Funzy

Funzy Horror - Comedy - Cultural

29/06/2025

“The House at the End”

> Emily moved to a small town and rented an old house at the edge of the forest.
The locals warned her, "No one stays there for long."
On her first night, she found an old mirror in the attic.
It was covered in dust — but it wasn’t her reflection staring back...

Horror - Comedy - Cultural

 ﻣﻦ ﺻﻐﺮﻱ ﺑﺴﻤﻊ ﺍﻥ ﺷﻘﺔ ﺍﻟﻌﻴﻠﺔ ﺍﻟﻠﻲ ﻓﻲ ﺍﻻﺭﻳﺎﻑ ﻛﺎﻥ ﺑﻴﺤﺼﻞ ﻓﻴﻬﺎ ﺣﺠﺎﺕ ﻏﺮﻳﺒﺔ، ﺑﺲ ﻋﺸﺎﻥ ﻋﻤﺮﻱ ﻣﺎ ﺭﺣﺘﻠﻬﺎ ﻣﻜﻨﺘﺶ ﺑﺼﺪﻕ، ﻛﻨﺖ ﺑﺤﺐ ﺍﺳﻤﻊ ﺍﻟ...
26/06/2025


ﻣﻦ ﺻﻐﺮﻱ ﺑﺴﻤﻊ ﺍﻥ ﺷﻘﺔ ﺍﻟﻌﻴﻠﺔ ﺍﻟﻠﻲ ﻓﻲ ﺍﻻﺭﻳﺎﻑ ﻛﺎﻥ ﺑﻴﺤﺼﻞ ﻓﻴﻬﺎ ﺣﺠﺎﺕ ﻏﺮﻳﺒﺔ، ﺑﺲ ﻋﺸﺎﻥ ﻋﻤﺮﻱ ﻣﺎ ﺭﺣﺘﻠﻬﺎ ﻣﻜﻨﺘﺶ ﺑﺼﺪﻕ، ﻛﻨﺖ ﺑﺤﺐ ﺍﺳﻤﻊ ﺍﻟﻘﺼﺺ ﺩﻱ ﻣﻦ ﺟﺪﺗﻲ ﻭ ﺑﻘﻮﻝ ﻓﻲ ﻧﻔﺴﻲ ﺍﻫﻲ ﻗﺼﺺ ﻭ ﺍﻟﺴﻼﻡ ﺯﻱ ﺣﺪﻭﺗﺔ ﻗﺒﻞ ﺍﻟﻨﻮﻡ، ﻛﺎﻧﺖ ﺑﺘﻘﻮﻟﻲ ﺍﻥ ﺍﻫﻞ ﺍﻟﺒﻴﺖ ﻓﻲ ﺍﻣﺎﻥ ﻭ ﺍﻟﻐﺮﻳﺐ ﻧﺼﻴﺒﻪ ﺍﻟﻤﻮﺕ ﻭ ﺍﻥ ﺣﻴﻄﺎﻥ ﺷﻘﺔ ﻗﺎﺩﺭﻱ ﺩﻱ ﺑﺘﺸﻬﺪ ﻋﻠﻰ ﺟﺮﻳﻤﺔ ﻓﺎﺕ ﻋﻠﻴﻬﺎ ﺳﻨﻴﻦ ﻃﻮﻳﻠﺔ ﺍﻱ ﺣﺪ ﻳﺘﻜﻠﻢ ﻋﻨﻬﺎ ﺭﻭﺣﻪ ﺑﺘﺒﻘﻰ ﺍﻟﺜﻤﻦ ، ﻗﺎﻟﺘﻠﻲ ﺍﻥ ﺩﻡ ﻋﻴﻠﺔ ﻗﺎﺩﺭﻱ ﻣﻐﺮﻭﺱ ﺟﻮﺍ ﺣﺠﺎﺭ ﺍﻟﺒﻴﺖ ﺩﻩ ﻭ ﺍﻟﻤﻮﺕ ﻓﻲ ﻋﻴﻠﺘﻨﺎ ﻣﺶ ﺑﻴﺒﻘﻰ ﻃﺒﻴﻌﻲ ﻭ ﺍﻥ ﻋﻤﺮﻧﺎ ﻣﺎ ﻫﻨﻌﺮﻑ ﻧﻬﺮﺏ ﻡ ﺍﻟﺤﻘﻴﻘﺔ ﺩﻱ، ﺍﻧﺎ ﺧﻔﺖ ﺍﻟﻤﺮﺓ ﺩﻱ ﻋﺸﺎﻥ ﻓﻌﻼ ﻛﻞ ﺍﻟﻠﻲ ﻣﺎﺗﻮ ﻑ ﻋﻴﻠﺘﻲ ﻣﺎﺗﻮ ﺑﻄﺮﻕ ﻣﺶ ﻃﺒﻴﻌﻴﺔ، ﻳﺎ ﺍﻣﺎ ﻏﺮﻕ ﻳﺎ ﺍﻣﺎ ﻗﺘﻞ ﻳﺎ ﺍﻣﺎ ﺣﺮﻕ ﺑﺲ ﺑﻌﺪﻳﻦ ﻗﻠﺖ ﻣﻔﻴﺶ ﺣﺎﺟﺔ ﺍﻧﺎ ﻣﺸﻔﺘﺶ ﺣﺎﺟﺔ ﺑﻌﻴﻨﻲ ﻑ ﻣﺶ ﻫﺼﺪﻕ،
ﻭ ﺑﻌﺪ ﻭﻓﺎﺕ ﺗﻴﺘﺎ ﺍﻧﻘﻄﻌﺖ ﺍﻟﺤﻜﺎﻳﺎﺕ ﺩﻱ ﺑﺲ ﺍﻟﻐﺮﻳﺐ ﺍﻥ ﻭﻻﺩ ﺍﻟﻌﻴﻠﺔ ﻛﻞ ﻣﺎ ﻳﺤﺎﻭﻟﻮ ﻳﺄﺟﺮﻭﻫﺎ ﺑﻴﺤﺼﻠﻬﻢ ﺣﺎﺟﺔ، ﺍﺑﺘﺪﺕ ﻣﻊ ﻋﻤﻲ ﻛﺎﻥ ﻣﺤﺘﺎﺝ ﻓﻠﻮﺱ ﻋﺸﺎﻥ ﺟﻮﺍﺯﺓ ﺑﻨﺘﻪ ﻑ ﺣﺎﻭﻝ ﻳﺄﺟﺮﻫﺎ ﻭ ﺗﺎﻧﻲ ﻳﻮﻡ ﺑﻨﺘﻪ ﻭﺷﻬﺎ ﺍﺗﺤﺮﻕ ﺑﺎﻟﻜﺎﻣﻞ ﻭ ﺍﻟﻌﺮﻳﺲ ﻟﻐﻰ ﺍﻟﺠﻮﺍﺯﺓ ، ﺍﻣﺎ ﻋﻤﺘﻲ ﻓﻜﺎﻧﺖ ﺧﺎﻳﻔﺔ ﺗﺘﻜﻠﻢ ﺍﺻﻼ ﻭ ﺑﺘﻘﻮﻝ ﺍﻧﺎ ﻣﻠﻴﺶ ﺣﻖ ﻓﻲ ﺍﻟﺸﻘﺔ ﺩﻱ ﺧﺪﻭﻫﺎ ﺧﺪﻭﻫﺎ ، ﻛﺎﻧﺖ ﺑﺘﺮﺩﺩ ﺍﻟﺠﻤﻠﺔ ﺩﻱ ﻛﻞ ﺩﻗﻴﻘﺔ ﺍﻧﺘﻮ ﻣﺘﺨﻴﻠﻴﻦ ! ﻟﺪﺭﺟﺔ ﺍﻥ ﺍﻟﻨﺎﺱ ﺑﻘﺖ ﺷﺎﻳﻔﺎﻫﺎ ﻣﺠﻨﻮﻧﺔ ، ﺑﺎﺑﺎ ﻣﻜﻨﺶ ﺑﻴﺘﻜﻠﻢ ﻓﻲ ﺍﻟﻤﻮﺿﻮﻉ ﻭ ﻛﻞ ﻣﺎ ﺍﻓﺘﺤﻪ ﻣﻌﺎﻩ ﻳﻘﻮﻟﻲ ﻣﺶ ﻋﺎﻳﺰ ﺃﻋﻤﻞ ﺣﺎﺟﺔ ﺗﺄﺫﻳﻜﻲ ﺍﺭﺟﻮﻛﻲ ﺍﻗﻔﻠﻲ ﺍﻟﻤﻮﺿﻮﻉ ﺩﻩ، ﺑﺲ ﺑﻌﺪ ﻭﻓﺎﺗﻪ ﺍﻧﺎ ﺍﺣﺘﺠﺖ ﻓﻠﻮﺱ ﻭ ﺻﺎﺣﺐ ﺍﻟﺸﻘﺔ ﺍﻟﻠﻲ ﻛﻨﺎ ﻓﻴﻬﺎ ﺧﺮﺟﻨﻲ ﻣﻨﻬﺎ ، ﺗﻔﺘﻜﺮﻭﺍ ﺍﻧﺎ ﻗﺮﺭﺕ ﺍﻋﻴﺶ ﻓﻴﻦ !! ،ﺍﻳﻮﺍﺍﺍﺍﺍ ﻓﻲ ﺷﻘﺔ ﺍﻟﻌﻴﻠﺔ ..
ﻗﺮﺭﺕ ﺍﺳﺎﻓﺮ ﻭ ﺍﻋﻴﺶ ﻫﻨﺎﻙ ﺑﺲ ﻛﺎﻥ ﻓﻲ ﺧﻮﻑ ﺑﻴﺘﺤﺮﻙ ﺟﻮﺍﻳﺎ ﻫﻮ ﺍﻧﺎ ﻣﻤﻜﻦ ﺍﻻﻗﻲ ﺍﻳﻪ ﻓﻲ ﺍﻟﺸﻘﺔ ﺩﻱ ! ﻃﺐ ﻟﻮ ﺣﻜﺎﻳﺎﺕ ﺗﻴﺘﺎ ﻛﺎﻧﺖ ﺣﻘﻴﻘﺔ ﻫﻤﻮﺕ ﻓﻲ ﺍﻟﺸﻘﺔ ﺩﻱ !! ﻭ ﻳﺎ ﺗﺮﻯ ﻫﻤﻮﺕ ﺍﺯﺍﻱ ﺍﻭ ﻫﻮﺍﺟﻪ ﺍﻳﻪ !!
