05/06/2026
هالوووو بسرعة مفيش وقت 👇🙆
عندك ربع لحمه مفرومه و حتتين بانيه و حته شيش او عندك نوع واحد منهم و مش عارفه تعملي بيهم اية لانهم مش هيكفو اكله كامله 😏
هاتيهم و تعالي حطي الفراخ فالكبه عشان نفرمها و عليها معلقتين تلاته كبار بقسماااط ناعم عشان يكون رابط المفروم و عليها نص معلقه صغيره بصل بودر و نص معلقه صغيره بابريكا مدخنه و نص معلقه صغيره بهارات فراخ و ملح و فلفل و اضربيهم فالكبه 🧂
و اللحمه المفرومه ملح و فلفل اسود و شكرا علي كده 🫡
هناخد بقي الفراخ اللي فرمناها دي و في مكبس البرجر او في اي غطا مدور و اشكلها مدوره و بقي معايا احلي برجر فراخ 😜 و اللحمه المفرومه في نفس الغطا او مكبس البرجر 🤭
نيجي بقي لتركات مهمه اوي اوي و اللي بتربط الاكل و يبقي كلو مظبوط 📌
الفراخ بعد ما شكلتها خلاص علي شكل البرجر لازم تتحط فالفريز نص ساعه عالاقل عشان تمسك نفسها و اما احطها فالبيض متفكش مني في حاله اني هقليها هخرجها من الفريزر و هعملها بيضه و عليها فلفل اسود و ملح و هجهز كمان بقسماط ناعم كأني بعمل بانيه بالظبط و يكون الزيت عندي سخن و تمام هنزلها فالبيضه و من البيضه عالبقسماط اغلفها كويس و اروح نازله فالزيت او لو انتي هيلثي و مش عاوزه زيوت و مش فارق معاكي الكافر و الشكل الخارجي يبقي في طاسه و معلقه زيت و اشوح الفراخ اول مطلعها من الفريزر و هي اقل من نص ساعه بتمون استوت و زي الفل و اللحمه حطتها برضو تتشمع فالتلاجه نص ساعه و من التلاجه علي طاسه فيها معلقه زيت او سمنه و اشوح البرجر عندي و كده بقي عندي احلي سندوتشات برجر مضمونه و نضيفه فالبيت و عملت كميه معايا انا صورت اللي اتاكل بس
انا اللحمه عملت معايا ٣ قطع و الفراخ عملت ٤ حسب حجمهم برضو قبل الفرم و بعملو دايما و اشيلو في الفريزر مبيحصلوش اي حاجه وقت ما اعوز اطلع اسوي و خلاص كده
الكايزر بديلو لسعه خفيفه اوي من جوه مكان تسوية اللحمه و اي نوع صوصات موجود فالبيت مش هيقول لا و لو بتحبي الميكسات حطي صوص البرجر علي كاتشب و مسترده و قطعي الخيار المخلل اللي بيتباع صغنون اوي فالسوبر ماركت ده بقطعو صغير اوي اوي اوي و يبقي احلي صوص معايا
تنفع غدا عشا لانش بوكس مش هتقول لا 🫡♥️
