08/06/2026
Sunnudaginn 7. júní 2026 var haldin árleg osta- og brauðtertukeppni Kaffi Krúsar og Konungskaffis í miðbæ Selfoss. Keppnin hófst fyrir 12 árum sem Ostakökukeppni Kaffi Krús — fyrir þrem árum bættist Konungskaffi við og með því brauðtertuflokkurinn.
Mina Stojanov vann bestu ostakökuna með Baklava ostaköku — „frumleg, falleg, bragðgóð og skemmtilega öðruvísi” sagði dómnefnd, með uppskrift sem á rætur í Tyrklandi.
Hilmar Harðarson, matreiðslumeistari, vann besta brauðtertuna með Sítrónu-rækjutertu, en dómnefnd gaf kökunni 10/10.
Fallegasta kakan hlaut svo Evgeniya Vaganova fyrir ostakökuna Allsber, skreytta ferskum berjum. Zhenja er bakaranemi og heldur úti instagram reikning en þar má sjá hennar fallegu kökur.
Formaður dómnefndar var Guðrún Hafsteinsdóttir en með henni sátu Anna Margrét Magnúsdóttir — sigurvegari keppninnar í þrígang — Daníel Ólafsson, Haukur Már Hauksson, Ida Sofia Grundberg, Valdimar Bragason og Þórhildur Guðbjörg Hjaltadóttir.
Vinningshafar fengu verðlaun frá Hótel Geysir, Hótel Kríu í Vík og Hótel Örk ásamt ostakörfum frá MS. Allir keppendur fengu gjafabréf að verðmæti 20.000 kr frá Kaffi Krús og Konungskaffi.
Takk til allra þátttakenda, styrktaraðila og dómnefndar. Takk allir sem mættu og fylgdust með þetta var æðislegur dagur.
— Kaffi Krús og Konungskaffi