ﻛﻞ ﺩﻱ ﺗﺴﺎﺅﻻﺕ ﻛﺎﻧﺖ ﺑﺘﻴﺠﻲ ﻑ ﺑﺎﻟﻲ ﻃﻮﻝ ﻃﺮﻳﻖ ﺍﻟﺴﻔﺮ ﺑﺲ ﻗﻠﺖ ﺍﻳﻪ ﻳﺎﺑﺖ ﺍﻟﻌﺒﻂ ﺩﻩ ﻣﺘﺨﺎﻓﻴﺶ ﻣﻔﻴﺶ ﺣﺎﺟﺔ ﻫﺘﺤﺼﻞ ﻭ ﻛﻤﻠﺖ ﻛﻼﻣﻲ ﺑﻬﺰﺍﺭ ، ﻳﻌﻨﻲ ﺍﻟﻌﻔﺎﺭﻳﺖ ﻫﻴﺴﻴﺒﻮ ﻛﻞ ﺍﻟﻠﻲ ﻭﺭﺍﻫﻢ ﻭ ﻳﻨﺸﻐﻠﻮ ﺑﻴﻜﻲ ﻣﺜﻼ ! ؟
ﺑﻌﺪ ﺷﻮﻳﺔ ﻭﺻﻠﺖ ﺍﻟﺒﻠﺪ ﻭ ﻗﺮﺭﺕ ﺍﺑﺘﺪﻱ ﻣﻦ ﺟﺪﻳﺪ ﻓﻲ ﻣﻜﺎﻥ ﻣﺤﺪﺵ ﻳﻌﺮﻓﻨﻲ ﻓﻴﻪ، ﺩﻩ ﺣﻘﻴﻘﻲ ﻫﻤﺎ ﻳﻌﺮﻓﻮﺍ ﺑﺲ ﻟﻘﺐ ﻋﻴﻠﺘﻲ ﺍﻧﻤﺎ ﻋﻤﺮﻫﻢ ﻣﺎ ﺷﻔﻮﻧﻲ، ﺳﺄﻟﺖ ﺍﻭﻝ ﺣﺪ ﻗﺎﺑﻠﺘﻪ ﻉ ﺍﻟﺸﻘﺔ
ﻟﻘﻴﺖ ﻭﺷﻪ ﺍﺗﻠﻮﻥ ﻡ ﺍﻟﺨﻮﻑ ﻭ ﺳﺄﻟﻨﻲ
ﺍﻧﺘﻲ ﺑﺘﺴﺄﻟﻲ ﻋﻠﻴﻬﺎ ﻟﻴﻪ ﻳﺎ ﺑﻨﺘﻲ !
_ ﺍﺻﻞ ﺍﻧﺎ ﻫﻌﻴﺶ ﻫﻨﺎﻙ ﻳﺎ ﻋﻤﻲ ﺍﻟﺤﺞ ﺍﻧﺎ ﻧﺴﻴﺖ ﺍﻋﺮﻓﻚ ﺑﻨﻔﺴﻲ
ﺍﻧﺎ ﻧﺎﺭﻳﻤﺎﻥ ﻗﺎﺩﺭﻱ ﺣﻔﻴﺪﺓ ﻋﺎﺩﻝ ﻗﺎﺩﺭﻱ ﺍﻟﻠﻪ ﻳﺮﺡ ....
ﻣﺴﺒﻨﻴﺶ ﺣﺘﻰ ﺍﻛﻤﻞ ﻛﻼﻣﻲ ﻭ ﻟﻘﻴﺘﻪ ﻣﺎﺷﻲ ﻭ ﻫﻮ ﺑﻴﻘﻮﻝ ﻻ ﻻ ﻻ ﺍﻟﻠﻲ ﺣﺼﻞ ﺯﻣﺎﻥ ﻣﺶ ﻫﻴﺤﺼﻞ ﺗﺎﻧﻲ
ﻭ ﻗﻌﺪ ﻳﺰﻋﻖ ﺍﻟﻤﻮﺕ ﺭﺟﻊ ﻟﻚ ﻳﺎ ﺑﻠﺪ ﺍﻟﻤﻮﺕ ﻭ ﺍﻟﺨﺮﺍﺏ ﻓﻲ ﺭﻳﺤﺘﻜﻢ ﻳﺎ ﻋﻴﻠﺔ ﻗﺎﺩﺭﻱ
ﺍﺗﺮﻋﺒﺖ ﻭﻗﺘﻬﺎ ﺣﺮﻓﻴﺎ ﻭﻣﻘﺪﺭﺗﺶ ﺍﺗﺤﺮﻙ ﻣﻦ ﻣﻜﺎﻧﻲ ......
ﻗﻌﺪﺕ ﺭﺑﻊ ﺳﺎﻋﺔ ﻭﺍﻗﻔﺔ ﻓﻲ ﻣﻜﺎﻧﻲ ﺍﺳﺘﻮﻋﺐ ﺍﻟﻠﻲ ﺣﺼﻞ، ﺑﻌﺪﻳﻦ ﻛﻤﻠﺖ ﺍﻟﻄﺮﻳﻖ ﻭﺣﺪﻱ ﺍﻟﻐﺮﻳﺐ ﺍﻧﻲ ﻭﺻﻠﺖ ﺍﻟﺸﻘﺔ ﻭ ﻛﺈﻧﻲ ﻣﺘﻌﻮﺩﺓ ﺍﺟﻴﻠﻬﺎ ﻋﺎﺩﻱ ﻭ ﺍﻧﺎ ﻭ ﺍﻟﻠﻪ ﻣﺎ ﺍﻋﺮﻑ ﻃﺮﻳﻘﻬﺎ ﻗﺒﻞ ﻛﺪﻩ، ﺷﻔﺘﻬﺎ ﻓﻲ ﺍﻟﺼﻮﺭ ﺑﺲ ﻭ ﻋﺮﻓﺘﻬﺎ ﺍﻭﻝ ﻣﺎ ﺷﻔﺘﻬﺎ ﻉ ﺍﻟﺤﻘﻴﻘﺔ
