Talako kantina

13/09/2023

Uda amaitzen doa eta laster gu ere deskantsu hartzera goaz... Zapatu honetan Kantina zarratu eta ekipo osoa parrandan goaz!

Ezagutzen dituzu uda honetan Kantinan lanean aritu garenak eta gutako bakoitzaren gustuak? Hemen aurkezpentxo bat: http://talakokantina.eus/must/

Plazer bat izan da: egunero-egunero etorri zareten herritarrak, euskaraz ahalegindu zareten bisitariak, zerbeza berezienak probatzera animatu zaretenak, kopak barraraino bueltan ekarri eta irribarretxu bategaz bentanatik agur esaten diguzuenak... 🫶 🧡

Egunero-egunero ireki dugu Kantina uda osoan zehar eta bihar eta etzi ere oraindino zabalik egongo da. Baina zapatuan... agur Juan! Txosnetan ikusiko dugu elkar... ✊😉

Jaiak ondo amaitu eta bueltara arte!
( Noiz? Sollubeko tunela amaitu baino lehen😜)

*Oharra: berez, lorazaintzan eta ardogintzan ibiliko gara gutako batzuk, asiske Kantina ingurutik ikusiko gaituzue, zarratuta egonda ere.

01/08/2023

Gaur, Talako Kantinak, ofizialki (alokairua ordaintzen hasi ginenetik) zortzi urte.

Bideo honek, zazpi.
https://vimeo.com/180490100

Gaur, melokotoiak batuko ditugu, eta iazko melokotoiekin egindako zerbeza berezia pintxatu gure seigarren iturrian.

Oilo Pop formatu txikiko jaialditxo bat izan da, 2016ko abuztuaren 6an egin genuen lehen edizioa. Formatu txikiko musika taldeekin eta formatu txikiko kantina batekin.…

13/06/2023

TXAKOLIÑA IGOGAILUAN
http://talakokantina.eus/agiriak/txakolina-igogailuan/

Post berria gure webgunean! Nahia Galvanek idatzitako artikulua eta Ekaitz Goienetxea Cerecedak gehitutako apunte frikiak.

Bizkaiko txakolin bereziak dastatzera joan ziren gure bi lagunak Bilbora, Iberdrola dorrera, pasa den azaroan. Han probatutakoaren kronika ekarri zuten bueltan, eta eureri gehien gustatu zitzaien txakoliñen Top9 bat.

· Bariku honetan dastaketa berezia Talako kantinan: https://labur.eus/txakolinak
· Bederatzi txakolin eta Bermeoko kontserbak 15€
· Erreserbatu zure lekua! [email protected]


Bizkaiko Txakolina

11/06/2023

🄱🄾🄳🄴🄶🄰 🄳🄰🅂🅃🄰🄺🄴🅃🄰
BIZKAIKO TXAKOLIÑ BEREZIAK

Antolaketa lanetan aste asko daroatzagu, baina ezin topatu modua egun egokiena topatzeko. Azkenean, datorren bariku honetan izango da: 𝐞𝐤𝐚𝐢𝐧𝐚𝐤 𝟏𝟔 - 𝟐𝟎:𝟎𝟎!

Gorde lekua, eman izena emailez: [email protected] / edo ostantzean erdu Kantinara eta egin erreserba.

Bederatzi txakoliñ berezi (laster info gehiago), flipatzeko modukoak. Bermeoko arrain kontserbak lagun. Pertsonako 15€ Planazue!



Bizkaiko Txakolina
Talako kantina

27/05/2023

- Esan, zer guzu?

Euskaraz da gure lehenengo berba Talako kantinan. Euskaraz dira gure kartel guztiak (bat kenduta: 'only cash'). Euskaraz dira interneteko gure publikazio guztiak (guzti-guztiak).

Janirek ariketa bat egin du aste honetan: zein hizkuntzatan egiten digute berba gugaz Kantinara datozenek? Gehiengo zabalak, euskaraz.

Guk ez dugu euskararen alde egiten; guk, euskaraz egiten dugu. Horrela bizi gura dugulako. Eta, gero, baten batek inglesez, frantsesez, italianoz, errumanieraz, katalanez, gaztelaniaz, alemanez, arabez hitz egin gura badigu... Ba ulertuko gara.

Arazo barik.😉

Argazkian, atzo goizeko ariketa:
- Euskaraz berba 54
- Euskaraz ulertu 7
- Gaztelaniaz 12
- Inglesez 1

09/05/2023

"Zeupadiñozun!"

Soup zerbeza baten izena da, IPA estiloko zerbeza bat, Bartzelonako zerbezeria batek elaboratu zuena aspaldi eta, ordutik, gero eta ezagunagoa egin dena.

Aurten, Soup zerbezaren urteurrena ospatzeko, Europa mailako ebento bat antolatu dute, eta gure Kantina hau ere parte da, garito onenen pare (beitu mapan!) https://garagebeer.co/soup-day-23/

Soup IPA horren lau bertsio desberdin elaboratu dituzte Garage fabrikakoek, eta garito horietan guztietan estreinatuko ditugu, bariku honetan, aldabatera.

Guk, gainera, dastaketa-jolas bat proposatuko dugu. Beraz, bariku honetan, hurreratu!




Talako kantina
Garage Beer Co

20/03/2023

– Noiz ixengozuie ba! Lar merke dakozuie káfie...

