Mennah Tasty Cake

Mennah Tasty Cake إملأ الفرحه بقلب من تحب بحجز أفضل اشكال كيك Mennah Tasty Cake لتكون دائما مناسباتك مميزه

06/03/2026

في الصينيه كيكه شوكلاته اعملوها في البيت او جاهزه زي ماتحبو
وفوق الكيكه صوص كراميل
في الخلاط بجهز الكريمه(علبه قشطه -كيس كريم كراميل _كيس كريم شانتيه_نص كاسه حليب _٦قطع جبنه )
نحطهم فوق الكراميل وبعدين طبقه كيكه وفي الاخر طبقه تانيه كريمه
بسيح في حمام بخار او المكرويف قشطه مع شوكلاته واحطهم عالوش وارش عالوش كاكاو بودر
وبالف عافيه … #طبخات

01/03/2026

دي مش اكله سهله وسريعه بس دا طعمها رهيب حرفيا وطلبتها سهله ومتوفره ..
اول حاجه بنعصج اللحمه والبصل ونضيف البهارات عليها
ويعدين بجهز خلطه البشاميل الجاهزه من ويلز
واختارو اي خضار بتحبوه وقطعوه انا ضيفت جزر وباذنجان وبطاطس وممكن تضيفو كوسه وارنبيط
بقليهم في الزيت او في الايرفراير
وبحطهم في الصينه واوش عليهم شويه ملح وفلفل اسود واحط عليهم اللحمه وفي الاخر بحط خلطه الباشميل الجاهز وارش عالوش جبنه وشويه سماق لو متوفر وادخلها الفرن وبعد ماتطلع زينيها ببقدونس وممكن تكلوها بالعيش او بالرز زي ماتحبو
وبالف عافيه عليكم ✨..

26/02/2026

دي مكرونه للي بيحبو المكرونه تكون غرقانه صوص كدا ومش ماسكه نفسها خالص 😅
بحط عالنار بصل وتوم وفلفل اخضر واقلبهم في الزيت لحد مايدبلو وبعدين اضيف فراخ متقطعه مكعبات صغيره واقلبها واسيبها تستوي واضيف البهارات بعدها اضيف معلقه صلصه وجزر مبشور وكاسه كريمه طبخ وشويه من ميه سلق المكرونه واقلبهم واضيف المكرونه واحطها في صينيه تدخل الفرن واحط عالوش (جبنه كريمي وقشطه وشويه كريمه طبخ ورشه بهارات )وارش فوقهم جبنه وادخلها الفرن لحد ماتاخد وش وطلعوها كلوها سخنه او بارده طعمها يجنن 😘
تقدرو تستبدلو كريمه الطبخ والطبقه الي عالوش بخلطه البشاميل الجاهز …
وبالف عافيه عليكم …✨ #مكرونه #اكسبلور

25/02/2026

دي احلى كنافه ممكن تعملوها ومتشبعوش منها
اول حاجه لازم تكون الكنافه متلجه عشان تقدري تضربيها وتكون ناعمه ورشي عليها رشه سكر وزبده وسمنه وقلبيهم كويس في بعض وافرديهم في صينيه ووزعي الكنافه وارفعي الجوانب عشان الحشو ميطلعش
هتحطي الحشوه وهيا عباره عن :
معلقتين نشا ومعلقتين دقيق قلبيهم عالبارد مع كاستين حليب وحطيهم عالنار لحد ماتتقل وارفعيها وحطي عليها زبده وفانيلا ولما تبرد ضيفي علبه قشطه وظرف كريم شانتيه واضربيهم بالمضرب )
بعد ماتوزعي الحشوه عالكنافه حطي عالوش رشه جبنه موزاريلا او حلوم لو متوفر وبعدين اقفلي بقى بالكنافه بس متخليش الطبقه الاخيره تقيله وحاولي يادوب تغطي الحشوه والجبنه ونزلي عليها الجوانب ودخليها الفرن تتحمر من تحت وفوق وطلعيها وهيا سخنه رشي عليها الشربات وقطيعها وهيا سخنه ودوقي احلى طعم كنافه 😋😍
وبالف عافيه عليكم ..