ﻗﻠﺖ ﻳﻤﻜﻦ ﺻﺪﻓﺔ ﺑﺲ ﺍﻻﻏﺮﺏ ﻣﻦ ﻛﺪﻩ ﺍﻥ ﺍﻟﺸﻘﺔ ﺷﻜﻠﻬﺎ ﻟﺴﺎ ﺟﺪﻳﺪﺓ ﺯﻱ ﻣﺎ ﻛﺎﻧﺖ ﻓﻲ ﺍﻟﺼﻮﺭ ﺑﺎﻟﻈﺒﻂ ، ﺍﺯﺍﻱ ﺩﻩ !!!!!!
ﺍﻟﺸﻘﺔ ﺩﻱ ﻣﺤﺪﺵ ﻋﺎﺵ ﻓﻴﻬﺎ ﻣﻦ ﻋﺸﺮ ﺳﻨﻴﻦ؟ ﺍﻟﻤﻔﺮﻭﺽ ﻉ ﺍﻻﻗﻞ ﺍﻻﻗﻲ ﺷﻜﻞ ﺍﻟﺒﺎﺏ ﻗﺪﻡ ﺍﻭ ﺍﻻﺯﺍﺯ ﺍﺗﻜﺴﺮ !! ﻏﺮﻳﺒﺔ ﺩﻱ ..
ﺍﻧﺎ ﺍﺳﺘﻐﺮﺑﺖ ﻓﻌﻼ ﺑﺲ ﺍﻓﺘﻜﺮﺕ ﺍﻥ ﻋﻤﻲ ﻛﺎﻥ ﻋﺎﻳﺰ ﻳﺄﺟﺮ ﺍﻟﺸﻘﺔ ﻓﺎ ﻗﻠﺖ ﺍﻛﻴﺪ ﻫﻮ ﺍﻟﻠﻲ ﺭﺟﻊ ﻛﻞ ﺣﺎﺟﺔ ﺯﻱ ﻣﺎ ﻛﺎﻧﺖ
ﺍﻟﻤﻨﻄﻘﺔ ﻛﺎﻧﺖ ﻫﺎﺩﻳﺔ ﺍﻭﻱ ﻭ ﻛﺈﻥ ﺍﻟﻤﻜﺎﻥ ﺩﻩ ﺑﻘﺎ ﻣﻬﺠﻮﺭ
ﺑﺼﻴﺖ ﻋﻠﻰ ﻳﻤﻴﻨﻲ ﻭ ﺷﻤﺎﻟﻲ ﻣﻠﻘﺘﺶ ﻏﻴﺮ ﻛﺎﻡ ﺑﻴﺖ ﺑﺎﻳﻦ ﺍﻥ ﻓﻴﻬﻢ ﺳﻜﺎﻥ ﺩﻩ ﻏﻴﺮ ﺍﻥ ﻓﻲ ﻣﺴﺎﻓﺔ ﺑﻴﻦ ﻛﻞ ﺑﻴﺖ ﻭ ﺍﻟﺘﺎﻧﻲ
ﻋﺎﺩﻱ ﻓﻲ ﺑﻴﻮﺕ ﻛﺘﻴﺮ ﻛﺪﻩ ﺑﺲ ﺍﻟﻠﻲ ﻣﺶ ﻋﺎﺩﻱ ﺍﻥ ﺣﺘﺔ ﺟﻤﻴﻠﺔ ﻭ ﻫﺎﺩﻳﺔ ﺯﻱ ﺩﻱ ﻣﺤﺪﺵ ﻳﺴﻜﻦ ﻓﻴﻬﺎ
ﻓﺘﺤﺖ ﺑﺎﺏ ﺍﻟﺸﻘﺔ ﻭ ﺩﺧﻠﺖ ﺍﻟﺒﻴﺖ ﻭ ﺍﻭﻝ ﺣﺎﺟﺔ ﻋﻴﻨﻲ ﺟﺎﺕ ﻋﻠﻴﻬﺎ ﺻﻮﺭﺓ ﻛﺒﻴﺮﺓ ﻣﺘﻌﻠﻘﺔ ﻗﺼﺎﺩ ﺍﻟﺒﺎﺏ
ﺍﻻﻧﺴﺎﻥ ﺩﻩ ﺍﻧﺎ ﻋﺎﺭﻓﺎﻩ ﻛﻮﻳﺲ ﻣﺸﻔﺘﻮﺵ ﻗﺒﻞ ﻛﺪﻩ ﺑﺲ ﺣﺎﺳﺔ ﺍﻧﻲ ﺍﻋﺮﻓﻪ
ﺩﻩ ﺟﺪﻱ ! ﻋﺎﺩﻝ ﻗﺎﺩﺭﻱ ﺍﻟﻠﻪ ﻳﺮﺣﻤﻪ ﺍﻧﺎ ﺍﺗﻮﻟﺪﺕ ﻓﻲ ﺍﻟﺴﻨﺔ ﺍﻟﻠﻲ ﻫﻮ ﻣﺎﺕ ﻓﻴﻬﺎ ﺑﺲ
ﺳﺒﺤﺎﻥ ﺍﻟﻠﻪ ﻧﻔﺲ ﺍﻟﺘﻔﺎﺻﻴﻞ ﺍﻟﻠﻲ ﻛﺎﻧﺖ ﺑﺘﺤﻜﻴﻠﻲ ﻋﻠﻴﻬﺎ ﺟﺪﺗﻲ ﻟﺴﺎ ﻓﺎﻛﺮﺍﻫﺎ ﻛﻮﻳﺲ
ﺍﻧﺎ ﺣﻔﻈﺖ ﻣﻼﻣﺤﻪ
ﺗﻌﺪﻳﻞ
ﺍﻟﻠﻲ ﺳﻤﻌﺘﻪ ﻋﻦ ﺟﺪﻱ ﺍﻧﻪ ﻛﺎﻥ ﻟﻪ ﻫﻴﺒﺔ ﻭ ﺍﻟﻜﻞ ﺑﻴﺨﺎﻑ ﻣﻨﻪ
ﻗﻄﻊ ﺳﻜﺎﺗﻲ ﺻﻮﺕ ﻗﻄﺔ ﻛﻨﺖ ﻫﻤﻮﺕ ﺭﻋﺐ ﻣﻨﻬﺎ
ﻧﺰﻟﺖ ﻋﻠﻰ ﺭﻛﺒﺘﻲ ﻭ ﺑﺼﺘﻠﻬﺎ
_ ﺍﻧﺘﻲ ﻋﺎﺭﻓﺔ ﺍﻧﻚ ﺧﻮﻓﺘﻴﻨﻲ ﺍﻭﻱ،ﺍﻧﺘﻲ ﺑﺘﻌﻤﻠﻲ ﺍﻳﻪ ﻫﻨﺎ ﺍﻛﻴﺪ ﺟﺎﻳﺔ ﺗﺴﺘﻘﺒﻠﻴﻨﻲ
