LYST - Lystigarðurinn

10/06/2026

English below

LYST leitar að nýju fólki í teymið

Eftir frábæra byrjun á Dinner á LYST, erum við hjá LYST að leita að góðu fólki til að slást í hópinn.

Við erum að ráða í eftirfarandi störf:

* Þjónusta / barista
* Uppvask
* Matreiðslumenn
* Nemar í matreiðslu

Við leitum að fólki sem er jákvætt, samviskusamt og hefur gaman af því að vinna með öðrum. Reynsla er kostur en ekki skilyrði – við leggjum mikla áherslu á viðhorf og vilja til að læra.

Ef þú hefur áhuga á mat, þjónustu og lifandi vinnustað viljum við gjarnan heyra frá þér.

Sendu okkur stutta kynningu og ferilskrá á [email protected].

Við hlökkum til að heyra frá þér.

LYST is Hiring

After a huge success in opening Dinner á LYST, we’re looking for great people to join our team.

We are currently hiring:

* Front of house service / barista
* Dishwashers
* Chefs
* Chef Interns

We’re looking for positive, reliable people who enjoy working as part of a team. Experience is a plus, but attitude and willingness to learn are what matter most.

If you’re interested in food, hospitality, and being part of a creative workplace, we’d love to hear from you.

Send us a short introduction and your CV to [email protected]

We look forward to hearing from you.

08/06/2026

Sumar & bjórhátíð LYST 2026 fer fram helgina 17.–19. júlí á Akureyri 🌿🍺

Þetta verður helgi full af bjór, mat, tónlist og góðri stemningu um allan bæ — með LYST í Lystigarðinum sem aðalmiðju hátíðarinnar.

Á föstudegi og sunnudegi verða happy hour tilboð á bestu börum Akureyrar fyrir armbandshafa, ásamt matartilboðum á völdum veitingastöðum um bæinn.

Laugardaginn 18. júlí kl. 13:00–18:00 taka bestu brugghús landsins yfir LYST með opnum dælum, bjórsmakki, veitingasöla í garðinum, Hyalin pop-up búð og lifandi tónlist yfir daginn. Þar verður hægt að smakka fjölbreytt úrval bjóra frá frábærum brugghúsum í léttri og skemmtilegri sumarstemningu.

Um kvöldið taka við útitónleikar LYST þar sem Daði Freyr stígur á svið ásamt Sturla Atlas. Eftir tónleikana heldur stemningin áfram á Leyni með Sturla Atlas.

Armband á hátíðina gildir í bjórsmakk milli 13:00–18:00 á laugardegi og sem miði á útitónleikana með Daða Frey ásamt því að veita afslætti um allan bæ yfir helgina.

Verð:
Armband: 12.900 kr.
Bjórkort, 5 bjórar: 6.000 kr. (bara selt 18 julí)
Bjórtóken, 1 bjór: 1.500 kr. (bara selt 18 julí)

Útitónleikar forsala: 5.900 kr.

Sumar, bjór, matur, tónlist og menning í hjarta Lystigarðsins.
Þetta verður helgi sem við ætlum að muna.

01/06/2026

Tríó Mikaels Mána leggur upp í tónleikaferð um landið í júní. Með honum á sviði verða stjörnubassaleikarinn Henrik Linder (Dirty Loops) í ljóðrænu hlutverki og hinn vinsæli trommuleikari Magnús Trygvason Elíassen (ADHD, Moses Hightower).

Tilefnið er útgáfa fimmtu breiðskífu Mikaels undir eigin nafni, Half Sun. Tónlistin byggist upp líkt og ljós sem brotnar í kristal — hægar og nákvæmar breytingar sem móta hljóðheiminn á áhrifaríkan en hljóðlátan hátt. Lögin spanna breitt svið, frá innhverfum og viðkvæmum köflum til kraftmeiri og rokkaðra augnablika, og þróast í lifandi frásagnarstíl með áhrifum frá tilfinninganæmri nákvæmni Brad Mehldau og kvikmyndalegri ró Sigur Rós.

Tónlist Mikaels sækir innblástur í djass, rokk og kvikmyndatónlist. Á tónleikunum mun hljómsveitin einnig flytja frumlegar ábreiður af þekktum lögum úr poppsögunni, meðal annars eftir Sykurmolana og The Kinks.

Hljómsveit Mikaels, sem hlaut Íslensku tónlistarverðlaunin fyrir jazzplötu ársins 2024 (Innermost), tók Half Sun upp á aðeins þremur dögum í Sundlauginni. Þar heldur Mikael áfram að þróa þann hljóðheim og spilastíl sem hann hefur mótað frá útgáfu fyrstu plötunnar, Bobby, árið 2019. Úr verður marglaga og ævintýralegur djassheimur með áhrifum úr rokki og impressjónisma — tónlist sem er bæði kvikmyndaleg, ljóðræn og lyrísk, en um leið full af leikgleði og kraftmiklu samspili.

