27/01/2026
هو إنت شايف الشيف اللي يقولك
“حاضر يا فندم” على طول…
مريح؟
ولا بتسوّيّه طبق ضغط يومي واحدة واحدة؟ 🍳🔥
أول ما يدخل المطعم:
– “أدبك عالي”
– “دمك خفيف”
– “نعتمد عليك”
بعدها بأسبوع:
📱 واتساب 12 بليل
“محتاجك تنزل بدري بكرة”
“الطلبية اتلغبطت”
“معلش إنت فاهم”
وبعدها:
– شيفت زيادة
– محطة زيادة
– شغل مش شغلك
– وكل ده عشان إنت ما بتقولش لأ
واللي يزعق؟
يتساب
واللي يتهرب؟
يتنسى
واللي محترم؟
يتلبّس 😅
وفي آخر الشهر…
التقييم يقول:
“محتاج يشتغل على الالتزام”
عشان مرة اتأخرت 10 دقايق
أو مشيت بدري عشان ابنك سخن
بينما غيرك يمشي بدري عادي
“عنده ظرف” (الظرف ده دايمًا شاي ☕)
خلّينا نتفق:
👈 اللي يحط حدود مش قليل الأدب
👈 واللي يشيل شغل زيادة مش مغفّل
👈 بس المصيبة إن حد يتظلم ويسكت
ساعتها:
المطبخ يسخن
الأعصاب تتحرق
التركيز يضيع
والناس تشتغل بجسمها…
وقلبها برّه المطعم 🚪
المشكلة مش في الشغل
المشكلة في إدارة:
– بتخلط الأدب بالضعف
– وتعتبر الصمت موافقة
– وتكافئ اللي يعدّي حدوده
على حساب اللي محترم
❓سؤال بقى:
إيه أكتر موقف في مطعم حسّسك
إن احترامك اتحسب عليك؟
HabashChef Mohamed Habashi
