28/04/2026
🫳🥘🫴 როგორ მოვუაროთ სწორად ტაფებს და ქვაბებს იმისთვის, რომ გაგვიძლოს დიდხანს და არ დააზიანოს ჩვენი ჯანმრთელობა?
პირველ რიგში, პოსტის ფოტოში, როგორც გამოიყურება ტაფა, სასწრაფოდ მოაშთეთ თქვენი სამზარეულოდან! ❌️☝️
🔅ახლა კი წესი 1 : არასდროს მოათავსოთ გაზქურაზე სველი ტაფა ან ქვაბი. ☝️გახურებამდე, წინასწარ გააშრეთ მშრალი ტილოთი და შემდეგ მოათავსეთ ცეცხლზე თუ ინდუქციურზე 🔥
🔅წესი 2 : ქვაბის/ტაფის გამოყენების შემდეგ, ჯერ კიდევ ცხელ ჭურჭელს არ დაასხათ ცივი/ცხელი წყალი. დაელოდეთ სრულ გაციებამდე და შემდეგ გარეცხეთ ☝️
🔅წესი 3 : ყოველთვის ვიყენებთ სილიკონის ან ხის მოსარევს, განსაკუთრებით, თუ ჭურჭელი გახლავთ ტეფლონის საფარის ☝️
🔅წესი 4: გარეცხვის შემდეგ, კარგად გააშრეთ და ისე შეინახეთ - ტენიანობა აზიანებს საფარს და ტოვებს ლაქებს☝️
🔅წესი 5 : ტეფლონის საფარიანი ჭურჭელი, არასდროს გარეცხოთ მეტალის სახეხით. გარეცხეთ თბილ, საპნიან წყალში, რბილი ღრუბლით. თუ კერძი მიიწვა, გაგრილების შემდეგ დაასხით ცხელი წყალი + სარეცხი საშუალება და დააცადეთ რამდენიმე წუთი, ამის შემდეგ გარეცხეთ. იგივე კერამიკის ზედაპირიან ჭურჭელზე ☝️
🔅წესი 6 : თუჯის ჭურჭლის შემთხვევაში, საპონს ვიყენებს მაქსიმალურად იშვიათად. უმჯობესია ცხელი წყალი + მარილი . სასურველია გაირეცხოს მავთულიანი სახეხით ან ჯაგრისით. გარეცხვის შემდეგ, კარგად გააშრეთ (უმჯობესია ისევ გაზქურაზე და შემდეგ წაუსვათ თხელ ფენად ზეთი. არასდროს დატოვოთ სველი☝️
🔅წესი 7 : უჟანგავი ფოლადის ჭურჭლის შემთხვევაშიც, რეცხვისას ვიყენებთ მხოლოდ და მხოლოდ რბილ ღრუბელს, ან სოდა + ძმარი. არავითარ შემთხვევაში მავთულიანი ჯაგრისი. სხვა შემთხვევაში დავკაწრავთ მეტალს. ☝️
იმისთვის, რომ მზადებისას კერძი არ მიიკრას, წინასწარ გავახუროთ ჭურჭელი საშუალო ცეცხლზე, და შემდეგ გამოვიყენოთ ცხიმი. ☝️
🔅წესი 8: არასდროს გარეცხოთ ჭურჭელი, ჭურჭლის სარეცხ მანქანაში, თუ მწარმოებელს ეს მითითებული არ აქვს ☝️
🔅წესი 9: ტაფაში დიდხანს არ დატოვით საჭმელი ☝️
🔝ყველაზე მეტად, ჭურჭელს აფუჭებს:
❌️მაღალი ცეცხლი
❌️უხეში ჯაგრისი.
❌️სწრაფი გაგრილება წყალში
❌️ჭურჭლის მანქანაში ხშირი რეცხვა
🍳 როდესაც ქვაბი/ტაფა ახალი შეძენილი გაქვთ, მის გამოყენებას იწყებთ შემდეგნაირად:
🔸️ ტეფლონის ზედაპირიანი ჭურჭელი:
გარეცხეთ თბილი წყლით და მსუბუქად მოუსვით რბილი ღრუბელი.
გააშრეთ სრულად და
ძალიან თხლად წაუსვით ზეთი (ქაღალდის ხელსახოცით)
ამის შემდეგ გააცხელეთ 1-2 წუთით დაბალ ცეცხლზე
🔸️უჟანგავი ფოლადის ზედაპირიანები:
გარეცხეთ კარგად, ან ზედვე დაასხით წყალი და შემდეგ აადუღეთ.
🔸️ თუჯის
გარეცხეთ და კარგად გააშრეთ. ამის შემდეგ, მთელს ზედაპირზე თხლად წაუსვით ზეთი. შემდეგ, კარგად გააცხელეთ გაზზე, ან ღუმელში, იქამდე, სანამ ოდნავ კვამლს არ გაუშვებს.
ზოგადად, პირველი გამოყენებისას ეცადეთ, დიდხანს არ გააცხელოთ ცარიელი ჭურჭელი ☝️
იმედი მაქვს, გამოგადგებათ ჩემი რჩევები 😇💫🩷
#სამზარეულოსწესები #რჩევები #სასარგებლორჩევები