Flytjendur:
Mikael Máni Ásmundsson – rafgítar
Henrik Linder – bassagítar
Magnús Trygvason Elíassen – trommur

Miðasala á LYST.is

01/06/2026

Daði Freyr á Sumar & bjórhátíð LYST 2026

Sumar & bjórhátíð LYST endar með stórum útitónleikum í Lystigarðinum þar sem Daði Freyr stígur á svið ásamt Sturla Atlas.

Þetta verður eitt af þessum kvöldum sem við viljum hafa í garðinum: sumar, bjórhátíð, tónlist, fólk saman og góð stemning undir berum himni.

Tónleikarnir fara fram laugardaginn 18. júlí kl. 21:00 við LYST í Lystigarðinum á Akureyri.

Armband á Sumar & bjórhátíð LYST gildir sem miði á tónleikana.
Forsala er hafin – forsöluverð 5.900 kr.

Komdu snemma, njóttu hátíðarinnar yfir daginn og vertu með okkur þegar kvöldið tekur við.

ATH. góð umgengni um Lystigarðinn er skilyrði fyrir svona viðburðum. Eyðilegging á plöntum ógildir miða án endurgreiðslu.

Styrktaraðilar eru:

Prentmet Oddi, Húsavík öl, Leyni, Saga travel, Akureyrarbær, Viking Brugghús, Teya, Hs kerfi, Penninn Eymundsson, Sæluhúsin, Hnýfill

Aldurstakmark er 18 ár,

Börn undir 18 í fylgd foreldra eða forráðamanna.

19/05/2026

🔥🔥🔥

Nýi kvöldverðarstaðurinn Dinner á LYST fór af stað með krafti um helgina þegar fullt var öll kvöld á veitingastaðnum í Lystigarðinum á Akureyri. Þar hefur teymið á bak við LYST bætt við nýrri kvöldáherslu með fágaðri matseðli, vínpörun og afslappaðri stemningu sem virðist hafa hitt beint í mark hjá Akureyringum.

14/05/2026

Brot af matseðlinum á Dinner á LYST 🍷

Hlökkum til að sjá ykkur

Dinner á LYST er opið fimmtudaga - Laugardaga

13/05/2026

Dinner á LYST er fyrir fólk sem vill borða vel, drekka gott vín og hafa það notalegt, án þess að kvöldið verði of formlegt.
Þrír réttir ef þú ert svangur.
Flaska ef þú ætlar að sitja lengur.
Eitt glas og lítill réttur ef þú ert bara að kíkja við.
Árstíðarbundið, afslappað, skemmtilegt og sanngjarnt.
Matseðillinn er síbreytilegur eftir árstíð, hráefni og stemningu í eldhúsinu.

Af fyrsta matseðlinum má nefna til dæmis:
Forréttur — Nauta tataki, frækex, pikklaður chilli, vorlaukur og hvítlauksmæjó
Aðalréttur — Smálúða, sellerírót, grillað kál, grillkálskrem og fiskirjómi
Eftirréttur — Tiramisu

Dinner á LYST | einfalt, gott og aðeins öðruvísi.

13/05/2026

Ertu búin að bóka borð?

Við erum mega spennt að opna Dinner á LYST!

LYST.is

17/02/2026

Komdu með í vetrarhlaup þar sem stemmingin er í fyrirrúmi – þetta er fyrir alla, hvort sem þú ert að taka fyrstu skrefin eða vanur hlaupari! Við hittumst síðasta miðvikudag í mánuði kl. 17:30 við LYST í Lystigarðinum og tökum saman hlaup um Akureyri

Eftir hlaupið bíður þín heitt súkkulaði, fiskisúpa & brauð í boði ORKUSÖLUNNAR

📅 Næstu dagsetningar
25. febrúar | 25. mars
💰 Þátttökugjald: 1.000 kr.
📍 Við LYST í Lystigarðinum

Styrktaraðilar: Orkusalan ⚡ | BE-KIND | Powerade 💧

04/02/2026

ALLSBER – Pub-quiz á LYST 🍷🧠
Komdu á Allsber pub-quiz kvöld á LYST í Lystigarðinum þar sem spurningar eru um allt milli himins og jarðar
Allsber quizið er fyrir vini, pör, vinnufélaga og alla sem elska góðar spurningar, góða stemningu og gott vín.

🗓 Laugardaginn 21. febrúar
🕗 Klukkan 20:00
📍 LYST, Lystigarðinum – Akureyri

🎟 Engir hefðbundnir miðar
Miðakerfið er kannski aðeins skrítið – en lausnin er einföld og miklu betri:
í stað miða kaupir þú bara flösku af víni fyrir þitt lið og höfum gaman

📌 Mælt er með að bóka borð – takmarkað pláss

Hvað er þetta allsber?
Allsber.is er heimili náttúruvína á Íslandi — vefverslun þar sem hægt er að kaupa handgerð gæðavín, og þau bjóða líka upp á vínsmakkanir fyrir fyrirtæki og hópa.

Allir verða klæddir í föt þetta kvöld…..