ﺳﺎﺑﺘﻨﻲ ﻭ ﺟﺮﻳﺖ ﻋﻠﻰ ﺟﻮﺍ
ﺿﺤﻜﺖ ﻭ ﻗﻠﺖ ﻧﻔﺴﻲ ﺍﻧﺘﻲ ﺍﺗﺠﻨﻨﺘﻲ ﻳﺎ ﻧﺮﻳﻤﺎﻥ ﺑﺘﻜﻠﻤﻲ ﻗﻄﺔ .
ﺷﻠﺖ ﺷﻨﻄﻲ ﻭ ﺩﺧﻠﺖ
ﺑﺲ ﻛﻨﺖ ﺣﺎﺳﺔ ﺍﻧﻲ ﻣﺶ ﻏﺮﻳﺒﺔ ﺍﻭ ﺩﻱ ﻣﺶ ﺍﻭﻝ ﻣﺮﺓ ﻟﻴﺎ ﻫﻨﺎ
ﺣﺎﻓﻈﺔ ﺗﻔﺎﺻﻴﻞ ﺍﻟﺸﻘﺔ ﻛﻠﻬﺎ
ﺍﻟﺸﻘﺔ ﻛﺎﻧﺖ ﻧﻈﻴﻔﺔ ﻭ ﻣﺘﺮﺗﺒﺔ ﻛﺈﻥ ﺗﻴﺘﺎ ﻟﺴﺎ ﻋﺎﻳﺸﺔ ﻓﻴﻬﺎ
ﻣﺴﺘﻐﺮﺑﺘﺶ ﺧﺎﻟﺺ ﺑﺎﻟﻌﻜﺲ ﺍﻧﺒﺴﻄﺖ
ﻣﺨﺒﻴﺶ ﻋﻠﻴﻜﻢ ﺍﻧﺎ ﻛﻨﺖ ﺷﺎﻳﻠﺔ ﻫﻢ ﺍﻟﺘﻨﻈﻴﻒ ﺍﻛﺘﺮ ﻣﻦ ﻫﻢ ﺍﻟﻌﻔﺎﺭﻳﺖ ....
ﺗﻌﺪﻳﻞ
ﻣﺴﺤﺖ ﺍﻟﻤﻜﺎﻥ ﺍﻟﻠﻲ ﻫﻨﺎﻡ ﻓﻴﻪ ﺑﺴﺮﻋﺔ ﻭ ﺍﺗﺮﻣﻴﺖ ﻉ ﺍﻟﺴﺮﻳﺮ ﻛﻨﺖ ﺗﻌﺒﺎﻧﺔ ﻣﻦ ﺍﻟﺴﻔﺮ
ﻣﻌﺪﺍﺵ ﺩﻗﺎﻳﻖ ﻭ ﺭﺣﺖ ﻑ ﺳﺎﺑﻊ ﻧﻮﻣﺔ
ﺣﻠﻤﺖ ﺍﻧﻲ ﻓﻲ ﻣﻜﺎﻥ ﺯﻱ ﺍﻟﻘﺼﺮ ﻭ ﻛﺎﻥ ﻓﻴﻪ ﻧﺎﺱ ﻛﺘﻴﺮ ﺑﻴﺘﻜﻠﻤﻮ
ﺍﻧﺎ ﻋﻤﺎﻟﺔ ﺍﻧﺎﺩﻱ ﻭ ﻻ ﻛﺈﻥ ﺣﺪ ﺳﺎﻣﻌﻨﻲ ﻭ ﻻ ﻛﺈﻧﻬﻢ ﺷﺎﻳﻔﻴﻨﻲ
ﻭ ﻛﺎﻥ ﻓﻲ ﺳﻠﻢ ﻃﻮﻳﻞ ﻓﻲ ﺍﺧﺮﻩ ﻭﺍﻗﻔﺔ ﻭﺍﺣﺪﺓ ﺳﺖ ﻣﻨﺰﻟﺔ ﺭﺍﺳﻬﺎ ﻣﺶ ﺑﺎﻳﻦ ﻣﻼﻣﺤﻬﺎ ﻃﻠﻌﺖ ﻋﺸﺎﻥ ﺍﺳﺄﻟﻬﺎ ﻫﻤﺎ ﻣﺶ ﺷﺎﻳﻔﻴﻨﻲ ﺍﺯﺍﻱ
ﺑﺒﺺ ﻟﻘﻴﺘﻬﺎ ﻭﺍﻟﺪﺗﻲ ﺑﺲ ﻣﻠﻤﺤﻬﺎ ﻣﺘﻐﻴﺮﺓ
ﻣﺴﻜﺘﻨﻲ ﻣﻦ ﺩﺭﺍﻋﻲ ﻭ ﻫﻲ ﺑﺘﻌﻴﻂ
ﺍﻧﺘﻲ ﺟﻴﺘﻲ ﻟﻴﻪ ﻣﺶ ﺍﻧﺎ ﻭﺻﻴﺘﻚ ﻣﺘﺠﻴﺶ
ﻣﺘﻘﺮﺑﻴﺶ ﻣﻨﻬﻢ ﻣﺶ ﻋﺎﻳﺰﺓ ﻗﺪﺭﻙ ﻳﺒﻘﺎ ﺯﻱ ﻗﺪﺭﻱ
ﻓﺠﺄﺓ ﻣﻼﻣﺤﻬﺎ ﺍﺗﻐﻴﺮﺕ ﻭ ﺍﻟﻤﻜﺎﻥ ﻛﻠﻪ ﺍﺗﻘﻠﺐ ﺩﻡ ﻭ ﻧﺎﺱ ﺗﻘﺘﻞ ﻓﻲ ﺑﻌﺾ ﻭ ﻧﺎﺱ ﺑﺘﺼﻮﺕ
ﺛﻮﺍﻧﻲ ﺑﺲ
ﺍﻧﺎ ﻋﺎﺭﻓﺔ ﺍﻟﻠﻲ ﻣﻮﺟﻮﺩﻳﻦ ﺩﻭﻝ ﻛﻠﻬﻢ
ﺩﻭﻝ ﻋﻴﻠﺘﻲ !!!
ﺻﺤﻴﺖ ﻣﻔﺰﻭﻋﺔ ﻭ ﻭﺷﻲ ﻋﺮﻗﺎﻥ ﻛﺈﻧﻲ ﻛﻨﺖ ﻓﻲ ﺣﺮﻳﻖ ﺣﻘﻴﻘﻲ
