10/04/2026
الكيك دى كانت مهمة جدا بالنسبالى بكل تفاصيلها من اول ما بدأت فيها لحد ماوصلنا مكان الفرح
الكيك دى تكفى ل ١٠٠ شخص كانت ٣ طبقات ارنفاع ١٧-١٩ سم
الكيك فانيليا والحشو كان كريمة لبانى مع حشوات فراولة وبلوبيرى وراسبيرى وطبعا كل حاجة بتيجى فريش واحنا بنعمل الحشوات بنفسنا
لازم الكيك يقعد على الاقل ٤ او ٥ ساعات فى الفريزر عشان نعرف نغلف كويس
الكيك دى ماااخدتش تغليف من برة اوفر لان دى nacked cake وهى بتاخد طبقة كريمة خفيفة جدا أطراف الكيك بتكون ظاهرة
وقت تثبيت الكيك مهم جدا الدعامات بين الطوابق وبنحط دعامة طويلة فى النص عشان تربط الطوابق ببعضها ونتاكدان الكيك متميلش ولا تقع
ملحوظة كمان فى ناس بتستخدم الدعامات دى بتكون بلاستيك ولكن انا افضل فى حالة زيادة طوابق الكيك عن دورين تكون الدعامات خشبية
ملحوظة كمان الفواكة الفريش يفضل ان احنا نحطها اخر حاجة فى التزيين يعنى تكون الكيك خلاص الشو بتاعها قرب يفضل ماتدخلش ثلاجة بعد وضع الفواكة للتزيين عشان نضمن انها متطلعش ماية او لون على الكريمة خصوصا الراسبيرى
وبس كدة دى كل الملاحظات وبعض من الأخطاء اللى انا وقعت فيها واللى حاولت اتفادها فى الكيك ديكوريشن ودى كانت تجربتي اللى كنت حابة انقلها ليكم
لو حد عنده اى استفسار عن اى حاجة يسيبلى كومنت وانا هارد عليكم واستنونى فى ريل جديدة وملاحظات جديدة
