Eat with JanJan

Eat with JanJan 00's HK Foodies | Openrice lv3 | Google lv7

14/08/2026

全港最濃沙嗲邊爐⁉️旺角超有氣氛火鍋放題🫨

好耐冇試過打個邊爐都咁有feel😂😂一定一定要帶埋你啲酒友一齊過嚟打，因為呢度嘅雞煲火鍋放題唔單止任食，仲可以任飲酒水同cocktail🤭食食吓仲會敲鐘請全場飲shot🤭🔔絕對係劈酒好地方hahaha

一開始會有足料入味嘅雞煲🐔hidden gem係入面收埋好多豬雜😆打邊爐一定要叫招牌豬骨沙嗲湯鍋! 因為個湯底係超級濃稠，完全起晒沙嗰種😳淥所有食材都好掛汁入味!!! 尤其係加個公仔麵落去真係冇得頂😭正過出面食嘅沙嗲牛麵太多了🫨另一款叫咗特濃豬骨皮蛋芫茜湯，一樣用大大嚿豬骨熬煮，芫荽味濃得嚟飲落去清清地好舒服✨最後甜品仲會有自家製嘅花奶芋圓仙草🙂‍↕️都幾有誠意!!

最正係星期五成個氣氛都好熱鬧好開心，經理同店員都係超級yo嗰種🤭成班friend嚟啱晒!

📍地址：火水爐冰室火鍋 (旺角)
旺角煙廠街33號朗廷軒1樓

💜想睇埋同地區嘅美食👉🏻

💗想睇更多不專業食評👉🏻 Follow 𝓔𝓪𝓽 𝔀𝓲𝓽𝓱 𝓙𝓪𝓷𝓲𝓬𝓮🥯🥞 🫶🏻

==============================
#旺角美食 #香港美食

13/08/2026

超大型追星應援cafe✨流心Tiramisu西多🤎

KPOP粉絲一定一定要bookmark呢間cafe‼️一出lift就已經呆咗🫪成間cafe勁多明星應援物🫨😆仲有收藏櫃放滿唔同韓團嘅手燈✨KPOP迷表示好興奮🤣🤣而且餐廳樓底好高，空間感Max! 食物方面就正正常常啦，但勝在全日唔收加一，而且環境好大坐得好舒服🙂‍↕️

特別推介四重芝士pizza伴蜜糖🍯薄脆餅底配超拉絲嘅芝士，淋埋蜜糖鹹鹹甜甜係冇得輸🤭另外煙三文魚egg benedict下面係焗得香脆嘅牛角包窩夫🧇都幾大份，建議share🤣BBQ Pork-Ribs都係一切即散，肉質好軟腍!🥹甜品一定要試下佢哋嘅招牌Tiramisu 吐司🤎上面一層超厚嘅mascarpone忌廉，咖啡滲透吐司夠哂濕潤!

📍地址：雙魚座咖啡館 (旺角)
旺角煙廠街31號千望1樓

💜想睇埋同地區嘅美食👉🏻

💗想睇更多不專業食評👉🏻 Follow 𝓔𝓪𝓽 𝔀𝓲𝓽𝓱 𝓙𝓪𝓷𝓲𝓬𝓮🥯🥞 🫶🏻

==============================
#旺角美食 #香港美食

12/08/2026

海膽和牛鱈魚乾脆脆✨三訪最愛日式居酒屋🏮

已經係第三次幫襯呢間居酒屋🤭開業至今，就算平日都係座無虛席😳呢次去發現佢哋出咗新Menu! 之前一直都好鍾意食佢哋嘅千層脆脆，呢次佢哋直程用鱈魚乾嚟做夾餅，中間夾住吞拿魚蓉，上面再放上炙燒日本鹿兒島頂級和牛、海膽、赤蝦/魷魚，完全係大癲組合🥺❤️每樣食材都非常鮮甜高質，每一啖都係勁滿足✨純粹係會食得有啲論盡🤫

呢度一直都係以滿到瀉嘅丼飯而聞名🙂‍↕️點知呢次仲昇華成石鍋飯🔥呢款焱丼上面有滿滿嘅炙燒右口魚邊同鱈場蟹腳肉，魚油滲透飯粒，配搭生蛋黃同三文魚籽，係唔會唔好食的🌝😆重點係食到尾仲有一大餅飯焦，好jap!

只可以話呢度無論刺身、炸物定係串燒都一樣高質足料🙂‍↕️每次嚟都唔會失望! happy!

📍地址：金酒屋 (荔枝角)
荔枝角長沙灣道909號地舖

💜想睇埋同地區嘅美食👉🏻

💗想睇更多不專業食評👉🏻 Follow 𝓔𝓪𝓽 𝔀𝓲𝓽𝓱 𝓙𝓪𝓷𝓲𝓬𝓮🥯🥞 🫶🏻

==============================
#荔枝角美食 #居酒屋

09/08/2026

平民版威靈頓牛柳🍽️元朗溫馨法國小屋🛖

(🔔記得whatsapp book定位先好嚟啊!!!!)
又嚟到元朗搵食篇😋! (其實仲有好多元朗野食片喺我電話，不過唔知剪到何年何月先剪完😭)Anyway前排上網睇元朗有咩好食嘅時候，見到呢間法國小屋嘅店主好積極喺唔同嘅post留言，希望大家去試吓佢間野🤣好啦🫢你成功引起我嘅注意!!! 不過唔係講笑佢間嘢嘅位置都幾隱蔽，喺啲轉彎位角落頭😳平時經過都真係唔知有呢間餐廳😳

聽店主講原來佢哋已經開咗12年，主打食平民西餐，而且佢哋仲有蘋果批、洋蔥批等法國菜式，食譜都係來自於佢哋曾經開過餐廳嘅法國人姨丈👨🏻聽聞佢星期六日都會返嚟幫手㗎🤫要食到法國佬嘅手勢真係睇吓好唔好彩🤣🤣

