04/08/2026
ÚLTIMAS (e importantes) NOTICIAS
O Náutico de Castrelo EMBARGA todos os bens e dereitos patrimoniais do Concello de Castrelo de Miño.
Que forte, verdade? Repetimos.
O Náutico de Castrelo EMBARGA todos os bens e dereitos patrimoniais do Concello de Castrelo de Miño.
É curioso porque desde hai anos o SelfieMan aproveita todos os plenos para dicir que esta casa (nós) rouba aos veciños de Castrelo de Miño porque non pagamos o canon anual. Evidentemente, o SelfieMan, a persoa que xestiona temporalmente a Casa das Bandeiras, obvia un par de detalliños sen importancia.
1.-O Náutico de Castrelo recláma ao concello diversas cantidades desde hai 6 anos por reparacións debidas ao mal estado das baixantes do edificio (que o concello negaba fosen responbabilidade súa, ata que non lle quedou máis remedio).
2.-O sobrecuste polos sucesivos cortes de auga (un de varios meses en pleno verán) durante os cales o concello proporcionábanos a mesma cantidade de auga semanal, en garrafas, que a calquera veciño. Evidentemente tivemos que mercar auga adicional para traballar.
3.-Por reiterados incumprimentos do contrato por parte do concello.
4.-A propia sentencia froito deste embargo menciona que cando o concello di que debemos os cánones anuais o tema non está moi claro, polas nosas propias reclamacións. Pero como se xulgaban outra cousas a xuíza non entrou no fondo da cuestión.
5.-A porta que rebentou o concello varias veces porque pretendía que abríramos fora do noso horario oficial e contractual, para acceder a unha sala superior do mesmo edificio. Pareceulles mellor rebentar a porta que falar connosco para solucionar o tema con tempo.
Si, foron 5 detalliños, non 2. Pero non queriamos asustar. Aínda hai máis, xa vos contaremos, xa. Vai ser un ano moi longo ata maio de 2027, se desde a Casa das Bandeiras non queren que falemos (pero en serio, non como ata o de agora).
Ah, outro detalliño. O importe do embargo e de case 2000 lereles, máis uns cantos centos de intereses de demora (está na imaxe adxunta); debéuselles pasar no seu momento. E, a isto, sumádelle a factura do seu equipo de advogados, que ha de ser de 4 ou 5 cifras.
Polo tanto, SelfieMan pode dicir o que queira. O falar non ten cancelas, hai dereito á liberdade de expresión (aínda que el non concorde) e mentir, aínda que é pecado, polo momento non é delito. Mellor dito, non sempre é delito.
A única VERDADE nestes momentos en sé xudicial é que o Concello de Castrelo de Miño ten embargados bens e dereitos patrimoniais ata saldar a súa débeda connosco.
Ah!! Feliz Festa da Anguía que celebran hoxe (e mañá) os nosos veciños de Barral, en homenaxe á Virxe das Neves.
Concello de Castrelo de Miño Avelino Pazos Festas da Anguía Barral Castrelo de Miño
😘
