និងអនាគតកុមារកម្ពុជា។
សូមគោរពជូនពរលោកអគ្គនាយកសូមទទួលបានសុខភាពល្អ សុភមង្គល វិបុលភាព និងជោគជ័យគ្រប់ភារកិច្ច បន្តធ្វើអំពើល្អ និងចែករំលែកសេចក្តីស្រឡាញ់ដល់សង្គមជាតិជានិច្ច។ 🙏🎂❤️🇰🇭