PREZIO BERRIAK

Leku guztietan dabiltza gora eta gora prezioak. Gure Kantinan ere gehiago kostatzen da, aspalditik, argindarra (doblea pagatu dugu iaz, kontsumoa igo barik), eta probeedoreen prezioak ere karutu egin dira.

Buelta batzuk eman dizkiogu gure kartari, hainbat faktore eduki ditugu kontuan, eta ez dakigu azertatuko dugun edo ez, baina hartu ditugu erabakiak.

Asko laburtuta:
- Kafearen prezioa 0,10€ gora, orohar.
- Kafe berezietan erabaki bereziak.
- Ardo koparen prezioa ere gora 0,10€.
- Radler eta Amstel gora (barrilak 20€ gehiago kostatzen du).
- Craft zerbezen prezioa mantendu egingo dugu.
- Zumoak eta freskagarriak berdin.

Ahal dugun neurrian, geu arduratuko gara argindar kontsumoan efizienteagoak izaten, marjiñak mantentzeko gure zerbezen loteak elaboratzen, eta, batez ere, prezioak gehiago igo behar ez izateko edalontzien neurriak zaintzen.

Hemen dauzkazue prezio zerrenda osoa kontsultatu gura baduzue.
https://docs.google.com/document/d/1NwnCaKPOmk0SWjoXPE8c2Sl1tJJGAKs9kYoaTOL0BkQ/edit?usp=sharing

11/03/2023

– Itsosuen, sastarrak plastikokadaka!

Plastiko barik askoz hobeto: eskatu iturriko ura; patata prijituak, otzaran zerbitzatuta, poltsa barik; gluten free madalenak ere bai, utzi bildukia barran, eta guk birziklatuko dugu.

Plastiko industria bako bizimodurantz, egiten duguna ez da reboluzionarioa izango, baina gure esku dauden detaile txikiak egiten jarraituko dugu Kantinan.

Eta segi dezagun pentsatzen zelan organizatu denon artean planeta hau mejoratzeko; edo gutxienez planetaren gure eskinatxo hau. Paradisuan bizi eta sastarleku bihurtu beharrean.

Azken 40 urtetako datuekin egindako ikerketa erraldoi baten arabera, "alferrikakoa" litzateke zikindutakoa garbitzea, plastikoen produkzioak oraingo erritmoan jarraitzen badu.

08/03/2023

Gaur, arratsaldean, herriko mugimendu feministaren mobilizaziora batuko gara. Kalean ikusiko dugu elkar!

07/03/2023

Pilsner, Helles, Dortmunder, Kellerbier, Pale Lager ...
Lager garagardoen baitan, hainbat subestilo.

Bariku honetan jolas bat egingo dugu, aspalditik egiteko gogoa geneukana: almazenean gordetzen joan garen lager lata eta botila frikienak atera eta, etiketak tapatuta, dastaketa itsu bat.

Guztira, hamaika bier desberdin, bata bestearen alboan, elkarrekin probatzeko eta konparatzeko. Eman izena aurretik, leku gutxi daukagu-eta!!

· Bost euro pertsonako (5€).

07/02/2023

– igiritxe!!

Gaur goizean Kantina zabalik!
10:00etatik 15:00etara.

Oraindino grua etorri behar da –bihar edo etzi, esan digutenez– eta etortzen denean ezin izango dugu terrazarik muntatu edo Kantina irekita eduki, baina, etorri bitartean, ezin dugunez gehiago itxaron, gaur bertan hasiko gara irekitzen.

Zenbat lagunek esan diguzuen kaletik Kantinara etortzeko desiatzen zaudetela! Denok gura zaituztegu ikusi Kantinan, gero! ;-)

Gaur eta bihar, goizeko ordutegian (gruaren arabera), eta, dena ondo badoa, eguenetik aurrera betiko ordutegian!

04/02/2023

"Noiz igirikozuie ba?"

Laster, laster!
Astelehenean edo martitzenean, oraindino ez dugu erabaki, baina datorren aste barruan, ziur.

Talako arbolak podatzen aritu dira udal zerbitzuetako lagunak, eta esan digutenez Kantina alboko makala podatzeko grua eta guzti behar izango dute. Egun horretan terraza ezin izango dugu muntatu, beraz, abisua pasatzen digutenean jakinaraziko dugu sare sozialetan.🍂🍃

Urtarrileko egun hotzetan deskantsurako eta mejoratarako zarratu genuenetik zertan ibili garen? Batez ere, barrura begira gauza asko hausnartzen: kooperatiba txiki hau zer den eta norantz joatea gurako genukeen, gure deskantsuak eta motibazioak zelan zaindu pentsatzen, bizi proiektua bizigarri izateko neurriak planteatzen eta abar.🧠💆👣

Espezialidade kafearen barne-formakuntza bat ere antolatu dugu, eta oso gustura birpasatu eta berrikasi ditugu hainbat kontzeptu: zaporeak zelan detektatu, zer den sobreeatrakzioa, zelan atera espressoa bere puntuan, zelan emultsionatu esnea gozo... ☕🍫

Kantina ere mejoratu dugu apur bat: kañero berri bat erosi dugu eta guk geuk muntatu! (ea ondo dabilen 😅) Sei iturri ipintzeko aukerarekin. Oraingoz, amstel, radler, tosta eta gure etxeko ipa Laino. Eta aurrerago gauzatxu bereziak ere bai, frutekin eginak, gaua bezain beltzak, ostadar bat aukera iturrietatik edalontzietara.🌾🌈🌊

Astiro, baina bagoaz bidea egiten. Laster egongo gara aurrez aurre!