16/09/2026
गणपती बाप्पा मोरया!
साईशा किचनचा हा सहावा गणेशोत्सव. मन अभिमानाने, आनंदाने आणि कृतज्ञतेने भरून आलेलं आहे!❤️
गणपती बाप्पाच्या प्रसादाच्या ऑर्डर्स घेण्याच्या या सहा वर्षांच्या प्रवासाकडे आज मागे वळून पाहताना जाणवतं की, ज्यांनी पहिल्या वर्षी आमच्यावर विश्वास ठेवून ऑर्डर दिली, ते आज, अगदी गेली सहा वर्षं तितक्याच प्रेमाने आणि विश्वासाने आमच्याकडून बाप्पाचा प्रसाद मागवत आहेत. पण त्याहूनही सुंदर गोष्ट म्हणजे, त्यांच्या समाधानातून, त्यांच्या कौतुकातून आणि त्यांनी दिलेल्या प्रेमाच्या पोचपावतीतून ‘साईशा किचन’च्या परिवारात दरवर्षी नवी माणसं जोडली जात आहेत. ❤️
यंदा 14 आणि 15 सप्टेंबर रोजी, गणेशोत्सवाच्या पहिल्या दोन दिवसांत, आम्हाला सात्त्विक, शास्त्रशुद्ध पद्धतीने, सोवळ्यात बनवलेल्या बाप्पाच्या प्रसादाच्या 450 हून अधिक थाळ्या अगदी वेळेत पोहोचवता आल्या, याचा आनंद शब्दांत व्यक्त करणं खरंच कठीण आहे. हा केवळ आमच्यासाठी व्यवसाय नाही. ही बाप्पाची सेवा आहे आणि प्रत्येक ताटामागे असलेला आमचा प्रामाणिकपणा, प्रेम आणि आपुलकी आहे.
या सहा वर्षांत एक गोष्ट मात्र मनापासून अनुभवली. गुणवत्तेशी कुठलीही तडजोड केली नाही, तर आपले ग्राहकच आपला देव बनून आपल्या पाठीशी भक्कमपणे उभे राहतात.
त्यांचा विश्वास, त्यांचं प्रेम, त्यांचं कौतुक आणि दरवर्षी पुन्हा आमच्याकडे येणं, हीच आमच्या मेहनतीची खरी कमाई आहे. ❤️🙏🏻
आज ‘साईशा किचन’च्या या परिवारात जेवढी माणसं प्रेमाने जोडली गेली आहेत, त्या प्रत्येक व्यक्तीचे आम्ही मनःपूर्वक आभारी आहोत. तुम्ही आमच्यावर ठेवलेला विश्वास आम्हाला अजून चांगलं काम करण्याची प्रेरणा देतो.
बाप्पाच्या चरणी एकच प्रार्थना: "जसा आजवर त्याचा कृपाप्रसाद आणि आपल्या सगळ्यांचं प्रेम आम्हाला मिळत आलं, तसंच हे प्रेम, विश्वास आणि आशीर्वाद कायम आमच्यावर राहू दे." 🙏🏻❤️
प्रत्येक ताटात सात्त्विकता, प्रत्येक घासात समाधान आणि प्रत्येक ग्राहकाच्या मनात ‘साईशा किचन’ची आपुलकी कायम राहू दे…
गणपती बाप्पा मोरया!
पुढच्या वर्षी लवकर या! 🌺🙏🏻❤️
टीम Saisha Kitchen
