13/06/2026
(呢張圖係我哋當年幾乎full team成班女去rosewood現場setup嘅旋轉木馬結婚蛋糕(the good old days!)，上鏡嘅係我，但每件作品每一個moment都係成team人嘅心血，）
好多謝大家嘅支持！自從公布香港店即將結業，收到大家滿滿嘅愛同不捨，我內心其實都好觸動、好唔捨得。
首先想再次多謝我嘅一班好同事，如果無佢哋一直緊守 Phoenix Sweets Standard，呢幾年我哋絕對無辦法交出咁多個承載着美好回憶嘅蛋糕甜點。
呢幾日大家嘅留言同 PM 我都有睇晒。做外觀同味道兼備嘅藝術蛋糕其實好主觀，老實講，我時常都會自我質疑：「究竟自己做得夠唔夠好？交出去嘅蛋糕有冇符合到客人嘅期望？」但見到大家分享由拍拖、結婚、到生小朋友後年年都搵我哋訂生日蛋糕，話小朋友最鍾意食我哋嘅靚靚蛋糕……睇到呢度真係令人眼濕濕。能夠成為大家生命中重要日子嘅一份子，對我哋嚟講，就係香港店最珍貴、最完美嘅回憶。
其實我本身係一個好內向嘅「I人」，連喺 Social Media 上鏡、拍片都仲努力學習緊，但對於大家嘅愛，我真係好想好認真、好大聲咁同每位同事同客人講聲「感謝」！
📢 香港工作室尋求有緣人頂手
陪伴我哋奮鬥咁多年嘅香港工作室，嚟緊我哋會出 Post 尋求頂手。呢度係一個孕育咗無數心血同美感嘅好單位，設備齊全，真心希望可以幫佢帶領到下一個會好好愛錫、善用佢嘅新主人。
如果有興趣嘅朋友，歡迎隨時 PM 我哋了解更多詳情！
Phoenix
Phoenix Doesntmatter
Phoenix Sweets Cakery
