01/11/2026
សេចក្តីជូនដំណឹង
សូមជម្រាបជូនអតិថិជន និងសាធារណជនទាំងអស់ឱ្យបានជ្រាបថា បច្ចុប្បន្នមានគណនី Facebook មួយបានយកឈ្មោះ និងរូបភាព Profile របស់ Cafio Coffee ទៅប្រើប្រាស់ដោយគ្មានការអនុញ្ញាតពីយើងខ្ញុំ។
- ខាហ្វីអូ មិនទទួលខុសត្រូវចំពោះការបញ្ជាទិញ ការទូទាត់ប្រាក់ ឬសកម្មភាពផ្សេងៗដែលធ្វើឡើងតាមរយៈគណនីក្លែងក្លាយនោះទេ។ រាល់ការស្នើសុំប្រាក់ ឬការទូទាត់ដែលមិនមែនជារបស់យើងខ្ញុំ
គឺមិនមានការអនុញ្ញាតពី ខាហ្វីអូ កាហ្វេ ឡើយ។
- ប្រសិនបើអតិថិជនបានបញ្ជាទិញភេសជ្ជៈ ឬផលិតផលតាមរយៈគណនីនោះ ហើយបានផ្ទេរប្រាក់ទៅឱ្យពួកគេរួចហើយ សូមជ្រាបថា ការបញ្ជាទិញ និងការទូទាត់ទាំងនោះមិនមែនជាប្រតិបត្តិការរបស់ ខាហ្វីអូ កាហ្វេ ទេ។
សូមទាក់ទងមកកាន់ទំព័រផ្លូវការរបស់យើងខ្ញុំ ដើម្បីផ្ទៀងផ្ទាត់ព័ត៌មាន និងជៀសវាងការខាតបង់បន្ថែម។
- សូមចំណាំ៖ QR Code សម្រាប់ការទូទាត់របស់ម្ចាស់ ខាហ្វីអូ កាហ្វេ មានឈ្មោះតែ ២នាក់ ប៉ុណ្ណោះ។ សូមពិនិត្យឈ្មោះដែលបង្ហាញនៅលើ QR Code (Och Vichhadayoudy, Ratna Sreypech ) ឱ្យបានត្រឹមត្រូវ មុនពេលផ្ទេរប្រាក់។ ប្រសិនបើឈ្មោះមិនត្រូវគ្នា សូមកុំផ្ទេរប្រាក់ជាដាច់ខាត។
សូមអតិថិជនទាំងអស់បញ្ជាទិញ និងទូទាត់ប្រាក់តាមរយៈបណ្តាញផ្លូវការរបស់ Cafio Coffee ដែលមាន Logo ខាហ្វីអូ ជាភាសាខ្មែរតែប៉ុណ្ណោះ។ ប្រសិនបើមានចម្ងល់ សូមទាក់ទងមកយើងខ្ញុំដោយផ្ទាល់ មុនពេលធ្វើការទូទាត់ណាមួយ។
សូមអរគុណចំពោះការគាំទ្រ និងការជឿទុកចិត្តរបស់អតិថិជនទាំងអស់។ សូមចែករំលែកសេចក្តីជូនដំណឹងនេះ ដើម្បីជួយការពារអតិថិជនដទៃទៀតពីការយល់ច្រឡំ និងការខាតបង់។ ដោយក្តីគោរពពី Cafio Coffee