01/08/2024
الكبده البانيه
المكونات
=======
٢/١ ك كبده شرائح
دقيق سن (وده حاجه مابين الدقيق والرده )
توم مفروم
عصير ٢ليمونه وسط
عصير بصله متوسطه
م ك كمون
م ص فلفل اسود
م ص كسبره ناشفه
م ص ممسوحه زعتر
م ك ممسوحه ملح او حسب رغبتك
٢ م ك مسترده (اختيارى )
______________
الطريقه
=====
هنجيب بوله ونحط الكبده
و ننزل عليها بالتوم والكمون والفلفل والكسبره والزعتر و الملح وعصير الليمون واخر حاجه عصير البصل
ونقلب بحرص علشان متتهريش ونسبها من ساعه ل ٣ ساعات
الكفر الخارجى
هنجيب بوله غويطه ونحط فيها السن وناخد شريحه الكبده ونعفرها فيه
(يعنى منضغطش عليها نرمى عليها بأيدينا دقيق السن كده من كل الاتجاهات لحد ماتتغلف كويس جدا وتنزل في زيت سخن وغزير لمده من ٥ ل ٧ دقايق حسب سمك شريحه الكبده علشان متنشفش مننا وتزين بالبقدونس
وبالهنا والشفا
#كبدة