講明平民西餐，佢哋Menu真係算佛心價😳Lunch都係做緊$6X起有意粉，晚市我哋食嘅二人套餐$498已經有齊龍蝦湯、風乾火腿沙律、意粉、仲有威靈頓牛柳、靚靚窩夫同飲品，最癲係全日都係免加一🥺不禁慨嘆元朗嘅物價🫨

個人係幾鍾意佢哋嘅明太子蟹肉意粉🍝雖然唔係啲咩fancy手工意粉，但勝在明太子忌廉係勁濃厚creamy，食到明太子嘅鹹鮮，而且啖啖醬真係幾正😚見到差唔多每枱都嗌! 威靈頓牛柳本身就唔係間間西餐廳都有機會會食到，一切開中間嘅牛柳仲係保持到汁水，仲要都真係幾Juicy💦肉質柔軟，完全唔會覺得韌，隔離仲要配埋法式千層薯，雖然食落有啲鬆散，呢個價錢真係冇嘢講😭🙏🏻

甜品係有即叫即製嘅窩夫🧇加$20就有粒粒士多啤梨🍓都做到外脆內鬆軟！真係媲美出面成舊水一份嗰啲㗎🫢

不過冇辦法嘅就係，佢哋餐廳真係好細，座位唔多，所以最好提早WhatsApp佢哋訂位🥺費事你哋嚟到要排好耐或者食唔到啦😭

(題外話，其實店主嘅興趣係整蛋糕，所以佢哋成個IG page都係啲靚靚蛋糕，真心有啲料㗎LOL有機會可以幫襯吓!)

📍地址：法國小屋 (元朗)
元朗合益路9-15號紀業樓地下I號舖

💜�

06/08/2026

人均$99二人晚餐🍽️食齊左口魚意大利飯/威靈頓牛柳⁉️

難怪咁多人會鍾意入嚟通菜街搵嘢食🤫雖然劣食很多，但寶藏也有很多✨🤪而呢次俾我發現嘅西餐小店講緊係晚市$198就食到三道菜嘅二人套餐🤯講緊係有齊酥皮忌廉湯+威靈頓牛柳+左口魚飯😳唔係講笑，望到個餐牌真心嚇咗一嚇😨人均$100有找…會唔會太平！

先嚟嘅酥皮忌廉湯真係即叫即焗，熱辣辣勁酥脆🙂‍↔️係有啲誠意㗎! 碳水就可以揀玫瑰醬軟殼蟹長通粉/醬燒左口魚裙邊蟹膏意大利飯🤪前者係真係做到韓式甜甜辣辣勁掛汁嘅感覺，不過後者係更加癲😭🙌🏻左口魚裙邊份量足料，而且夠厚身肥美，配埋韓式蟹膏醬，每啖都係好creamy而且爆鮮🤤不過都幾漏㗎必須share!🤫

主食就可以揀脆皮烤雞/+$20嘅威靈頓牛柳🙂‍↔️但只可以話加$20都係好平，所以值得加！！佢地嘅威靈頓牛柳雖然細細份，但酥皮真係金黃色同keep到酥脆，中間牛柳唔靭仲要有汁水，呢個價錢真係冇嘢講😂可以話平過茶記LOL

btw牙膏愛好者一定要試吓佢哋嘅薄荷朱古力沙冰💚無論薄荷味定係朱古力味都係超級濃！有啲料！

📍地址：Luna Kaffe (旺角)
旺角通菜街25號地舖

💜想睇埋同地區嘅美食👉🏻

💗想睇更多不專業食評👉🏻 Follow 𝓔𝓪𝓽 𝔀𝓲𝓽𝓱 𝓙𝓪𝓷𝓲𝓬𝓮🥯🥞 🫶🏻

==============================
#旺角美食 #香港美食 #左口魚 #威靈頓牛柳

04/08/2026

$48極濃厚雞白湯烏冬⁉️🐔

見返呢個日本昭和風裝修，會唔會令你諗起邊間小店？🤫🤫原來佢哋已經偷偷轉型為手工雞白湯烏冬專門店🐔雞白湯係混合咗西式同日式嘅煲法，老細話係用咗大量雞骨同雞腳煲煮6小時以上😳口感係濃厚到好似忌廉汁咁，而且味道清甜完全唔油膩! 就連烏冬都係自家製，誠意滿分🙂‍↔️

主食要推佢哋嘅招牌海南雞🐔選用本地三黃雞，用雞湯慢慢浸熟雞肉，所以雞肉係超嫩!✨特別欣賞餐廳所有醬汁都係自家製，尤其係青蔥醬係參考阿根庭青醬嘅做法，酸酸甜甜好開胃!

有機會嘅話可以試吓佢哋嘅日本雞串燒，只可以話好好食！！！

依家新開業優惠，原價$68嘅雞白湯烏冬只係做緊$48😆😍快啲去試啦～

📍地址：烏冬哈食堂 (利奧坊) (大角咀)
大角咀利得街11號利奧坊·曉岸地下G504號舖

💜想睇埋同地區嘅美食👉🏻

💗想睇更多不專業食評👉🏻 Follow 𝓔𝓪𝓽 𝔀𝓲𝓽𝓱 𝓙𝓪𝓷𝓲𝓬𝓮🥯🥞 🫶🏻

===============================
#大角咀美食 #香港美食 #雞白湯 #烏冬

Address

176 Nathan Road
Tsim Sha Tsui
HK

Website

Alerts

Be the first to know and let us send you an email when Eat with JanJan posts news and promotions. Your email address will not be used for any other purpose, and you can unsubscribe at any time.

Shortcuts

Share

Category