21/07/2026
【尖沙咀店 結業通知】
Lab Eat 尖沙咀店由 2014 年 12 月開業，至今已差不多 12 年。
當年只係憑住一份想試下嘅心開始，一路學、一路做、一路成長。由最初嘅摸索，到慢慢面對經營上嘅各種挑戰。呢段路有高有低，有開心亦有失落，但每一步都成為成長嘅養分。
呢幾年確實唔容易。我哋一直努力調整、改變、堅持，只希望可以守住呢個地方。可惜，有時候努力都未必可以改變大環境。
尖沙咀店將營業至 7 月 31 日（星期五），之後正式結束營業。
租約原本於去年底到期，感恩遇到一位非常體諒我哋嘅業主，願意俾我哋短租繼續經營，甚至作出減租安排。呢份理解與支持，我哋一直銘記在心。
為回饋多年來支持 Lab Eat 嘅顧客，我哋決定於 7 月 31 日（星期五）晚市全單五折，希望可以用一個溫暖而圓滿嘅方式，與大家好好道別，答謝你哋多年嘅陪伴。
最想多謝嘅，始終係一直支持 Lab Eat 嘅你哋。
你哋嘅每一次光顧、每一句鼓勵，成就咗呢 12 年。
雖然尖沙咀店要畫上句號，但 Lab Eat 未完。
旺角店仍然營業，期待喺旺角再見。
衷心感謝。
Lab Eat 敬上 ❤️
