08/03/2025
一直以來，對Masataka Fujisawa（Masa San）師傅的大名如雷貫耳，知道他離開大型飲食集團後，先後開設了只招待熟客的香港銅鑼灣皇冠假日酒店的旗艦店MASA CP，和最近全新的MASA satori charcoal dining，風格走大眾化較為casual。同樣位於銅鑼灣皇冠假日酒店內，環境舒適，價錢也相對親民，晚市tasting menu不到$1000。
前菜的慢煮牛脷、雞胸和醃製三文魚，每款都配以不同醬汁，突顯食材本身的鮮味。
刺身有火炙拖羅、吞拿魚蓉、石斑魚和鱒魚，Masa san出品，刺身完全驚艷。
緊接著的真丈湯，清甜的湯底配上自家製帶子丸，溫潤順滑。
燒物方面，自家製雞肉丸子彈牙多汁，炭香撲鼻；我另外選了鴨肉，外皮香脆，肉質鮮嫩，同樣令人回味。
接著有燒雞皮芽菜沙律，雞皮外脆內軟，襯埋沙律清一清口腔。
煮物嘅角煮，豬腩肉軟嫩，入口即溶，連埋薯蓉同醬汁，非常夾又好食，有被呢一道菜驚喜到！
同埋最後的釜飯，米飯粒粒分明，香氣四溢，師傅嘅功力盡顯喺呢道料理。仲有其他選擇，例如海鮮/豚肉，已經好想再食多次了。
#席前料理 #炭烤 #銅鑼灣 #銅鑼灣美食 #銅鑼灣必食
