01/08/2026
⚠️ 【特別通告：關於老闆疑發神經及亂派福利之嚴正聲明】 ⚠️
致 各位街坊 ：
本餐廳員工高度懷疑，老闆最近唔知係咪天氣太熱搞到短路，定係畀外星人挾持咗，居然單方面作出咗個震驚嘅決定。為免大家覺得我哋呃人，特此發出以下特別通告：
原定只限 星期一至五 嘅午餐優惠，喺完全無人阻得住老闆嘅情況下，畀佢「發癲」咁升級到 星期一至日，日日都有！
成班伙記已經盡力勸阻，但老闆執意要「益街坊」。既然係咁，我哋唯有放手由佢！
🔥 【老闆跳樓價優惠詳情】
適用日子： 星期一至日（你冇眼花！星期六、日都有！以後日日都係好日子！）
時段： 上午 11:30 至 下午 5:00
內容： 所有午餐 買一送一！（即係兩個人嚟，一個人畀錢，抵到爛！）
🚨 【溫馨提示】
既然老闆咁大方，歡迎各位帶埋你啲死黨、屋企人、三姑六婆嚟食窮佢。
買一送一期間，如發現老闆喺舖頭行行企企、神情呆滯或者偷偷抹眼淚，請勿理會，千祈唔好勸佢收手，繼續落單就啱喇！
此項優惠純屬老闆個人「暴走」行為，隨時因為佢突然清醒而提早完結。
特此通告，敬請大家踴躍支持。
SEOULMATE 全體伙記 謹啟
2026年8月1日
