09/10/2025
واحدة محترمه بعتتني اجبلها اوردر سمك متنضف ب٣٣٠ جنيه ووقفت ساعه الا ربع علي بال مايتنضف وروحت اوديه الاسانسير بشفره ومافيش بواب تحت رنيت عليها قولتلها لو سمحتي انا هدخل الاسانسير وحضرتك اسحبيه قالتلي مافيش مناديب بتطلع في الاسانسير قولتلها يعني اطلع الثامن علي رجلي طب خلي حد ينزل يستلمه قالتلي اومال انا هدفعلك فلوس ليه دمي اتحرق وقلتلها بعد اذن حضرتك انا مش هطلع الثامن والاسانسير شغال اهو قالتلي وانا مش هنزل اخد الاوردر وقفلت السكه في وشي رنيت عليها بطلت ترد عايز اقولك بس علي حاجه انا مندوب شغال علي عجله بسبب ان مكنتي مسروقة من شهرين وبشتغل عشان اكفي بيتي وعندي بنت لسه مكملتش سنه وبدفع قسط ٦٠٠ في الشهر غير ايجار وكهرباء ومياه وغاز فانا مضطر اكل ال٤ ايام الجايين دول السمك اللي لبستيني فيه عشان اوفر ثمنه وكان ممكن انزل رقمك ورقم الشقه بس احتراما انك ست مش هعمل كده بس عايز اقولك حاجه عند الله تجتمع الخصوم
ارحموا من في الارض يرحمكم من في السماء
#منقول
