Ostarie La Di Marie

02/05/2020

01/03/2020

I CJARSONS
Lis ricetis a son tantis, ve ca une. Si prepare une paste penze, metintle adun cun patatis bulidis, speladis, strucadis e disfedadis.
L'impast al à di polsâ un pôc, par dopo distirâlu cul mescul e taiant dai blecs taronts di uns cinc/dîs centimetros. In bande si met dongje il riplen. Par cuatri personis: spinaze lesse, scuete fumade e gratade, un ros di ûf, un blanc montât, pan gratât, un cucjarin di cacau amâr, un di zucar, ue passe, sâl e canele. Lavorâ a man la misture che deventi omogjenee il plui pussibil. Poiait un cucjarin di riplen intune metât dal blec di paste. Pleiaitlu, sierât i ôrs metintiju dongje esigjilantju fasint une pleute tal ôr. Butait i cjarsons te cite di aghe bulint.
Cuinçâ cun ont (spongje cuete), scuete fumade gratade, zucar e canele.

01/03/2020

La jota e je triestine dome par chei che no san...

Jote di blede (Jota cjargnele)
Ingredients: 600 g di bledis, une cjicare di farine di gran, ½ litri di lat, 200 g di fasûi bulîts, 1 cjicare di farine di blave, sâl.
Lavait lis bledis e lessaitlis intal lat cun in zonte la stesse misure di aghe. Masanaitlis, conservant la aghe de cuete. Meteit il masanât intal licuit di cuete; dopo zontait la farine di blave e chê di forment. Messedait lant indevant a cuei par plui o mancul 30 minûts; duncje o zontait i fasûi lessâts in bande, e faseit scjaldâ dut, prime di fâ lis porzions.
NOTE: Cheste ricete e ven de Val Pesarine e Val di Guart. In chei lûcs, cuant che si le servìs, si met tal mieç de taule une grande scudiele plene di lat cjalt, par cjapâ altri lat di zontâ ae proprie sope. Inte stesse zone si è solits preparâ chest plat cun al puest des bledis la coce o ancje la broade.

01/03/2020

LA POLENTE
Meti le aghe tal cjaldereuç (magari di ram o ghise), salâ cuantche a bol, butâ la farine dute intun colp; lassâ un moment cence messedâ, daspò si fâ la crous cul mescul; dopo pôcs minûts si messede fintremai ch'e je cuete, 40 minûts, ven a stai cuantche a nase di bon e lis crostis si distachin dal cjalderuç.

01/03/2020

LA PANADE
Taiait a tocuts dal pan vecjo (un pagnut o un e mieç par persone). Metêtlu a bulî intune cite di brût cun fueis di orâr. Apene che la pignate e bulìs, sbassait il fûc e lassait sbuliâ fintremai che no ven fûr une papute mole. Zontait un pôc di fenoli: semence secje o ramuts verts, se ju cjatais, e lait indevant a cuei plan plancut par una altri cuart di ore. Metêt mieze sedon di vueli par persone e puertait in taule la panade cjalde, e sparniçâ parsore formadi vecjio gratât.

03/02/2020