ﺍﻟﻠﻲ ﺻﺤﺎﻧﻲ ﻛﺎﻥ ﺻﻮﺕ ﺟﺮﺱ ﺍﻟﺒﺎﺏ
ﺑﺲ ﺛﻮﺍﻧﻲ ﻣﻴﻦ ﺍﻟﻠﻲ ﻫﻴﺠﻴﻠﻲ ﺩﻟﻮﻗﺘﻲ ﻭ ﺍﺯﺃﻱ ﺍﻟﺠﺮﺱ ﻟﺴﺎ ﺷﻐﺎﻝ ﺍﺻﻼ
ﻫﻮ ﻓﻲ ﺍﻳﻪ ﻣﺎﻟﻪ ﺍﻟﻴﻮﻡ ﻏﺮﻳﺐ ﻛﺪﻩ
ﻗﻤﺖ ﻋﺸﺎﻥ ﺍﻓﺘﺢ ﻣﻠﻘﺘﺶ ﺣﺪ ﺑﺮﺍ ﻭ ﻗﻔﻠﺖ ﺗﺎﻧﻲ ﻗﻠﺖ ﻳﻤﻜﻦ ﺍﻧﺎ ﺑﺘﺨﻴﻞ ﺑﺲ ﻓﻲ ﻧﻔﺲ ﺍﻟﻮﻗﺖ ﺍﻟﻠﻲ ﻗﻔﻠﺖ ﻓﻴﻪ ﺍﻟﺒﺎﺏ ﺍﻟﺠﺮﺱ ﺭﻥ ﺗﺎﻧﻲ
ﺍﺯﺍﺍﺍﺍﺍﻱ ﺍﻧﺎ ﻫﺘﺠﻨﻦ ﻣﺴﺘﺤﻴﻞ ﺣﺘﻰ ﻟﻮ ﺣﺪ ﺑﻴﻬﺰﺭ ﻣﻌﺎﻳﺎ ﺍﻧﻪ ﻳﻈﻬﺮ ﻭ ﻳﺪﺍﺭﻱ ﻧﻔﺴﻪ ﺑﺎﻟﺴﺮﻋﺔ ﺩﻱ
ﻣﺴﻜﺖ ﺳﻜﻴﻨﺔ ﻟﻘﻴﺘﻬﺎ ﻓﻲ ﺍﻟﻤﻄﺒﺦ ﻭ ﺧﺮﺟﺖ ﻓﺘﺤﺖ ﺍﻟﺒﺎﺏ ﺗﺎﻧﻲ
ﻧﻔﺲ ﺍﻟﺼﺪﻣﺔ ﺍﻻﻭﻻﻧﻴﺔ ﻣﻔﻴﺶ ﺣﺪ
_ ﺍﺳﻤﻌﻨﻲ ﻛﻮﻳﺲ ﺍﻭ ﺍﺳﻤﻌﻴﻨﻲ ﻛﻜﻮﻳﺲ ﺍﻳﺎ ﻛﺎﻥ ﺍﻟﻠﻲ ﺑﻴﻬﺰﺭ ﻣﻌﺎﻳﺎ ﻛﻔﺎﻳﺎ ﻛﺪﻩ ﻣﺶ ﻫﺴﺘﺤﻤﻞ ﺍﻟﻬﺰﺍﺭ ﺍﻟﻐﺒﻲ ﺩﻩ ﺗﺎﻧﻲ
ﺭﺩﺩﺕ ﺟﻤﻠﺘﻲ ﺩﻱ ﺍﻛﺘﺮ ﻣﻦ ﻣﺮﺓ ﻟﻜﻦ ﻣﻔﻴﺶ ﻓﺎﻳﺪﺓ ﻣﺤﺪﺵ ﺑﻴﺮﺩ
ﺗﻌﺪﻳﻞ
ﺍﻟﺪﻧﻴﺎ ﻛﺎﻧﺖ ﻇﻠﻤﺔ ﻭ ﺍﻟﻤﻜﺎﻥ ﻫﺎﺩﻱ ﻣﻘﺪﺭﺗﺶ ﺍﻗﻒ ﻓﻲ ﻣﻜﺎﻧﻲ ﻟﻘﻴﺖ ﺍﻟﺒﻴﺖ ﺍﻟﻠﻲ ﻗﺪﺍﻡ ﺑﻴﺘﻨﺎ ﻧﻮﺭﻩ ﺷﻐﺎﻝ ﺟﺮﻳﺖ ﻭ ﺭﻧﻴﺖ ﻋﻠﻴﻬﻢ
- ﺍﻧﺘﻲ ﻣﻴﻦ ‏( ﺻﻮﺕ ﺳﺖ ﺑﺎﻳﻦ ﻋﻠﻴﻬﺎ ﺍﻧﻬﺎ ﻛﺒﻴﺮﺓ ﻓﻲ ﺍﻟﺴﻦ ‏)
ﻗﺒﻞ ﻣﺎ ﺍﻧﻄﻖ ﺭﺟﻌﺖ ﺳﺄﻟﺘﻨﻲ ﻧﻔﺲ ﺍﻟﺴﺆﺍﻝ
ﺍﻧﺘﻲ ﻣﻴﻦ ﺑﻘﻠﻚ ﻭ ﺍﻳﻪ ﺍﻟﻠﻲ ﺟﺎﺑﻚ ﻫﻨﺎ
- ﺍ ﺍﺍﺍﺍ ﺍﻧﺎ ﺟﺪﻳﺪﺓ ﻫﻨﺎ ﺍﻧﺎ ﺑﻨﺖ ﻣﺤﻤﺪ ﻗﺎﺩﺭﻱ ﻛﺎﻥ ﻋﺎﻳﺶ ﻓﻲ ﺍﻟﺒﻴﺖ ﺍﻟﻞ ..
_ ﺍﻧﺘﻲ ﻧﺎﺭﻳﻤﺎﻥ ﺻﺢ !
ﺍﺗﺮﻋﺒﺖ ﻭﻗﺘﻬﺎ ﻭ ﺳﺄﻟﺘﻬﺎ
ﻋﺮﻓﺘﻲ ﺍﺳﻤﻲ ﺍﺯﺍﻱ
- ﺳﺘﻚ ﻛﺎﻧﺖ ﺻﺎﺣﺒﺘﻲ ﻭ ﻛﺎﻧﺖ ﺑﺘﺤﻜﻴﻠﻲ ﻋﻠﻰ ﻛﻞ ﺣﺎﺟﺔ