24/02/2026

سلطه فته الباذنجان من احلى السلطات الي ممكن تتاكل على الاكل وهيا لوحدها كافيه اصلا
الصوص بيكون طحينه وزبادي وتوم وعصره ليمون وملح وفلفل اسود ونخلطهم
نقطع العيش ونحمصه في الفرن او الايرفراير او تقليه في الزيت انا عملت شكل الفيونكه عشان تكون حلوه في التقديم تقدرو تعملو الطريقه او تكتفو تقطعوه مربعات
تقطعي بطاطس وباذنجان مكعبات وتقليها او تحطيها في الايرفراير
تجهزي صوص الباذنجان
شويه زيت عالنار مع تًوم ومعلقتين صلصه وشويه ميه مع ملح وفلفل اسود وضيفي عليها البطاطس والباذنجان
تجهزي الخس وعليه الخيار وضيفي خلطه البطاطس والباذنجان واخر حاجه ضيفي صوص الزبادي عالوش وزينها بالعيش وممكن رمان لو متوفر
وبالف عافيه …. #طبخات #رمضان

بسبوسه غير شويه عن المعتاد بس طعمها رهيب 🫣😋 #حلويات
23/02/2026

بسبوسه غير شويه عن المعتاد بس طعمها رهيب 🫣😋 #حلويات

22/02/2026

حاجه حلوه وخفيفه لبعد الفطار والاهم انها لذيذه العجينه المستخدمه هيا عجينه البف باستري والحشوه هيا كريم كراميل وحريم شانتيه وقشطه وجبنه 🥰❤️

19/02/2026

رمضان مبارك عليكم اجمعين 😍
سلطه خفيفه تسد معاكم عالفطور
بحتاج شريحيتن او ثلاثه من صدور الفراخ واتبلها واسويها عالنار
هنحهز الخضار صوابع بطاطس وجزر وفلفل ونشويهم في الفرن او الايرفراير
في طبق هنضيف فيه خس وعليه الخضار
هنجهز الصوص ( زبادي .طحينه . عصره ليمون .شبت . توم بودره وفلفل اسود . ممكن تضيفو زياده معلقه من صوص التكساس ودا اختيار) قلبيهم سوا
وضيفي الفراخ عالسلطه وبعدين الصوص
وبالف عافيه عليكم …

18/02/2026

مضان مبارك عليكم اجمعين 😍
دي اول وصفه سهله ولذيذه في سلسله اكلات لرمضان ..فرزونها طلعوها بس عالقلي عشان هتدمنوها وتكون اساسيه معاكم
بحتاج لبطاطس مسلوقه وفراخ مسلوقه ومفتته وبقدونس وتشكيله جبن والبهارات المشكله واعجنوها ببعض كويس واعملوها كور او صوابع زي ماتحبو تقدرو على كدا تفرزنوها وقبل التسويه حطوها في بيض وبقسماط واقلوهاااا😋😋😋
واستمتعو باحلي طعم وبالف عافيه عليكم 😌😍

14/02/2026

وصفه سريعه وسهله لغدا او عشا لو مستعجلين وطعمها خطير 😘
نسلق الفراخ ومعاها بهارات صحيحه فلفل ورق لورا وقرنفل وقرفه
في طاسه بسيح ذبده واحط جزره مبشوره وبصله وفلفل مفرومين ونحط بهارات مشكله ونسيبها على نار هاديه
نصفي الفراخ من المايه بعد ماتستوي ونشيل البهارات ونغسل الرز ونحطه في ميه الفراخ ونزود الميه لو احتاج ونحط رشه كاري
نجهز دبس رمان ومعلقه صلصه وشويه سمنه مع رشه بهارات مشكله وندهن بيها الفراخ وندخلها الفرن او ايرفراير تتحمر من الوش
نضيف الخضار الي جهزناه عالرز ونقلبه وممكن نضيف لون احمر لو حابين اللون مكس ونحط الفراخ ونبخره بفحمه وعليها شويه زيت عشان ياخد طعم الشوي …
وبالف عافيه …

07/02/2026

حلى لذيذ بالفرواله ملعقه ورا ملعقه وانتو مش حاسين من حلاوه الطعم ….
استخدمت فراوله فريش
غسلتها واستخدمتها في مربى الفرواله واستخدمت على الكيلو فرواله كوب واحد سكر وعصره ليمونه مع ملعقه نشا وسبيهم على نار هاديه واهرسيها او اضربيها في الخلاط زي ماتحبي قوامها
في صينيه رصيت البسكوت وجهزت الكريمه :
كوب كريمه خفق او ممكن تستبدليها بكريم شانتيه ..وعليها علبه قشطه و٨قطع جبنه نستن وشويه من الحليب المكثف المحلى واضربيها بالمضرب
وافردي الطبقه عالبسكوت وفوقها مربى الفرواله الي جهزناها وكرري نفس الطبقات تاني …
وزينها بالفرواله ورشه فستق وبالف عافيه …

Address

Cairo
Zagazig

Telephone

+201097389539

Website

Alerts

Be the first to know and let us send you an email when Mennah Tasty Cake posts news and promotions. Your email address will not be used for any other purpose, and you can unsubscribe at any time.

Contact The Restaurant

Send a message to Mennah Tasty Cake:

Shortcuts

Share

Category