18/11/2026
🌊 O luns 16 de novembro visitamos o Espazo Colaborativo de Traballo “Transformando en Brión”, en Monte Balado, unha ferramenta para facilitar que as persoas emprendan coa transformación de produtos alimentarios. Presentáronnolo Carme Freire e Dora Vieiro, do proxecto colaborativo Daquí Darredor, que emprega estas instalacións para desenvolver a súa iniciativa.
💡 A visita enmárcase no proxecto Feito co Mar, dos Grupos de Acción Local do sector Pesqueiro, creado para impulsar o emprendemento a través da transformación de produtos do mar, e que está a poñer en marcha os seus Viveiros Formativos de Emprendemento. Estes viveiros contarán en 2027 con dous programas, un de iniciación e outro de profesionalización, ambos os dous gratuítos e abertos ao público.
⚓️ Na actividade participou a xerente do Galp Costa Sostible, Manuela Oviedo, xunto con representantes dos concellos de Boiro, Brión, Bueu, Cariño, Cedeira, Cervo, Paderne, A Laracha, Malpica, Poio, Porto do Son, Sada e Vimianzo, sí como representantes das Confrarías de Aguiño, Cariño, Corcubión, Ribadeo e Sada, e traballadores do sector pesqueiro (redeiras, mariscadoras, pescadores, persoal de peixerías…)