ﺍﻧﺎ ﻛﻨﺖ ﻋﺎﺭﻓﺔ ﺍﻧﻚ ﻫﺘﻴﺠﻲ ﻛﺎﻧﺖ ﻗﺎﻳﻼﻟﻲ ﺍﺳﺘﻨﺎﻛﻲ
ﻭ ﻫﻤﺎ ﻛﻤﺎﻥ ﻛﺎﻧﻮ ﻣﺴﺘﻨﻴﻴﻨﻚ ..
ﻣﻴﻦ ﺩﻭﻝ ﻭ ﺍﻳﻪ ﺍﻟﻠﻲ ﺑﻴﺤﺼﻞ ﻫﻨﺎ !!
ﺩﺧﻠﺖ ﻭ ﻗﻌﺪﺕ ﻗﺪﺍﻣﻬﺎ
ﺍﺗﻨﻬﺪﺕ ﻭ ﺣﻜﺘﻠﻲ
ﺍﻧﺘﻲ ﻣﻐﻠﻄﺘﻴﺶ ﻭ ﻻ ﺍﺑﻮﻛﻲ ﻏﻠﻂ ﺑﺲ ﺟﺪﻙ
ﻏﻠﻄﺎﺗﻪ ﻛﺘﻴﺮﺓ ﻭ ﺭﺍﺡ ﻗﺒﻞ ﻣﺎ ﻳﺪﻓﻊ ﺗﻤﻨﻬﺎ
ﻓﻲ ﻣﺜﻞ ﻛﺎﻥ ﺑﻴﺘﻘﺎﻟﻨﺎ ﺯﻣﺎﻥ ﻳﺎ ﺑﻨﺘﻲ
ﺍﻟﻠﻲ ﻳﺤﻀﺮ ﺍﻟﻌﻔﺮﻳﺖ ﻳﻌﺮﻑ ﻳﺼﺮﻓﻪ
ﺑﺲ ﺟﺪﻙ ﻣﻌﺮﻓﺶ ﻳﺼﺮﻓﻬﻢ
ﺍﻧﺎ ﻓﺎﻛﺮﺓ ﺍﻳﺎﻡ ﻣﺎ ﺟﺪﻙ ﻭ ﺳﺘﻚ ﺳﻜﻨﻮ ﻫﻨﺎ
ﺍﻟﻜﻞ ﻛﺎﻥ ﺑﻴﺤﺒﻬﻢ ﻭ ﺳﻤﻌﺘﻬﻢ ﻛﺎﻧﺖ ﺳﺎﺑﻘﺎﻫﻢ ﺑﺲ ﻛﺎﻥ ﻓﻲ ﺣﺎﺟﺔ ﻭﺍﺣﺪﺓ ﺧﺮﺑﺖ ﺣﻴﺎﺗﻬﻢ
ﺍﻟﺨﻠﻔﺔ !
ﻗﺎﻃﻌﺘﻬﺎ
ﺍﻟﺨﻠﻔﺔ ﺍﺯﺍﻱ !
ﺍﻧﺘﻲ ﺍﻛﻴﺪ ﻏﻠﻄﺎﻧﺔ ﺟﺪﻱ ﻭ ﺳﺘﻲ ﻛﺎﻧﻮ ﺑﻴﺨﻠﻔﻮﺍ ﻋﺎﺩﻱ
ﻭ ﻗﻠﺖ ﺑﺈﺳﺘﻬﺰﺍﺀ ﻉ ﻛﻼﻣﻬﺎ
ﺍﻣﺎﻝ ﺍﻧﺎ ﺟﻴﺖ ﺍﺯﺍﻱ
ﺑﺼﺘﻠﻲ ﺑﻌﺼﺒﻴﺔ
ﻓﻬﻤﺖ ﺍﻥ ﺍﻟﻜﻼﻡ ﻣﻌﺠﺒﻬﺎﺵ ﻭ ﺳﻴﺒﺘﻬﺎ ﺗﻜﻤﻞ
ﺳﺘﻚ ﻛﺎﻧﺖ ﺳﺖ ﺯﻱ ﺍﻟﻘﻤﺮ ﺍﻱ ﺣﺪ ﻣﻤﻜﻦ ﻳﺤﺒﻬﺎ ﺑﺲ ﻣﻮﺿﻮﻉ ﺍﻟﺨﻠﻔﺔ ﺩﻩ ﻛﺎﻥ ﻣﺪﺍﻳﻘﻬﺎ ﺍﻭﻱ
ﺟﺎﺕ ﻓﻲ ﻣﺮﺓ ﻭ ﺣﻜﺘﻠﻲ ﺍﻧﻬﺎ ﺭﺍﺣﺖ ﻫﻲ ﻭ ﻋﺎﺩﻝ ﻟﺸﻴﺦ ﻭ ﺍﻧﻪ ﻃﻤﻨﻬﻢ ﺍﻧﻬﻢ ﻫﻴﺨﻠﻔﻮ
ﻭ ﺑﻌﺪﻫﺎ ﺏ ﺍﺳﺒﻮﻋﻴﻦ ﻛﺪﻩ ﺟﺎﺕ ﻓﺮﺣﺎﻧﺔ ﻭ ﺑﺘﻘﻮﻟﻲ ﺍﻧﻬﺎ ﺣﺎﻣﻞ
ﻭ ﺍﻧﻬﺎ ﻫﺘﺴﻤﻴﻪ ﻉ ﺍﺳﻢ ﺍﻟﺸﻴﺦ ﺍﻟﻠﻲ ﺧﻼﻫﻢ ﻳﺨﻠﻔﻮ
ﺑﺼﺘﻠﻬﺎ ﻭ ﻧﻄﻘﺖ
ﻫﺘﺴﻤﻴﻪ ﻣﺤﻤﺪ
ﺩﻩ ﺑﺎﺑﺎ !!
ﺭﺩﺕ :
ﺍﺑﻮﻛﻲ ﺍﻛﺒﺮ ﺍﺧﻮﺍﺗﻪ
ﻭ ﺑﻌﺪﻩ ﻋﻤﻚ ﻣﺮﻭﺍﻥ
ﻭ ﻋﻤﺘﻚ ﻓﻮﺯﻳﺔ
ﺍﻟﺘﻼﺗﺔ ﺣﻴﺎﺗﻬﻢ ﺍﺗﺪﻣﺮﺕ ﺑﺴﺒﺐ ﻏﻠﻄﺔ ﺟﺪﻙ
