16/04/2026
لكل عيلة "بابا دهب".. احنا قفلنا 🤍
مش كل نهاية بتكون ختام، ساعات بتكون بداية لخطوة أكبر! ❤️
بقلب تقيل شوية، بس برضا تام باللي ربنا كاتبه، حابين نعلن إننا قفلنا فرع "ذا واك - اسكندرية" نهائياً.
عارفين إن الخبر يزعل، وإحنا نفسنا زعلانين، بس اتعلمنا إن ساعات أصعب القرارات هي اللي بتكون "إنقاذ" لبكرة، ومبنية على رؤية لمستقبل أحسن نقدر نخدمكم فيه زي ما تعودتوا مننا. ربنا قدر لينا إننا نمشي من المكان ده دلوقتي، وإحنا واثقين تمام اليقين إن "وعسى أن تكرهوا شيئاً وهو خيرٌ لكم"، وأكيد شايل لينا ولكم الخير في مكان تاني أنسب وأفضل.
رسالة شكر من القلب:
بنشكر كل حد داس عتبة المكان ده ونورنا، كل كلمة حلوة اتقالت لنا، وكل نقد ساعدنا نكبر. والأهم، بنشكر الناس الأصيلة اللي كانت بتسأل علينا وبتطمن بعد كل ظرف صعب مر علينا.. أنتم السند الحقيقي وعيلتنا الكبيرة اللي بنتشرف بيها. 🤝✨
إحنا مش هنغيب.. إحنا بنجهز للخطوة اللي جاية!
بإذن الله، بندور وبنجهز لمكان جديد نقدر نطلع فيه كل طاقتنا ونقدملكم "فطاير" بابا دهب اللي بتحبوها في أجواء مريحة ومستقرة.
دعواتكم لينا في اللي جاي، واستنوا أخبارنا قريب جداً.. الخير دايمًا جاي! 🤙🔥