_ ﻳﻌﻨﻲ ﺍﻳﻪ ﻣﺶ ﻓﺎﻫﻤﺔ !
ﺟﺪﻙ ﻣﺮﺣﺶ ﻟﺸﻴﺦ ﻳﺎ ﺑﻨﺘﻲ ﺟﺪﻙ ﺭﺍﺡ ﻟﺴﺎﺣﺮ
ﺍﻟﺴﺎﺣﺮ ﺩﻩ ﺧﻼﻫﻢ ﻳﺨﻠﻔﻮ ﺑﺲ ﻣﻘﺎﺑﻞ ﺩﻩ ﻛﺎﻥ ﻫﻴﻄﻠﺐ ﺣﺎﺟﺔ
ﻣﻄﻠﺒﺶ ﻭﻗﺘﻬﺎ ﺑﺲ ﻓﻬﻤﻬﻢ ﺍﻧﻪ ﻟﻤﺎ ﻳﻄﻠﺐ ﻫﻴﺎﺧﺪ ﺍﻟﻠﻲ ﻃﻠﺒﻪ ﺭﺿﺎ ﺍﻭ ﻏﺼﺒﺎﻧﻴﺔ
ﺟﺪﻙ ﻭ ﺳﺘﻚ ﻭﺍﻓﻘﻮﺍ ﻭﻗﺘﻬﺎ ﻭ ﻣﺮﺕ ﺍﻟﺴﻨﻴﻦ
ﻭ ﻧﺴﻴﻮﺍ ﺍﻟﻠﻲ ﺣﺼﻞ
ﺑﺲ ﺑﺮﺩﻭ ﺳﺘﻚ ﻛﺎﻥ ﺑﻴﺤﺼﻠﻬﺎ ﺣﺠﺎﺕ ﻭ ﺑﺘﺸﻮﻑ ﻧﺎﺱ ﺑﺘﻤﻮﺕ ﻭ ﻧﺎﺱ ﺑﺘﺘﺤﺮﻕ ﻭﺻﻞ ﺑﻴﻬﺎ ﺍﻟﺤﺎﻝ ﺍﻧﻬﺎ ﺗﻘﻌﺪ ﺑﺎﻷﻳﺎﻡ ﺻﺎﺣﻴﺔ ﻣﺶ ﻋﺎﻳﺰﺓ ﺗﻨﺎﻡ ﻋﺸﺎﻥ ﻣﺘﺤﻠﻤﺶ ﺑﻜﻮﺍﺑﻴﺲ
_ ﺍﻓﺘﻜﺮﺕ ﻭﻗﺘﻬﺎ ﺍﻥ ﺳﺘﻲ ﻛﻠﻤﺘﻨﻲ ﻋﻦ ﺍﻟﻜﻮﺍﺑﻴﺲ ﺍﻟﻠﻲ ﻛﺎﻧﺖ ﺑﺘﺸﻮﻓﻬﺎ
ﻗﻠﺖ ﻣﻦ ﻏﻴﺮ ﻣﺎ ﺍﺭﻛﺰ
ﺍﻧﺎ ﻛﻤﺎﻥ ﺑﺸﻮﻑ ﻛﻮﺍﺑﻴﺲ ﻣﻦ ﺻﻐﺮﻱ
ﺑﺼﺘﻠﻲ ﺑﻘﻠﻖ
ﻛﻨﺘﻲ ﺑﺘﻤﻮﺗﻲ ﻓﻴﻬﺎ !
ﻭﻗﻔﺖ ﻭﻗﺘﻬﺎ ﻭ ﻗﻠﺖ ﺑﺨﻮﻑ
ﻻ ﺍﻧﺎ ﻣﺶ ﻋﺎﻳﺰﺓ ﺍﻛﻤﻞ ﻓﻲ ﺍﻟﻬﺒﻞ ﺩﻩ
ﺍﻧﺎ ﻣﺶ ﻫﻘﻌﺪ ﻫﻨﺎ
ﻗﺎﻟﺘﻠﻲ ﺟﻤﻠﺔ ﺍﺗﺮﻋﺒﺖ ﻟﻤﺎ ﺳﻤﻌﺘﻬﺎ
ﻛﺎﻧﺖ ﺗﻴﺘﺎ ﺑﺘﻘﻮﻟﻬﺎﻟﻲ
ﻣﺒﻘﺎﺵ ﻳﻨﻔﻌﻚ ﺍﻟﻬﺮﺏ
ﺍﺻﺤﺎﺏ ﺍﻟﺒﻴﺖ ﻓﻲ ﺍﻣﺎﻥ ﻭ ﺍﻟﻐﺮﻳﺐ ﻣﺼﻴﺮﻩ ﺍﻟﻤﻮﺕ ....

Address

Port Said

Telephone

+201032262288

Website

Alerts

Be the first to know and let us send you an email when Funzy posts news and promotions. Your email address will not be used for any other purpose, and you can unsubscribe at any time.

Share